''ਉਹ ਫਾਹੇ ਨਾਲ ਲਟਕੀ ਹੋਈ ਸੀ ਪਰ ਸਾਹ ਲੈ ਰਹੀ ਸੀ''- ਪ੍ਰਤਿਊਸ਼ਾ ਦੀ ਮੌਤ ''ਤੇ ਸਾਲਾਂ ਬਾਅਦ ਰਾਹੁਲ ਰਾਜ ਨੇ ਤੋੜੀ ਚੁੱਪੀ
Saturday, Nov 29, 2025 - 09:58 AM (IST)
ਐਂਟਰਟੇਨਮੈਂਟ ਡੈਸਕ- ਟੀਵੀ ਅਦਾਕਾਰਾ ਪ੍ਰਤਿਊਸ਼ਾ ਬੈਨਰਜੀ ਹਿੰਦੀ ਟੈਲੀਵਿਜ਼ਨ ਦੀਆਂ ਪ੍ਰਤਿਭਾਸ਼ਾਲੀ ਅਭਿਨੇਤਰੀਆਂ ਵਿੱਚੋਂ ਇੱਕ ਸੀ, ਜੋ ‘ਬਾਲਿਕਾ ਵਧੂ’ ਵਿੱਚ ਆਨੰਦੀ ਦੇ ਕਿਰਦਾਰ ਨਾਲ ਘਰ-ਘਰ ਪ੍ਰਸਿੱਧ ਹੋਈ। 1 ਅਪ੍ਰੈਲ 2016 ਨੂੰ ਉਨ੍ਹਾਂ ਦੀ ਅਚਾਨਕ ਮੌਤ ਨਾਲ ਪੂਰੀ ਇੰਡਸਟਰੀ ਹਿਲ ਗਈ ਸੀ। ਹੁਣ ਸਾਲਾਂ ਬਾਅਦ, ਉਸ ਦੇ ਐਕਸ-ਬੁਆਏਫ਼ਰੈਂਡ ਰਾਹੁਲ ਰਾਜ ਸਿੰਘ ਨੇ ਇਸ ਘਟਨਾ ਨੂੰ ਯਾਦ ਕਰਦੇ ਹੋਏ ਇਕ ਇੰਟਰਵਿਊ ਵਿੱਚ ਕਈ ਹੈਰਾਨ ਵਾਲੀਆਂ ਗੱਲਾਂ ਸਾਂਝੀਆਂ ਕੀਤੀਆਂ ਹਨ।
ਇਹ ਵੀ ਪੜ੍ਹੋ: ਹੁਣ 'ਵਾਇਰਲ ਗਰਲ ਧੁਨੂ' ਦਾ ਟੀਚਰ ਨਾਲ 19 ਮਿੰਟ ਦਾ MMS ਲੀਕ !
ਰਾਹੁਲ ਨੇ ਦੱਸਿਆ ਕਿ ਉਹ ਮੌਕੇ 'ਤੇ ਪੁੱਜਣ ਵਾਲਾ ਪਹਿਲਾ ਵਿਅਕਤੀ ਸੀ ਅਤੇ ਉਸ ਨੇ ਦਰਵਾਜ਼ਾ ਖੋਲਣ ਲਈ ਇੱਕ ਲੌਕਸਮਿਥ ਦੀ ਮਦਦ ਲਈ ਸੀ। ਉਸ ਦੇ ਬਿਆਨ ਮੁਤਾਬਕ, ਜਦੋਂ ਉਹ ਅੰਦਰ ਗਿਆ ਤਾਂ ਪ੍ਰਤਿਊਸ਼ਾ ਕਾਲੇ ਸਾਟਨ ਦੇ ਕੱਪੜੇ ਨਾਲ ਫਾਹੇ ਨਾਲ ਲਟਕੀ ਹੋਈ ਸੀ, ਪਰ ਉਹ ਉਸ ਵੇਲੇ ਵੀ ਜ਼ਿੰਦਾ ਸੀ। ਰਾਹੁਲ ਨੇ ਉਸ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਅਤੇ CPR ਵੀ ਦਿੱਤੀ, ਪਰ ਉਸਦੀ ਜਾਨ ਨਾ ਬਚ ਸਕੀ।
ਰਾਹੁਲ ਨੇ ਇਹ ਵੀ ਕਿਹਾ ਕਿ ਪ੍ਰਤਿਊਸ਼ਾ ਆਪਣੀ ਪਰਿਵਾਰਕ ਤਕਲੀਫ਼ਾਂ ਕਰਕੇ ਮਾਨਸਿਕ ਤੌਰ 'ਤੇ ਬਹੁਤ ਤਣਾਅ ਵਿੱਚ ਸੀ। ਉਸਨੇ ਦਾਅਵਾ ਕੀਤਾ ਕਿ ਪ੍ਰਤਿਊਸ਼ਾ ਦੇ ਪਿਤਾ ਉਸਨੂੰ ਗਾਲਾਂ ਕੱਢਦੇ ਸਨ ਅਤੇ ਉਸਦੀ ਕਮਾਈ ਸ਼ਰਾਬ ਵਿੱਚ ਉਡਾ ਰਹੇ ਸਨ, ਜਿਸ ਕਾਰਨ ਉਹ ਡੂੰਘੇ ਮਨੋਵਿਗਿਆਨਿਕ ਦਬਾਅ ਵਿਚ ਸੀ। ਰਾਹੁਲ ਦੇ ਅਨੁਸਾਰ, ਮੌਤ ਤੋਂ ਕੁਝ ਸਮਾਂ ਪਹਿਲਾਂ ਵੀ ਪ੍ਰਤਿਊਸ਼ਾ ਇਸ ਗੱਲ ਨੂੰ ਲੈ ਕੇ ਬਹੁਤ ਦੁਖੀ ਸੀ।
ਉਸਨੇ ਇਹ ਵੀ ਸ਼ਿਕਾਇਤ ਕੀਤੀ ਕਿ ਪ੍ਰਤਿਊਸ਼ਾ ਦੀ ਮੌਤ ਤੋਂ ਬਾਅਦ ਸਾਰਾ ਦੋਸ਼ ਉਸ ’ਤੇ ਮੜ੍ਹ ਦਿੱਤਾ ਗਿਆ। ਰਾਹੁਲ ਦੇ ਮੁਤਾਬਕ, ਉਸਨੂੰ ਸ਼ਮਸ਼ਾਨ ਘਾਟ ਤੱਕ ਵੀ ਨਹੀਂ ਜਾਣ ਦਿੱਤਾ ਗਿਆ ਅਤੇ ਲੋਕਾਂ ਨੇ ਉਸਨੂੰ ‘ਕਾਤਲ’ ਕਹਿਣਾ ਸ਼ੁਰੂ ਕਰ ਦਿੱਤਾ। ਉਸਨੇ ਕਿਹਾ ਕਿ ਅਜੇ ਵੀ ਉਸਨੂੰ ਸਾਲਾਂ ਪੁਰਾਣੇ ਇਲਜ਼ਾਮਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਇਹ ਵੀ ਪੜ੍ਹੋ: ਮੋਬਾਈਲ ਯੂਜ਼ਰਸ ਦੀ ਲੱਗੀ ਮੌਜ ! ਆ ਗਿਆ 365 ਦਿਨਾਂ ਵਾਲਾ ਸਸਤਾ ਰੀਚਾਰਜ ਪਲਾਨ
