ਜਾਵੇਦ ਅਖਤਰ ਨੇ ਅਦਾਲਤ 'ਚ ਕੰਗਨਾ 'ਤੇ ਲਾਏ ਵੱਡੇ ਇਲਜ਼ਾਮ, ਮੁਸ਼ਕਿਲਾਂ 'ਚ ਘਿਰ ਸਕਦੀ ਹੈ ਅਦਾਕਾਰਾ
07/03/2021 3:34:31 PM
ਮੁੰਬਈ (ਬਿਊਰੋ) : ਹਾਲ ਹੀ ਵਿਚ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦਾ ਪਾਸਪੋਰਟ ਨਵੀਨੀਕਰਣ ਕੀਤਾ ਗਿਆ, ਜਿਸ ਲਈ ਉਹ ਬਹੁਤ ਪ੍ਰੇਸ਼ਾਨ ਹੋਈ ਸੀ। ਹੁਣ ਅਦਾਕਾਰਾ ਆਪਣੀ ਫ਼ਿਲਮ 'ਧਾਕੜ' ਦੀ ਸ਼ੂਟਿੰਗ ਲਈ ਬੂਡਾਪੇਸਟ ਪਹੁੰਚ ਗਈ ਹੈ ਪਰ ਇੱਕ ਵਾਰ ਫਿਰ ਕੁਵੀਨ ਕੰਗਨਾ ਲਈ ਮੁਸ਼ਕਲਾਂ ਵਧ ਸਕਦੀਆਂ ਹਨ। ਦਰਅਸਲ, ਲੇਖਕ ਅਤੇ ਗੀਤਕਾਰ ਜਾਵੇਦ ਅਖ਼ਤਰ ਨੇ ਬੰਬੇ ਹਾਈ ਕੋਰਟ ਵਿਚ ਇੱਕ ਦਖਲ ਪਟੀਸ਼ਨ ਦਾਇਰ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਦਾਅਵਾ ਕੀਤਾ ਹੈ ਕਿ ਅਦਾਕਾਰਾ ਨੇ ਜਾਣਬੁੱਝ ਕੇ ਪਾਸਪੋਰਟ ਨਵੀਨੀਕਰਣ ਦੇ ਮਾਮਲੇ ਵਿਚ ਕੁਝ ਤੱਥ ਛੁਪਾਏ ਹਨ।
ਇਹ ਖ਼ਬਰ ਵੀ ਪੜ੍ਹ- ਭਾਰਤੀ ਸਿੰਘ ਨੂੰ ਕੁੱਖ 'ਚ ਮਾਰਨਾ ਚਾਹੁੰਦੀ ਸੀ ਮਾਂ, ਜਾਣੋ ਫਰਸ਼ ਤੋਂ ਅਰਸ਼ ਤੱਕ ਦਾ ਸਫ਼ਰ
ਦਰਅਸਲ, ਜਾਵੇਦ ਅਖਤਰ ਦਾ ਕਹਿਣਾ ਹੈ ਕਿ ਕੰਗਨਾ ਰਨੌਤ ਨੇ ਆਪਣੇ ਕੇਸ ਨਾਲ ਸਬੰਧਿਤ ਕੁਝ ਤੱਥ ਅਦਾਲਤ ਤੋਂ ਛੁਪਾਏ ਹਨ। ਜਾਵੇਦ ਨੇ ਕਿਹਾ ਕਿ ਹਾਈ ਕੋਰਟ ਨੇ ਕੰਗਨਾ ਨੂੰ ਪੁੱਛਿਆ ਸੀ ਕਿ ਕੀ ਉਸ ਖ਼ਿਲਾਫ਼ ਕੋਈ ਅਪਰਾਧਕ ਕੇਸ ਚੱਲ ਰਿਹਾ ਹੈ। ਜਿਸ ਤੋਂ ਬਾਅਦ ਅਦਾਕਾਰਾ ਦੇ ਵਕੀਲ ਰਿਜਵਾਨ ਸਿੱਦੀਕੀ ਨੇ ਜੱਜ ਕੋਰਟ ਨੂੰ ਦੱਸਿਆ ਕਿ ਉਸ ਦੇ ਖ਼ਿਲਾਫ਼ ਸਿਰਫ ਦੋ ਐੱਫ. ਆਈ. ਆਰ. ਦਰਜ ਕੀਤੀਆਂ ਗਈਆਂ ਸਨ ਪਰ ਇਨ੍ਹਾਂ ਐੱਫ. ਆਈ. ਆਰ. ਵਿਚ ਅਦਾਕਾਰਾ ਖ਼ਿਲਾਫ਼ ਅਪਰਾਧਿਕ ਕਾਰਵਾਈ ਸ਼ੁਰੂ ਨਹੀਂ ਹੋਈ ਹੈ।
ਇਹ ਖ਼ਬਰ ਵੀ ਪੜ੍ਹ- 20 ਸਾਲ ਪਹਿਲਾਂ ਇੰਝ ਮਿਲੇ ਸਨ ਆਮਿਰ-ਕਿਰਨ, ਜ਼ਿੰਦਗੀ 'ਚ ਆਏ ਉਤਰਾਅ-ਚੜ੍ਹਾਅ ਮਗਰੋਂ ਵੱਖ ਹੋਏ ਰਸਤੇ
ਜਾਵੇਦ ਅਖ਼ਤਰ ਨੇ ਆਖੀ ਇਹ ਗੱਲ
ਜਾਵੇਦ ਅਖ਼ਤਰ ਨੇ ਕਿਹਾ ਕਿ ਉਸ ਨੇ ਮੇਰੇ ਕੇਸ ਬਾਰੇ ਨਹੀਂ ਦੱਸਿਆ ਜੋ ਮੈਂ ਕੰਗਨਾ ਖ਼ਿਲਾਫ਼ ਦਾਇਰ ਕੀਤਾ ਹੈ। ਮੈਂ ਕੰਗਨਾ ਖ਼ਿਲਾਫ਼ ਮਾਣਹਾਨੀ ਦਾ ਕੇਸ ਦਾਇਰ ਕੀਤਾ ਹੈ, ਜੋ ਮੈਜਿਸਟਰੇਟ ਅਦਾਲਤ ਵਿਚ ਵਿਚਾਰ ਅਧੀਨ ਹੈ। ਦੱਸ ਦੇਈਏ ਕਿ ਜਾਵੇਦ ਨੇ ਕੰਗਨਾ ਖ਼ਿਲਾਫ਼ ਅ
ਇਹ ਖ਼ਬਰ ਵੀ ਪੜ੍ਹ- 'ਕਸੌਟੀ ਜ਼ਿੰਦਗੀ ਕੀ' ਫੇਮ ਪ੍ਰਾਚੀਨ ਚੌਹਨ ਗ੍ਰਿਫ਼ਤਾਰ, ਲੱਗੇ ਛੇੜ-ਛਾੜ ਦੇ ਦੋਸ਼
ਕੰਗਨਾ 'ਧਾਕੜ' ਦੀ ਸ਼ੂਟਿੰਗ ਵਿਚ ਬਿਜ਼ੀ
ਦੱਸ ਦਈਏ ਕਿ ਕੰਗਨਾ ਪਾਸਪੋਰਟ ਨਵੀਨੀਕਰਣ ਤੋਂ ਬਾਅਦ 'ਧਾਕੜ' ਫ਼ਿਲਮ ਦੀ ਸ਼ੂਟਿੰਗ ਲਈ ਬੂਡਾਪੇਸਟ ਗਈ ਹੈ। ਉਸ ਨੇ ਇਹ ਜਾਣਕਾਰੀ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ। ਅਦਾਕਾਰਾ ਨੇ 'ਧਾਕੜ' ਦੇ ਨਿਰਦੇਸ਼ਕ ਰਜਨੀਸ਼ ਘਈ ਨਾਲ ਇੱਕ ਤਸਵੀਰ ਸਾਂਝੀ ਕੀਤੀ ਅਤੇ ਲਿਖਿਆ, ''ਮੈਨੂੰ ਆਪਣਾ ਪਾਸਪੋਰਟ ਮਿਲ ਗਿਆ ਹੈ। ਤੁਹਾਡੀ ਚਿੰਤਾ ਅਤੇ ਸ਼ੁਭ ਕਾਮਨਾਵਾਂ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ। ਚੀਫ ਮੈਂ ਜਲਦੀ ਹੀ ਤੁਹਾਡੇ ਨਾਲ ਹੋਵਾਂਗੀ।"
ਇਸ ਦੇ ਨਾਲ ਹੀ ਕੰਗਨਾ ਆਪਣੀ ਫ਼ਿਲਮ 'ਐਮਰਜੈਂਸੀ' ਨੂੰ ਲੈ ਕੇ ਵੀ ਚਰਚਾ 'ਚ ਹੈ। ਇਸ ਤੋਂ ਇਲਾਵਾ ਉਹ 'ਥਲਾਈਵੀ' 'ਚ ਨਜ਼ਰ ਆਉਣ ਵਾਲੀ ਹੈ। ਫ਼ਿਲਮ ਦਾ ਟਰੇਲਰ ਜਾਰੀ ਕੀਤਾ ਗਿਆ ਹੈ ਪਰ ਇਸ ਦੀ ਰਿਲੀਜ਼ਿੰਗ ਤਾਰੀਖ਼ ਵਧਾ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਉਹ ਫ਼ਿਲਮ 'ਧਾਕੜ' ਵਿਚ ਅਰਜੁਨ ਰਾਮਪਾਲ ਅਤੇ ਦਿਵਿਆ ਦੱਤਾ ਨਾਲ ਕੰਮ ਕਰਨ ਜਾ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹ- ਵੱਡੀ ਖ਼ਬਰ : ਆਮਿਰ ਖ਼ਾਨ ਨੇ ਦੂਜੀ ਪਤਨੀ ਤੋਂ ਵੀ ਲਿਆ ਤਲਾਕ, 15 ਸਾਲ ਬਾਅਦ ਹੋਏ ਵੱਖ
ਨੋਟ - ਕੰਗਨਾ ਰਣੌਤ ਤੇ ਜਾਵੇਦ ਅਖਤਰ ਦੀ ਇਸ ਖ਼ਬਰ ਬਾਰੇ ਤੁਹਾਡੇ ਕੀ ਨੇ ਵਿਚਾਰ, ਕੁਮੈਂਟ ਬਾਕਸ ਵਿਚ ਜ਼ਰੂਰ ਦੱਸੋ।
