ਨਹੀਂ ਰਿਹਾ ਕਾਰਟੂਨ ਦੁਨੀਆ ਦਾ ''ਕਿੰਗ'' ! ਕੈਂਸਰ ਤੋਂ ਜੰਗ ਹਾਰ ਗਿਆ Doraemon ਦਾ Creator

ਮਨੋਰੰਜਨ ਡੈਸਕ : ਦੁਨੀਆ ਭਰ ਦੇ ਬੱਚਿਆਂ ਦੇ ਚਹੇਤੇ ਕਾਰਟੂਨ ਕਿਰਦਾਰ 'ਡੋਰੇਮੋਨ' ਦੇ ਮਸ਼ਹੂਰ ਐਨੀਮੇ ਨਿਰਦੇਸ਼ਕ ਸੁਤੋਮੂ ਸ਼ਿਬਾਯਾਮਾ ਦਾ 84 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ। ਉਹ ਫੇਫੜਿਆਂ ਦੇ ਕੈਂਸਰ ਨਾਲ ਲੰਬੀ ਲੜਾਈ ਲੜ ਰਹੇ ਸਨ ਤੇ ਅੰਤ ਵਿੱਚ 6 ਮਾਰਚ ਨੂੰ ਜ਼ਿੰਦਗੀ ਦੀ ਜੰਗ ਹਾਰ ਗਏ। ਉਨ੍ਹਾਂ ਦੀ ਮੌਤ ਦੀ ਅਧਿਕਾਰਤ ਜਾਣਕਾਰੀ ਜਾਪਾਨੀ ਐਨੀਮੇਸ਼ਨ ਸਟੂਡੀਓ 'ਅਜੀਆ ਡੋ ਐਨੀਮੇਸ਼ਨ ਵਰਕਸ' ਦੀ ਵੈੱਬਸਾਈਟ ਰਾਹੀਂ ਦਿੱਤੀ ਗਈ ਹੈ, ਜਿਸ ਦੇ ਉਹ ਸਹਿ-ਮਾਲਕ ਵੀ ਸਨ।

ਸੁਤੋਮੂ ਸ਼ਿਬਾਯਾਮਾ ਨੇ ਲਗਭਗ 20 ਸਾਲਾਂ ਤੋਂ ਵੱਧ ਸਮੇਂ ਤੱਕ ਡੋਰੇਮੋਨ ਦੇ ਟੀਵੀ ਐਨੀਮੇਸ਼ਨ ਅਤੇ 22 ਫੀਚਰ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ। ਉਨ੍ਹਾਂ ਨੇ ਨੋਬਿਤਾ ਅਤੇ ਸ਼ਿਜ਼ੂਕਾ ਵਰਗੇ ਕਿਰਦਾਰਾਂ ਨੂੰ ਦੁਨੀਆ ਭਰ ਵਿੱਚ ਪ੍ਰਸਿੱਧ ਬਣਾਇਆ, ਜੋ ਅੱਜ 8 ਤੋਂ 80 ਸਾਲ ਤੱਕ ਦੇ ਲੋਕਾਂ ਦੇ ਪਸੰਦੀਦਾ ਹਨ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1963 ਵਿੱਚ ਟੋਈ ਐਨੀਮੇਸ਼ਨ ਤੋਂ ਕੀਤੀ ਸੀ।
ਸ਼ਿਬਾਯਾਮਾ ਨੇ ਡੋਰੇਮੋਨ ਤੋਂ ਇਲਾਵਾ 'ਨਿੰਤਾਮਾ ਰਾਂਤਾਰੋ', 'ਚਿਬੀ ਮਾਰੂਕੋ-ਚਾਨ', 'ਦਿ ਗਸਟੀ ਫਰੌਗ' ਅਤੇ 'ਟੇਨਸਾਈ ਬਾਕਾਬੋਨ' ਵਰਗੇ ਕਈ ਹੋਰ ਹਿੱਟ ਪ੍ਰੋਜੈਕਟਾਂ 'ਤੇ ਕੰਮ ਕੀਤਾ। ਐਨੀਮੇਸ਼ਨ ਇੰਡਸਟਰੀ ਵਿੱਚ ਉਨ੍ਹਾਂ ਦੇ ਬੇਮਿਸਾਲ ਯੋਗਦਾਨ ਲਈ ਸਾਲ 2012 ਵਿੱਚ ਜਾਪਾਨੀ ਸੱਭਿਆਚਾਰਕ ਮਾਮਲਿਆਂ ਦੀ ਏਜੰਸੀ ਵੱਲੋਂ ਉਨ੍ਹਾਂ ਨੂੰ 'ਲਾਈਫਟਾਈਮ ਅਚੀਵਮੈਂਟ ਐਵਾਰਡ' ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਉਨ੍ਹਾਂ ਦੇ ਅਚਾਨਕ ਜਾਣ ਨਾਲ ਐਨੀਮੇ ਪ੍ਰੇਮੀਆਂ ਅਤੇ ਡੋਰੇਮੋਨ ਦੇ ਪ੍ਰਸ਼ੰਸਕਾਂ ਵਿੱਚ ਸੋਗ ਦੀ ਲਹਿਰ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e