ਮਰਹੂਮ ਅਦਾਕਾਰਾ Meena Kumari ਦੀ ਕੰਗਨਾ ਰਣੌਤ ਨੇ ਕੀਤੀ ਤਾਰੀਫ਼, ਸ਼ੇਅਰ ਕੀਤੀ ਪੋਸਟ

ਮੁੰਬਈ- ਦੋ ਦਹਾਕਿਆਂ ਤੋਂ ਸਿਨੇਮਾ 'ਤੇ ਰਾਜ ਕਰ ਰਹੀ ਕੰਗਨਾ ਰਣੌਤ ਖੁੱਲ੍ਹ ਕੇ ਸਿਤਾਰਿਆਂ ਦੇ ਖਿਲਾਫ ਬੋਲਦੀ ਹੈ ਅਤੇ ਆਪਣੀਆਂ ਪਸੰਦੀਦਾ ਹੀਰੋਇਨਾਂ ਦੀ ਤਾਰੀਫ ਵੀ ਕਰਦੀ ਹੈ। ਇੱਕ ਵਾਰ ਉਸਨੇ ਫ਼ਿਲਮ ਪੋਨੀਯਿਨ ਸੇਲਵਨ ਲਈ ਐਸ਼ਵਰਿਆ ਰਾਏ ਦੀ ਤਾਰੀਫ ਕੀਤੀ ਸੀ ਅਤੇ ਹੁਣ ਉਸ ਨੇ ਮਰਹੂਮ ਅਦਾਕਾਰਾ ਮੀਨਾ ਕੁਮਾਰੀ ਲਈ ਇੱਕ ਦਿਲ ਨੂੰ ਛੂਹਣ ਵਾਲੀ ਪੋਸਟ ਕੀਤੀ ਹੈ।

ਕੰਗਨਾ ਰਣੌਤ ਪਿਛਲੇ ਮਹੀਨੇ ਹੀ ਪਹਿਲੀ ਵਾਰ ਸੰਸਦ ਮੈਂਬਰ ਬਣੀ ਸੀ। ਉਹ ਭਾਰਤੀ ਜਨਤਾ ਪਾਰਟੀ ਦੀ ਤਰਫੋਂ ਮੰਡੀ ਤੋਂ ਖੜੀ ਹੋਈ ਅਤੇ ਭਾਰੀ ਵੋਟਾਂ ਨਾਲ ਜਿੱਤੀ। ਨਵੀਂ ਚੁਣੀ ਗਈ ਐਮ.ਪੀ. ਕੰਗਨਾ ਭਾਵੇਂ ਹੀ ਸਿਆਸੀ ਮੁੱਦਿਆਂ 'ਤੇ ਲਗਾਤਾਰ ਆਪਣੀ ਰਾਏ ਦੇ ਰਹੀ ਹੋਵੇ, ਪਰ ਉਹ ਬਾਲੀਵੁੱਡ ਬਾਰੇ ਵੀ ਗੱਲ ਕਰਨ ਤੋਂ ਪਿੱਛੇ ਨਹੀਂ ਹਟਦੀ। ਹਾਲ ਹੀ 'ਚ ਉਨ੍ਹਾਂ ਨੇ ਮੀਨਾ ਕੁਮਾਰੀ ਦੀ ਤਾਰੀਫ 'ਚ ਆਪਣੇ ਦਿਲ ਦੀ ਗੱਲ ਕਹੀ ਹੈ।

ਇਹ ਵੀ ਪੜ੍ਹੋ- 'Kalki' ਅਦਾਕਾਰ ਅਮਿਤਾਭ ਬੱਚਨ ਨੇ ਫ਼ਿਲਮ ਦੀ ਸਫਲਤਾ ਦੌਰਾਨ ਪ੍ਰਸ਼ੰਸਕਾਂ 'ਤੇ ਲੁਟਾਇਆ ਪਿਆਰ, ਜਲਸਾ ਤੋਂ ਬਾਹਰ ਆ ਕੇ ਵੰਡੇ ਤੋਹਫ਼ੇ

ਕੰਗਨਾ ਰਣੌਤ ਨੇ 8 ਜੁਲਾਈ ਨੂੰ ਇੰਸਟਾਗ੍ਰਾਮ ਸਟੋਰੀ 'ਤੇ ਕਮਲ ਅਮਰੋਹੀ ਦੁਆਰਾ ਨਿਰਦੇਸ਼ਿਤ ਫ਼ਿਲਮ 'ਪਾਕੀਜ਼ਾ' ਦੀ ਮੀਨਾ ਕੁਮਾਰੀ ਦੀ ਇੱਕ ਕਲਿੱਪ ਸਾਂਝੀ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਉਸ ਦੇ ਪ੍ਰਦਰਸ਼ਨ ਦੀ ਤਾਰੀਫ ਕਰਦੇ ਹੋਏ ਇੱਕ ਲੰਮਾ ਨੋਟ ਲਿਖਿਆ ਹੈ। ਕੰਗਨਾ ਨੇ ਲਿਖਿਆ, "ਮੈਂ ਮੀਨਾ ਜੀ ਦਾ ਜ਼ਿਆਦਾ ਕੰਮ ਨਹੀਂ ਦੇਖਿਆ, ਪਰ ਮੈਂ ਬਹੁਤ ਪੜ੍ਹਿਆ ਹੈ। ਉਹ ਆਪਣੇ ਕੰਮ ਲਈ ਬਹੁਤ ਮਸ਼ਹੂਰ ਸਨ।"

ਇਹ ਵੀ ਪੜ੍ਹੋ- ' ਬ੍ਰਾਜ਼ੀਲ ਦੀ ਇਸ ਮਾਡਲ ਅਤੇ ਆਰੀਅਨ ਖ਼ਾਨ ਦੀਆਂ ਤਸਵੀਰਾਂ ਇੰਟਰਨੈੱਟ 'ਤੇ ਹੋਈਆਂ ਵਾਇਰਲ

ਸੰਸਦ ਮੈਂਬਰ ਦੀ ਜ਼ਿੰਮੇਵਾਰੀ ਨਿਭਾ ਰਹੀ ਕੰਗਨਾ ਰਣੌਤ ਫਿਲਮਾਂ 'ਚ ਵੀ ਸਰਗਰਮ ਹੈ। ਉਹ ਆਖਰੀ ਵਾਰ ਫਿਲਮ 'ਤੇਜਸ' 'ਚ ਨਜ਼ਰ ਆਈ ਸੀ। ਜਲਦ ਹੀ ਉਹ ਫ਼ਿਲਮ 'ਐਮਰਜੈਂਸੀ' 'ਚ ਇੰਦਰਾ ਗਾਂਧੀ ਦੀ ਭੂਮਿਕਾ 'ਚ ਨਜ਼ਰ ਆਵੇਗੀ। ਇਸ ਫ਼ਿਲਮ 'ਚ ਮਹਿਮਾ ਚੌਧਰੀ ਤੋਂ ਲੈ ਕੇ ਅਨੁਪਮ ਖੇਰ ਤੱਕ ਕਈ ਮਸ਼ਹੂਰ ਕਲਾਕਾਰ ਵੀ ਹਨ। ਇਹ ਫ਼ਿਲਮ ਇਸ ਸਾਲ 6 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।