ਫ਼ਿਲਮ ਇੰਡਸਟਰੀ ''ਚ ਛਾਇਆ ਮਾਤਮ, ਮਸ਼ਹੂਰ ਅਦਾਕਾਰਾ ਦਾ ਹੋਇਆ ਦਿਹਾਂਤ

ਐਂਟਰਟੇਨਮੈਂਟ ਡੈਸਕ : ਫ਼ਿਲਮ 'ਮੇਰੀਕੁੰਡੂਰੂ ਕੁੰਜਾਦੂ' ਦੀ ਬਾਲ ਅਦਾਕਾਰਾ ਅਤੇ ਸੇਂਟ ਟੇਰੇਸਾ ਕਾਲਜ ਦੀ ਸਾਬਕਾ ਚੇਅਰਪਰਸਨ ਨਿਕਿਤਾ ਨਈਅਰ ਦਾ ਦਿਹਾਂਤ ਹੋ ਗਿਆ। ਹਾਲੇ ਉਸ ਦੀ ਉਮਰ ਸਿਰਫ਼ 21 ਸਾਲ ਦੀ ਸੀ। ਨਿਕਿਤਾ BSC ਮਨੋਵਿਗਿਆਨ ਦੀ ਵਿਦਿਆਰਥਣ ਸੀ। ਕੋਚੀ ਦੇ ਇੱਕ ਨਿੱਜੀ ਹਸਪਤਾਲ 'ਚ ਬੀਮਾਰੀ ਕਾਰਨ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਉਸ ਨੂੰ ਵਿਲਸਨ ਦੀ ਬੀਮਾਰੀ ਨਾਂ ਦੀ ਦੁਰਲੱਭ ਬੀਮਾਰੀ ਸੀ।

ਇਹ ਖ਼ਬਰ ਵੀ ਪੜ੍ਹੋ - ਮਸ਼ਹੂਰ Influencer ਨੇ ਨੀਰੂ ਬਾਜਵਾ ਨੂੰ ਕਿਹਾ- 'ਇਹ ਨੀ ਹੁੰਦੀ ਬੁੱਢੀ...'

ਨਿਕਿਤਾ ਨਈਅਰ ਕਰੁਣਾਗਪੱਲੀ, ਕੋਲਮ ਦੀ ਰਹਿਣ ਵਾਲੀ ਸੀ। ਬੀਮਾਰੀ ਕਾਰਨ ਉਸ ਨੂੰ 2 ਵਾਰ ਲਿਵਰ ਟ੍ਰਾਂਸਪਲਾਂਟ ਸਰਜਰੀ ਕਰਵਾਉਣੀ ਪਈ। ਦੂਜੀ ਸਰਜਰੀ ਤੋਂ ਇੱਕ ਹਫ਼ਤੇ ਬਾਅਦ ਉਸ ਦੀ ਮੌਤ ਹੋ ਗਈ। ਉਹ ਆਪਣੀ ਮਾਂ ਨਮਿਤਾ ਮਾਧਵਨਕੁਟੀ ਅਤੇ ਪਿਤਾ ਡੌਨੀ ਥਾਮਸ ਨੂੰ ਪਿੱਛੇ ਛੱਡ ਗਈ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਕੈਂਸਰ ਨੇ ਹਿਨਾ ਖ਼ਾਨ ਦਾ ਕੀਤਾ ਅਜਿਹਾ ਹਾਲ, ਤਸਵੀਰਾਂ ਵੇਖ ਫੈਨਜ਼ ਵੀ ਹੋ ਗਏ ਪਰੇਸ਼ਾਨ

ਦੱਸਣਯੋਗ ਹੈ ਕਿ ਨਿਕਿਤਾ ਆਪਣੇ ਕਾਲਜ ਦੇ ਦਿਨਾਂ ਦੌਰਾਨ ਇੱਕ ਸਰਗਰਮ ਅਤੇ ਪ੍ਰੇਰਨਾਦਾਇਕ ਵਿਦਿਆਰਥੀ ਸੀ। ਉਸ ਦੇ ਦਿਹਾਂਤ ਕਾਰਨ ਕਾਲਜ ਅਤੇ ਉਸ ਦੇ ਦੋਸਤਾਂ 'ਚ ਸੋਗ ਦੀ ਲਹਿਰ ਹੈ। ਨਿਕਿਤਾ ਦੀਆਂ ਯਾਦਾਂ ਆਪਣੇ ਸਾਥੀਆਂ ਅਤੇ ਅਧਿਆਪਕਾਂ ਦੇ ਦਿਲਾਂ 'ਚ ਹਮੇਸ਼ਾ ਜ਼ਿੰਦਾ ਰਹਿਣਗੀਆਂ। ਨਿਕਿਤਾ ਦੀ ਲਾਸ਼ ਦਾ ਸਸਕਾਰ ਕੋਚੀ ‘ਚ ਕੀਤਾ ਜਾਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8