ਲਾਈਵ ਸ਼ੋਅ ਤੋਂ ਕੁਝ ਸਮਾਂ ਪਹਿਲਾਂ ਹੀ ਮਸ਼ਹੂਰ ਗਾਇਕ ਨੇ ਛੱਡ''ਤੀ ਦੁਨੀਆ ! 44 ਸਾਲ ਦੀ ਉਮਰ ''ਚ ਲਿਆ ਆਖ਼ਰੀ ਸਾਹ

ਐਂਟਰਟੇਨਮੈਂਟ ਡੈਸਕ- ਮਲਿਆਲਮ ਸੰਗੀਤ ਇੰਡਸਟਰੀ ਦੇ ਪ੍ਰਸਿੱਧ ਗਾਇਕ ਨਿਸਾਰ ਵਾਇਨਾਡ ਦਾ 44 ਸਾਲ ਦੀ ਉਮਰ 'ਚ ਦੁਬਈ 'ਚ ਦਿਹਾਂਤ ਹੋ ਗਿਆ। ਆਪਣੀ ਸੁਰੀਲੀ ਆਵਾਜ਼ ਅਤੇ ਮਸ਼ਹੂਰ ਗਾਇਕ ਉਦਿਤ ਨਾਰਾਇਣ ਵਰਗੀ ਗਾਇਕੀ ਸ਼ੈਲੀ ਲਈ ਜਾਣੇ ਜਾਣ ਵਾਲੇ ਨਿਸਾਰ ਉੱਥੇ ਇਕ ਲਾਈਵ ਮਿਊਜ਼ਿਕ ਸ਼ੋਅ ਕਰਨ ਗਏ ਸਨ। 

ਸ਼ੋਅ ਸ਼ੁਰੂ ਹੋਣ ਤੋਂ ਕੁਝ ਘੰਟੇ ਪਹਿਲਾਂ, ਉਨ੍ਹਾਂ ਦੀ ਸਿਹਤ ਅਚਾਨਕ ਵਿਗੜ ਗਈ। ਉਨ੍ਹਾਂ ਨੂੰ ਤੁਰੰਤ ਨੇੜਲੇ ਹਸਪਤਾਲ ਲਿਜਾਇਆ ਗਿਆ, ਪਰ ਡਾਕਟਰਾਂ ਦੀਆਂ ਪੂਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ, ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਇਸ ਬੇਵਕਤੀ ਦਿਹਾਂਤ ਨੇ ਸੰਗੀਤ ਜਗਤ, ਉਨ੍ਹਾਂ ਦੇ ਪਰਿਵਾਰ ਅਤੇ ਦੁਨੀਆ ਭਰ ਦੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ 'ਚ ਵਿਚਾਲੇ ਸਦਮੇ ਦੀ ਲਹਿਰ ਦੌੜ ਗਈ ਹੈ।

ਗਾਇਕ ਦੇ ਕਰੀਬੀ ਦੋਸਤ, ਨੌਜਸ ਕਾਇਕੂਲ ਨੇ ਦੱਸਿਆ ਕਿ ਨਿਸਾਰ ਪਿਛਲੇ ਕੁਝ ਦਿਨਾਂ ਤੋਂ ਬੁਖਾਰ ਤੋਂ ਪੀੜਤ ਸਨ। ਇਸ ਨੂੰ ਸਾਧਾਰਨ ਬੁਖ਼ਾਰ ਮੰਨ ਕੇ ਉਹ ਖੁਦ ਹੀ ਪੈਰਾਸਿਟਾਮੋਲ ਵਰਗੀਆਂ ਆਮ ਦਵਾਈਆਂ ਲੈ ਰਹੇ ਸਨ ਪਰ ਹਸਪਤਾਲ ਪਹੁੰਚਣ ਤੱਕ ਉਨ੍ਹਾਂ ਦੀ ਸਥਿਤੀ ਕਾਫ਼ੀ ਖਰਾਬ ਹੋ ਗਈ ਸੀ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਨਿਸਾਰ ਨੂੰ ਸ਼ੂਗਰ ਵੀ ਸੀ। ਉਨ੍ਹਾਂ ਦੀ ਮੌਤ ਇਨਫੈਕਸ਼ਨ ਅਤੇ ਅੰਗ ਫੇਲ੍ਹ ਹੋਣ ਕਾਰਨ ਹੋਈਆਂ ਪੇਚੀਦਗੀਆਂ ਕਾਰਨ ਹੋਈ।

ਨਿਸਾਰ ਵਾਇਨਾਡ ਆਪਣੀ ਵਿਲੱਖਣ ਗਾਇਕੀ ਸ਼ੈਲੀ ਲਈ ਜਾਣੇ ਜਾਂਦੇ ਸਨ। ਪ੍ਰਸਿੱਧ ਬਾਲੀਵੁੱਡ ਗਾਇਕ ਉਦਿਤ ਨਾਰਾਇਣ ਵਰਗੀ ਆਵਾਜ਼ ਦੇ ਨਾਲ, ਉਹ ਨਾ ਸਿਰਫ਼ ਕੇਰਲ 'ਚ ਸਗੋਂ ਯੂਏਈ 'ਚ ਵੀ ਕਾਫ਼ੀ ਮਸ਼ਹੂਰ ਸੀ। ਨਿਸਾਰ ਰਵਾਇਤੀ ਮੱਪੀਲਾਪੱਟੂ ਗੀਤਾਂ ਦੇ ਨਾਲ-ਨਾਲ ਹਿੰਦੀ ਦੇ ਲੋਕਪ੍ਰਿਯ ਗੀਤਾਂ ਨੂੰ ਵੀ ਬਹੁਤ ਸ਼ਾਨਦਾਰ ਤਰੀਕੇ ਨਾਲ ਗਾਉਂਦੇ ਸਨ।

ਅਗਸਤ 'ਚ ਯੂਏਈ ਪਹੁੰਚਣ ਤੋਂ ਬਾਅਦ, ਨਿਸਾਰ ਨੇ ਉੱਥੇ ਕਈ ਸਮਾਗਮਾਂ 'ਚ ਪ੍ਰਦਰਸ਼ਨ ਕੀਤਾ। ਆਉਣ ਵਾਲੇ ਦਿਨਾਂ 'ਚ ਦੁਬਈ ਅਤੇ ਸਾਊਦੀ ਅਰਬ 'ਚ ਉਸ ਦੇ ਕਈ ਸ਼ੋਅ ਹੋਣੇ ਸਨ ਅਤੇ ਉਹ ਕੁਝ ਨਵੀਆਂ ਫਿਲਮਾਂ 'ਚ ਪਲੇਬੈਕ ਗਾਉਣ ਦੀ ਵੀ ਤਿਆਰੀ ਕਰ ਰਿਹਾ ਸੀ। ਨਿਸਾਰ ਆਪਣੇ ਪਿੱਛੇ ਪਤਨੀ ਅਤੇ 2 ਧੀਆਂ ਨੂੰ ਛੱਡ ਗਏ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e