ਵੱਡੀ ਖ਼ਬਰ: ‘ਬਿੱਗ ਬਾਸ OTT’ ’ਤੇ ਲੱਗਾ ਹਮੇਸ਼ਾ ਲਈ ਤਾਲਾ; ਹੁਣ ਨਹੀਂ ਆਵੇਗਾ ਸੀਜ਼ਨ 4

ਮੁੰਬਈ- ਰਿਐਲਿਟੀ ਸ਼ੋਅਜ਼ ਦੇ ਸ਼ੌਕੀਨਾਂ ਅਤੇ ‘ਬਿੱਗ ਬਾਸ’ ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਅਤੇ ਨਿਰਾਸ਼ਾਜਨਕ ਖ਼ਬਰ ਸਾਹਮਣੇ ਆਈ ਹੈ। ਹਰ ਸਾਲ ਸੁਰਖੀਆਂ ਵਿੱਚ ਰਹਿਣ ਵਾਲੇ ਡਿਜੀਟਲ ਸ਼ੋਅ ‘ਬਿੱਗ ਬਾਸ OTT’ ਨੂੰ ਹਮੇਸ਼ਾ ਲਈ ਬੰਦ ਕਰਨ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਸ਼ੋਅ ਦੇ ਕ੍ਰਿਏਟਰ ਰਿਸ਼ੀ ਨੇਗੀ ਨੇ ਪੁਸ਼ਟੀ ਕੀਤੀ ਹੈ ਕਿ ਹੁਣ ਇਸ ਦਾ ਚੌਥਾ ਸੀਜ਼ਨ ਨਹੀਂ ਆਵੇਗਾ।
ਆਖਿਰ ਕਿਉਂ ਬੰਦ ਹੋਇਆ ‘ਬਿੱਗ ਬਾਸ OTT’?
ਮੇਕਰਸ ਅਨੁਸਾਰ ਹਿੰਦੀ ਵਿੱਚ ਸ਼ੋਅ ਦੇ ਦੋ ਵੱਖ-ਵੱਖ ਵਰਜ਼ਨ ਚਲਾਉਣਾ ਹੁਣ ਫਾਇਦੇਮੰਦ ਨਹੀਂ ਲੱਗ ਰਿਹਾ ਸੀ।
ਇੱਕੋ ਜਿਹਾ ਫਾਰਮੈਟ: ਮੇਕਰਸ ਦਾ ਮੰਨਣਾ ਹੈ ਕਿ OTT ਅਤੇ ਟੀਵੀ ਵਰਜ਼ਨ ਦਾ ਫਾਰਮੈਟ ਲਗਭਗ ਇੱਕੋ ਜਿਹਾ ਹੁੰਦਾ ਹੈ, ਸਿਰਫ਼ ਟੈਲੀਕਾਸਟ ਦੇ ਤਰੀਕੇ ਵਿੱਚ ਫਰਕ ਸੀ।
ਸਾਂਝਾ ਪਲੇਟਫਾਰਮ: ਹੁਣ ਮੁੱਖ ‘ਬਿੱਗ ਬਾਸ’ ਪਹਿਲਾਂ ਹੀ ਓ.ਟੀ.ਟੀ. (ਜੀਓ ਹੌਟਸਟਾਰ) ਅਤੇ ਟੀਵੀ (ਕਲਰਸ) ਦੋਵਾਂ 'ਤੇ ਇਕੱਠਾ ਸਟ੍ਰੀਮ ਹੁੰਦਾ ਹੈ, ਇਸ ਲਈ ਵੱਖਰੇ ਡਿਜੀਟਲ ਸੀਜ਼ਨ ਦੀ ਜ਼ਰੂਰਤ ਖਤਮ ਹੋ ਗਈ ਹੈ।
ਵੱਖਰੀ ਆਡੀਅੰਸ: ਰਿਸ਼ੀ ਨੇਗੀ ਅਨੁਸਾਰ, ਭਾਵੇਂ ਓ.ਟੀ.ਟੀ. ਦਾ ਬਾਜ਼ਾਰ ਵੱਡਾ ਹੈ, ਪਰ ਅੱਜ ਵੀ ਇੱਕ ਵੱਡਾ ਵਰਗ ਸ਼ੋਅ ਨੂੰ ਟੀਵੀ 'ਤੇ ਹੀ ਦੇਖਣਾ ਪਸੰਦ ਕਰਦਾ ਹੈ।
ਹੁਣ ਤੱਕ ਦੇ ਜੇਤੂਆਂ 'ਤੇ ਇੱਕ ਨਜ਼ਰ
ਸੀਜ਼ਨ 1 (2021): ਕਰਨ ਜੌਹਰ ਵੱਲੋਂ ਹੋਸਟ ਕੀਤੇ ਗਏ ਇਸ ਸੀਜ਼ਨ ਦੀ ਜੇਤੂ ਦਿਵਿਆ ਅਗਰਵਾਲ ਰਹੀ ਸੀ।
ਸੀਜ਼ਨ 2: ਸਲਮਾਨ ਖਾਨ ਦੀ ਹੋਸਟਿੰਗ ਵਿੱਚ ਇਹ ਸੀਜ਼ਨ ਸੁਪਰਹਿੱਟ ਰਿਹਾ ਅਤੇ ਐਲਵਿਸ਼ ਯਾਦਵ ਨੇ ਟਰਾਫੀ ਜਿੱਤੀ।
ਸੀਜ਼ਨ 3: ਇਸ ਨੂੰ ਅਨਿਲ ਕਪੂਰ ਨੇ ਹੋਸਟ ਕੀਤਾ ਅਤੇ ਸਨਾ ਮਕਬੂਲ ਜੇਤੂ ਬਣੀ ਸੀ।
ਪੰਜਾਬੀ ਅਤੇ ਭੋਜਪੁਰੀ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ
ਭਾਵੇਂ ਹਿੰਦੀ OTT ਵਰਜ਼ਨ ਬੰਦ ਹੋ ਗਿਆ ਹੈ, ਪਰ ‘ਬਿੱਗ ਬਾਸ’ ਦਾ ਦਾਇਰਾ ਹੋਰ ਵਧਣ ਜਾ ਰਿਹਾ ਹੈ।
ਖੇਤਰੀ ਭਾਸ਼ਾਵਾਂ ਵਿੱਚ ਵਿਸਥਾਰ: ਮੇਕਰਸ ਜਲਦ ਹੀ ਬਿੱਗ ਬਾਸ ਪੰਜਾਬੀ ਅਤੇ ਭੋਜਪੁਰੀ ਵਰਜ਼ਨ ਲਿਆਉਣ ਦੀ ਤਿਆਰੀ ਕਰ ਰਹੇ ਹਨ।
ਬਿੱਗ ਬਾਸ ਬੰਗਾਲੀ: ਇਸ ਸਾਲ ਬੰਗਾਲੀ ਵਰਜ਼ਨ ਵੀ ਲਾਂਚ ਕੀਤਾ ਜਾਵੇਗਾ, ਜਿਸ ਨੂੰ ਕੋਈ ਪੈਨ-ਇੰਡੀਆ ਸੁਪਰਸਟਾਰ ਹੋਸਟ ਕਰ ਸਕਦਾ ਹੈ।