ਦਾਦੀਸਾ ਨੂੰ ਯਾਦ ਕਰ ਭਾਵੁਕ ਹੋਈ ਆਨੰਦੀ, ਪੋਸਟ ਸਾਂਝੀ ਕਰ ਆਖੀ ਇਹ ਗੱਲ

ਮੁੰਬਈ: ਸੀਰੀਅਲ 'ਬਾਲਿਕਾ ਵਧੂ' 'ਚ ਨਜ਼ਰ ਆ ਚੁੱਕੀ ਅਵਿਕਾ ਗੌਰ ਨੇ ਸੁਰੇਖਾ ਸਿਕਰੀ ਦੇ ਦਿਹਾਂਤ 'ਤੇ ਦੁੱਖ ਪ੍ਰਗਟਾਇਆ ਹੈ। ਅਵਿਕਾ ਗੌਰ ਨੇ ਸੀਰੀਅਲ 'ਬਾਲਿਕਾ ਵਧੂ' 'ਚ ਆਨੰਦੀ ਦੀ ਭੂਮਿਕਾ ਨਿਭਾਈ ਸੀ। ਅਵਿਕਾ ਗੌਰ ਨੇ ਸੁਰੇਖਾ ਸਿਕਰੀ ਨਾਲ ਕੰਮ ਕੀਤੇ ਆਪਣੇ ਅਨੁਭਵ ਨੂੰ ਵੀ ਯਾਦ ਕੀਤਾ। ਅਵਿਕਾ ਗੌਰ ਨੇ ਇਕ ਇੰਟਰਵਿਊ ਦਿੱਤੀ ਹੈ। ਇਸ ਇੰਟਰਵਿਊ 'ਚ ਉਨ੍ਹਾਂ ਨੇ ਇਸ ਬਾਰੇ 'ਚ ਦੱਸਿਆ ਹੈ।
ਅਵਿਕਾ ਗੌਰ ਕਹਿੰਦੀ ਹੈ, 'ਮੇਰੀ ਮਾਰਗ-ਦਰਸ਼ਕ ਸੁਰੇਖਾ ਸਿਕਰੀ ਜੀ ਦੇ ਦਿਹਾਂਤ ਤੋਂ ਮੈਂ ਦੁਖੀ ਹਾਂ। ਉਹ ਇਕ ਚੰਗੀ ਅਦਾਕਾਰਾ ਸੀ। ਉਹ ਮਹਾਨ ਸੀ। ਉਨ੍ਹਾਂ ਨੇ ਕਈ ਲੋਕਾਂ ਨੂੰ ਪ੍ਰੇਰਿਤ ਕੀਤਾ ਹੈ ਤੇ ਉਨ੍ਹਾਂ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਸੁਰੇਖਾ ਮੈਮ ਇਕ ਪ੍ਰਰੇਣਾ ਸਥਾਨ ਹੈ। ਉਨ੍ਹਾਂ ਨੇ ਹਮੇਸ਼ਾ ਚੰਗੇ ਤੋਂ ਕੰਮ ਕੀਤਾ। ਮੈਂ ਉਨ੍ਹਾਂ ਬਾਰੇ ਕੀ ਕਹਾਂ, ਸੁਰੇਖਾ ਜੀ ਨੇ ਹਮੇਸ਼ਾ ਮਾਰਗ-ਦਰਸ਼ਨ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਚੀਜ਼ਾਂ ਨੂੰ ਕਿਵੇਂ ਕੀਤਾ ਜਾਂਦਾ ਹੈ। ਉਹ ਸਾਡੇ ਸਾਰਿਆਂ ਲਈ ਪ੍ਰਰੇਣਾ ਦੇ ਸਰੋਤ ਹਨ। ਅਸੀਂ ਉਨ੍ਹਾਂ ਦੇ ਵਰਗਾ ਬਣਨਾ ਚਾਹੁੰਦੇ ਹਾਂ। ਉਨ੍ਹਾਂ ਨੇ ਸਾਨੂੰ ਬਹੁਤ ਪਿਆਰ ਦਿੱਤਾ ਹੈ। ਉਨ੍ਹਾਂ ਵਰਗੀ ਕੋਈ ਔਰਤ ਨਹੀਂ ਹੋਵੇਗੀ।'

ਅਵਿਕਾ ਗੌਰ ਅੱਗੇ ਕਹਿੰਦੀ ਹੈ, 'ਮੈਂ ਬਹੁਤ ਕਿਸਮਤ ਵਾਲੀ ਹਾਂ ਕਿ ਮੈਂ ਆਪਣੀ ਯਾਤਰਾ ਉਨ੍ਹਾਂ ਨਾਲ ਸ਼ੁਰੂ ਕਰ ਪਾਈ ਹਾਂ। ਉਨ੍ਹਾਂ ਦਾ ਅਸ਼ੀਰਵਾਦ ਮੇਰੇ 'ਤੇ ਹਮੇਸ਼ਾ ਸੀ। ਉਹ ਮੇਰੀ ਹਮੇਸ਼ਾ ਸਹਾਇਤਾ ਕਰਦੀ ਸੀ। ਉਨ੍ਹਾਂ ਕਾਰਨ ਮੈਂ ਜ਼ਮੀਨ 'ਤੇ ਰਹਿਣਾ ਸਿਖਿਆ। ਸੈੱਟ 'ਤੇ ਉਨ੍ਹਾਂ ਨੇ ਮੈਨੂੰ ਅਜਿਹਾ ਕਦੇ ਮਹਿਸੂਸ ਨਹੀਂ ਕਰਵਾਇਆ ਕਿ ਮੈਂ ਇਕ ਅਨੁਭਵੀ ਕਲਾਕਾਰ ਨਾਲ ਕੰਮ ਕਰ ਰਹੀ ਹਾਂ। ਉਨ੍ਹਾਂ ਨੇ ਮੇਰੀ ਬਹੁਤ ਸਹਾਇਤਾ ਕੀਤੀ। ਉਨ੍ਹਾਂ ਨੇ ਮੈਨੂੰ ਦੱਸਿਆ ਹੈ ਕਿ ਹਰ ਦਿਨ ਹਰ ਭੂਮਿਕਾ ਨੂੰ 100% ਦੇਣਾ ਚਾਹੀਦਾ। ਉਨ੍ਹਾਂ ਦੀ ਤਰ੍ਹਾਂ ਕੰਮ ਕਰਨਾ ਬਹੁਤ ਵੱਡੀ ਗੱਲ ਹੈ।'

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।