ਅਲੱਗ ਹੋਣ ਦੀਆਂ ਖ਼ਬਰਾਂ ਵਿਚਾਲੇ ਦੀਪਿਕਾ ਦਾ ਬਿਆਨ, ‘ਅਸੀਂ ਦੋਵੇਂ...’

ਮੁੰਬਈ (ਬਿਊਰੋ)– ਦੀਪਿਕਾ ਪਾਦੁਕੋਣ ਤੇ ਰਣਵੀਰ ਸਿੰਘ ਬਾਲੀਵੁੱਡ ਦੇ ਪਾਵਰ ਕੱਪਲਜ਼ ’ਚੋਂ ਇਕ ਹਨ। ਕੱਪਲ ਨੇ ਆਪਣੇ ਪਿਆਰ ਨਾਲ ਲੋਕਾਂ ਨੂੰ ਪਿਆਰ ਕਰਨਾ ਸਿਖਾ ਦਿੱਤਾ ਹੈ ਪਰ ਕੁਝ ਸਮੇਂ ਤੋਂ ਦੋਵਾਂ ਦੇ ਅਲੱਗ ਹੋਣ ਦੀਆਂ ਖ਼ਬਰਾਂ ਉੱਡ ਰਹੀਆਂ ਸਨ। ਜ਼ਾਹਿਰ ਤੌਰ ’ਤੇ ਇਹ ਖ਼ਬਰ ਹਰ ਕਿਸੇ ਲਈ ਸ਼ਾਕਿੰਗ ਹੈ।

ਹਾਲਾਂਕਿ ਹੁਣ ਦੀਪਿਕਾ-ਰਣਵੀਰ ਦੇ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਹੋਣ ਦੀ ਲੋੜ ਨਹੀਂ ਹੈ। ਦੀਪਿਕਾ-ਰਣਵੀਰ ਕੱਲ ਵੀ ਇਕੱਠੇ ਸਨ ਤੇ ਅੱਜ ਵੀ ਇਕੱਠੇ ਹਨ। ਤਾਜ਼ਾ ਇੰਟਰਵਿਊ ’ਚ ਦੀਪਿਕਾ ਨੇ ਕਲੀਅਰ ਕਰ ਦਿੱਤਾ ਹੈ ਕਿ ਕੱਪਲ ਵਿਚਾਲੇ ਸਭ ਕੁਝ ਠੀਕ ਹੈ।

ਦੀਪਿਕਾ ਤੇ ਰਣਵੀਰ ਨੂੰ ਇਕੱਠਿਆਂ ਦੇਖਣ ਲਈ ਲੋਕ ਉਤਸ਼ਾਹਿਤ ਹਨ। ਰਣਵੀਰ ਕਈ ਵਾਰ ਸ਼ਰੇਆਮ ਦੀਪਿਕਾ ਪ੍ਰਤੀ ਆਪਣੀ ਮੁਹੱਬਤ ਦਾ ਇਨਕਾਰ ਕਰ ਚੁੱਕੇ ਹਨ। ਦੀਪਿਕਾ ਜਨਤਕ ਤੌਰ ’ਤੇ ਆਪਣੇ ਰਿਲੇਸ਼ਨ ’ਤੇ ਘੱਟ ਬੋਲਦੀ ਦਿਖਦੀ ਹੈ ਪਰ ਹਾਂ ਉਸ ਦੀ ਖਾਮੋਸ਼ੀ ’ਚ ਰਣਵੀਰ ਪ੍ਰਤੀ ਪਿਆਰ ਦਿਖ ਜਾਂਦਾ ਹੈ। ਉਥੇ ਇਕ ਟਵੀਟ ਰਾਹੀਂ ਦੋਵਾਂ ਦੇ ਤਲਾਕ ਦੀ ਨਿਊਜ਼ ਨੂੰ ਹਵਾ ਦਿੱਤੀ ਗਈ ਪਰ ਕੱਪਲ ’ਚੋਂ ਕਿਸੇ ਨੇ ਵੀ ਇਸ ’ਤੇ ਪ੍ਰਤੀਕਿਰਿਆ ਨਹੀਂ ਦਿੱਤੀ।

ਇਹ ਖ਼ਬਰ ਵੀ ਪੜ੍ਹੋ : ਰੈਪਰ ਬਾਦਸ਼ਾਹ ਨੂੰ ਹੋਇਆ ਇਸ ਪੰਜਾਬੀ ਅਦਾਕਾਰਾ ਨਾਲ ਪਿਆਰ ! 1 ਸਾਲ ਤੋਂ ਇਕ-ਦੂਜੇ ਨੂੰ ਕਰ ਰਹੇ ਨੇ ਡੇਟ

ਰਣਵੀਰ-ਦੀਪਿਕਾ ਦੇ ਪ੍ਰਸ਼ੰਸਕ ਇਸ ਗੱਲ ਤੋਂ ਕਾਫੀ ਪ੍ਰੇਸ਼ਾਨ ਦਿਖਾਈ ਦਿੱਤੇ। ਉਥੇ ਹੁਣ ਇਕ ਇੰਟਰਵਿਊ ’ਚ ਦੀਪਿਕਾ ਨੇ ਰਣਵੀਰ ਬਾਰੇ ਗੱਲਬਾਤ ਕੀਤੀ ਹੈ। ਦੀਪਿਕਾ ਨੇ ਇਕ ਇੰਟਰਵਿਊ ’ਚ ਕਿਹਾ ਕਿ ਉਹ ਪਿਛਲੇ ਕੁਝ ਸਮੇਂ ਤੋਂ ਕੰਮ ’ਚ ਕਾਫੀ ਰੁੱਝੀ ਹੋਈ ਸੀ। ਉਥੇ ਰਣਵੀਰ ਸਿੰਘ ਵੀ ਕੰਮ ਦੇ ਸਿਲਸਿਲੇ ’ਚ ਕਈ ਦਿਨਾਂ ਤੋਂ ਘਰੋਂ ਬਾਹਰ ਹਨ।

ਦੀਪਿਕਾ ਦੱਸਦੀ ਹੈ ਕਿ ਉਸ ਦੇ ਪਤੀ ਇਕ ਹਫ਼ਤੇ ਤੋਂ ਇਕ ਮਿਊਜ਼ਿਕ ਇਵੈਂਟ ’ਚ ਰੁੱਝੇ ਸਨ। ਉਹ ਅਜੇ ਘਰ ਆਏ ਹਨ, ਉਹ ਮੇਰਾ ਚਿਹਰਾ ਦੇਖ ਕੇ ਕਾਫੀ ਖ਼ੁਸ਼ ਹੋਣ ਵਾਲੇ ਹਨ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।