ਪ੍ਰੇਮੀ ਕਾਰਨ ਜੇਲ੍ਹ ਪਹੁੰਚੀ ਨਾਮੀ ਅਦਾਕਾਰਾ! ਜੇਲ੍ਹਰ ਨੇ ਬਣਾ ਲਿਆ MMS

ਐਂਟਰਟੇਨਮੈਂਟ ਡੈਸਕ- ਟੀਵੀ ਸੀਰੀਅਲ ‘ਸਰਸਵਤੀਚੰਦਰ’ ਅਤੇ ‘ਬੰਧਨ’ ਵਿੱਚ ਕੰਮ ਕਰ ਚੁੱਕੀ ਅਦਾਕਾਰਾ ਮੋਨਿਕਾ ਬੇਦੀ ਆਪਣੇ ਅਦਾਕਾਰੀ ਤੋਂ ਵੱਧ ਆਪਣੇ ਵਿਵਾਦਪੂਰਨ ਜੀਵਨ ਲਈ ਜਾਣੀ ਜਾਂਦੀ ਹੈ। ਮੋਨਿਕਾ ਦਾ ਨਾਮ ਗੈਂਗਸਟਰ ਅਬੂ ਸਲੇਮ ਨਾਲ ਜੁੜਿਆ ਸੀ ਅਤੇ ਇਸ ਕਾਰਨ ਉਸ ਨੂੰ ਜੇਲ੍ਹ ਜਾਣਾ ਪਿਆ ਸੀ। ਜੇਲ੍ਹ ਵਿੱਚ ਰਹਿੰਦਿਆਂ ਵੀ ਉਸ ਦੀ ਜ਼ਿੰਦਗੀ ਸੁਰਖੀਆਂ ਵਿੱਚ ਰਹੀ। 
2005-06 ਦੌਰਾਨ ਮੋਨਿਕਾ ਭੋਪਾਲ ਦੀ ਕੇਂਦਰੀ ਜੇਲ੍ਹ ਵਿੱਚ ਸੀ ਅਤੇ ਉਸ ਸਮੇਂ ਉਸ ਨਾਲ ਜੁੜੀਆਂ ਕੁਝ ਹੈਰਾਨ ਕਰਨ ਵਾਲੀਆਂ ਗੱਲਾਂ ਸਾਹਮਣੇ ਆਈਆਂ ਸਨ। ਉਨ੍ਹਾਂ ਵਿੱਚੋਂ ਇੱਕ ਉਸਦਾ ਇੱਕ ਅਸ਼ਲੀਲ ਐਮਐਮਐਸ ਬਣਾਉਣ ਦਾ ਦੋਸ਼ ਸੀ। ਦਰਅਸਲ, ਜਦੋਂ ਮੋਨਿਕਾ ਬੇਦੀ ਨੂੰ ਜਾਅਲੀ ਪਾਸਪੋਰਟ ਮਾਮਲੇ ਵਿੱਚ ਭੋਪਾਲ ਜੇਲ੍ਹ ਲਿਆਂਦਾ ਗਿਆ ਸੀ, ਤਾਂ ਬਹੁਤ ਸਾਰੇ ਪੁਲਸ ਅਧਿਕਾਰੀਆਂ ਨੇ ਉਸ ਨਾਲ ਖਾਸ ਵਿਵਹਾਰ ਕੀਤਾ। ਕਿਹਾ ਜਾਂਦਾ ਹੈ ਕਿ ਕੁਝ ਪੁਲਸ ਮੁਲਾਜ਼ਮਾਂ ਨੇ ਮੋਨਿਕਾ ਦੇ ਸੈੱਲ ਦੇ ਨੇੜੇ ਆਪਣੀ ਡਿਊਟੀ ਵੀ ਲਗਾਈ ਸੀ। ਸਭ ਤੋਂ ਹੈਰਾਨ ਕਰਨ ਵਾਲੀ ਗੱਲ ਇਹ ਸੀ ਕਿ ਹਰ ਰੋਜ਼ ਇੱਕ ਪੁਲਸ ਅਧਿਕਾਰੀ ਉਸ ਲਈ ਤਿੰਨ-ਸਿਤਾਰਾ ਹੋਟਲ ਤੋਂ ਉਸ ਦੀ ਪਸੰਦ ਦਾ ਖਾਣਾ ਲਿਆਉਂਦਾ ਸੀ ਅਤੇ ਉਸਦੇ ਨਾਲ ਬੈਠ ਕੇ ਰਾਤ ਦਾ ਖਾਣਾ ਖਾਂਦਾ ਸੀ।

ਮੋਨਿਕਾ ਦਾ MMS
2005-06 ਦੌਰਾਨ ਕਾਂਗਰਸ ਨੇ ਭੋਪਾਲ ਦੀ ਕੇਂਦਰੀ ਜੇਲ੍ਹ ਦੇ ਜੇਲ੍ਹਰ ਪੁਰਸ਼ੋਤਮ ਸੋਮਕੁੰਵਰ ‘ਤੇ ਗੰਭੀਰ ਦੋਸ਼ ਲਗਾਏ ਸਨ। ਦੋਸ਼ ਇਹ ਸੀ ਕਿ ਉਸ ਨੇ ਮੋਨਿਕਾ ਬੇਦੀ ਦੇ ਬਾਥਰੂਮ ਵਿੱਚ ਗੁਪਤ ਤੌਰ ‘ਤੇ ਇੱਕ ਸੀਸੀਟੀਵੀ ਕੈਮਰਾ ਲਗਾਇਆ ਸੀ ਅਤੇ ਉਸ ਦਾ ਅਸ਼ਲੀਲ MMS ਵੀ ਬਣਾਇਆ ਸੀ। ਇਹ ਮਾਮਲਾ ਕਾਫ਼ੀ ਗਰਮਾ ਗਿਆ ਸੀ, ਪਰ ਬਾਅਦ ਵਿੱਚ ਪੁਰਸ਼ੋਤਮ ਸੋਮਕੁੰਵਰ ਨੂੰ ਆਮਦਨ ਤੋਂ ਵੱਧ ਜਾਇਦਾਦ ਦੇ ਮਾਮਲੇ ਵਿੱਚ ਮੁਅੱਤਲ ਕਰ ਦਿੱਤਾ ਗਿਆ ਸੀ।

ਅਬੂ ਸਲੇਮ ਨਾਲ ਫੜਿਆ ਜਾਣਾ
ਮੋਨਿਕਾ ਬੇਦੀ ਅਤੇ ਅਬੂ ਸਲੇਮ ਨੂੰ ਸਤੰਬਰ 2002 ਵਿੱਚ ਪੁਰਤਗਾਲ ਵਿੱਚ ਜਾਅਲੀ ਦਸਤਾਵੇਜ਼ਾਂ ਨਾਲ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਮੋਨਿਕਾ ‘ਤੇ ਅਬੂ ਸਲੇਮ ਦੀ ਮਦਦ ਨਾਲ ਜਾਅਲੀ ਪਾਸਪੋਰਟ ਬਣਾਉਣ ਦਾ ਦੋਸ਼ ਸੀ। 2006 ਵਿੱਚ ਉਸ ਨੂੰ ਜਾਅਲੀ ਪਾਸਪੋਰਟ ਮਾਮਲੇ ਵਿੱਚ ਦੋਸ਼ੀ ਪਾਇਆ ਗਿਆ ਸੀ ਅਤੇ ਉਸ ਨੂੰ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਸੀ। ਉਹ ਨਵੰਬਰ 2010 ਵਿੱਚ ਜੇਲ੍ਹ ਤੋਂ ਬਾਹਰ ਆਈ ਸੀ ਅਤੇ ਉਸ ਤੋਂ ਬਾਅਦ ਉਸ ਨੇ ਟੀਵੀ ਸ਼ੋਅ ਵਿੱਚ ਕੰਮ ਕਰਕੇ ਇੱਕ ਨਵੀਂ ਜ਼ਿੰਦਗੀ ਸ਼ੁਰੂ ਕੀਤੀ ਸੀ। ਮੋਨਿਕਾ ਦੀ ਜ਼ਿੰਦਗੀ ਦੀ ਇਹ ਘਟਨਾ ਅਜੇ ਵੀ ਲੋਕਾਂ ਨੂੰ ਹੈਰਾਨ ਕਰਦੀ ਹੈ।