''ਅੰਤਿਮ'' ''ਚ ਮਹਿਮਾ ਨਾਲ ਇੰਟੀਮੇਂਟ ਸੀਨ ਦੌਰਾਨ ਅਜਿਹੀ ਹੋ ਗਈ ਸੀ ਆਯੁਸ਼ ਦੀ ਹਾਲਤ, ਬਿਆਨ ਕੀਤਾ ਦਰਦ
Sunday, Nov 14, 2021 - 03:55 PM (IST)
ਮੁੰਬਈ- ਅਦਾਕਾਰ ਸਲਮਾਨ ਖਾਨ ਅਤੇ ਆਯੁਸ਼ ਸ਼ਰਮਾ ਇਨ੍ਹੀਂ ਦਿਨੀਂ ਫਿਲਮ 'ਅੰਤਿਮ: ਦਿ ਫਾਈਨਲ ਥਰੁੱਥ' ਦੀ ਪ੍ਰੋਮਸ਼ਨ 'ਚ ਰੁੱਝੇ ਹਨ। ਫਿਲਮ 26 ਨਵੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਇਸ ਫਿਲਮ ਨਾਲ ਟੀਵੀ ਅਦਾਕਾਰਾ ਮਹਿਮਾ ਮਕਵਾਨਾ ਵੀ ਬਾਲੀਵੁੱਡ 'ਚ ਡੈਬਿਊ ਕਰ ਰਹੀ ਹੈ। ਫਿਲਮ 'ਚ ਆਯੁਸ਼ ਸ਼ਰਮਾ ਅਤੇ ਮਹਿਮਾ ਦੇ ਵਿਚਾਲੇ ਕੁਝ ਇੰਟੀਮੈਂਟ ਅਤੇ ਰੋਮਾਂਟਿਕ ਸੀਨਜ਼ ਵੀ ਹੋਏ ਹਨ। ਹਾਲ ਹੀ 'ਚ ਆਯੁਸ਼ ਨੇ ਦੱਸਿਆ ਕਿ ਮਹਿਮਾ ਦੇ ਨਾਲ ਇੰਟੀਮੇਂਟ ਸੀਨ ਦੌਰਾਨ ਉਨ੍ਹਾਂ ਦੀ ਹਾਲਤ ਖਰਾਬ ਹੋ ਗਈ ਸੀ।
ਆਯੁਸ਼ ਨੇ ਕਿਹਾ ਕਿ ਮੈਨੂੰ ਯਾਦ ਹੈ ਕਿ ਜਦੋਂ ਅਸੀਂ 'ਹੋਨੇ ਲਗਾ' ਗਾਣੇ ਦੀ ਸ਼ੂਟਿੰਗ ਕਰ ਰਹੇ ਸੀ ਤਾਂ ਮੈਂ ਇਕਦਮ ਪਾਗਲ ਜਿਹਾ ਹੋ ਗਿਆ ਸੀ। ਮੈਂ ਸੋਚ ਰਿਹਾ ਸੀ ਕਿ ਇਹ ਆਨਸਕ੍ਰੀਨ ਕੁਝ ਹੋਰ ਨਾ ਦਿਖੇ। ਮੇਰੀ ਪਤਨੀ ਅਰਪਿਤਾ ਦੇਖ ਰਹੀ ਹੈ। ਮੇਰੇ ਬੱਚੇ ਦੇਖ ਰਹੇ ਹਨ। ਮੈਨੂੰ ਪਤਾ ਕਿ ਕੀ ਹੋਣ ਵਾਲਾ ਹੈ। ਉਸ ਸਮੇਂ ਦਿਮਾਗ 'ਚ ਹਜ਼ਾਰਾਂ ਖਿਆਲ ਆ ਰਹੇ ਸਨ।
ਆਯੁਸ਼ ਨੇ ਕਿਹਾ ਕਿ ਫਿਲਮ ਦੇ ਡਾਇਰੈਕਟਰ ਮਹੇਸ਼ ਮਾਂਜੇਕਰ ਨੇ ਸ਼ੂਟ ਦੌਰਾਨ ਮੇਰੇ ਨਾਲ ਇਕ ਪਰੈਂਕ ਵੀ ਕੀਤਾ। ਮਹੇਸ਼ ਨੇ ਮੈਨੂੰ ਬੁਲਾਇਆ ਅਤੇ ਕਿਹਾ ਕਿ ਫਿਲਮ 'ਚ ਕਿਸਿੰਗ ਸੀਨ ਦੀ ਲੋੜ ਹੈ। ਮੈਂ ਉਸ ਨੂੰ ਕਿਹਾ ਕਿ ਮੈਂ ਕਿਸਿੰਗ ਸੀਨ ਨਹੀਂ ਕਰ ਸਕਦਾ ਪਰ ਉਨ੍ਹਾਂ ਨੇ ਕਿਹਾ ਕਿ ਫਿਲਮ 'ਚ ਇਸ ਦੀ ਲੋੜ ਹੈ।
ਉਦੋਂ ਮੈਂ ਉਸ ਨੂੰ ਬੇਨਤੀ ਕੀਤੀ ਕਿ ਸਰ ਪਲੀਜ਼ ਮੇਰੇ ਨਾਲ ਅਜਿਹਾ ਨਾ ਕਰੋ। ਇਹ ਇਕ ਗੈਂਗਸਟਰ ਫਿਲਮ ਹੈ ਅਤੇ ਇਸ ਲਈ ਲਵ ਸਟੋਰੀ ਦੇ ਚੱਕਰ 'ਚ ਨਹੀਂ ਪੈਂਦੇ। ਮੈਂ ਉਨ੍ਹਾਂ ਨੂੰ ਮਨਾਉਣ ਦੀ ਕੋਸ਼ਿਸ਼ ਕਰਦਾ ਰਿਹਾ। ਬੱਚੇ ਦੀ ਤਰ੍ਹਾਂ ਮੈਂ ਮਹਿਮਾ ਦੇ ਕੋਲ ਵੀ ਗਿਆ ਅਤੇ ਉਸ ਨੂੰ ਕਿਹਾ ਕਿ ਉਹ ਵੀ ਬੋਲ ਦੇਵੇ ਕਿ ਉਹ ਅਜਿਹੇ ਸੀਨ ਕਰਨ 'ਚ ਅਸਹਿਜ ਮਹਿਸੂਸ ਕਰਦੀ ਹੈ।
