ਜਦੋਂ ਮਾਂ ਵੈਸ਼ਣੋ ਦੇਵੀ ਨੇ ਬਚਾਈ ਅਕਸ਼ੈ ਕੁਮਾਰ ਦੀ ਜਾਨ..! ਅਦਾਕਾਰ ਨੇ ਖ਼ੁਦ ਸੁਣਾਇਆ 'ਚਮਤਕਾਰ' ਦਾ ਕਿੱਸਾ

ਮੁੰਬਈ: ਬਾਲੀਵੁੱਡ ਦੇ 'ਖਿਲਾੜੀ' ਅਕਸ਼ੈ ਕੁਮਾਰ ਅੱਜਕੱਲ੍ਹ ਆਪਣੀ ਆਉਣ ਵਾਲੀ ਫਿਲਮ 'ਭੂਤ ਬੰਗਲਾ' ਨੂੰ ਲੈ ਕੇ ਚਰਚਾ ਵਿੱਚ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ ਬਚਪਨ ਦਾ ਇੱਕ ਅਜਿਹਾ ਕਿੱਸਾ ਸਾਂਝਾ ਕੀਤਾ ਹੈ, ਜਿਸ ਨੂੰ ਉਹ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਮੰਨਦੇ। ਅਕਸ਼ੈ ਅਨੁਸਾਰ, ਇੱਕ ਵਾਰ ਮਾਤਾ ਵੈਸ਼ਨੋ ਦੇਵੀ ਦੇ ਦਰਬਾਰ ਵਿੱਚ ਉਨ੍ਹਾਂ ਦੀ ਜਾਨ ਜਾਂਦੇ-ਜਾਂਦੇ ਬਚੀ ਸੀ।

ਇਹ ਵੀ ਪੜ੍ਹੋ: "ਮੈਂ ਇੱਥੇ ਨਹੀਂ ਮਰਨਾ ਚਾਹੁੰਦਾ..."; ਬਾਲੀਵੁੱਡ ਨਿਰਦੇਸ਼ਕ ਵਿਕਰਮ ਭੱਟ ਨੇ ਸੁਣਾਇਆ ਜੇਲ੍ਹ ਦਾ ਦਰਦਨਾਕ ਕਿੱਸਾ

ਮਾਤਾ ਰਾਣੀ ਤੋਂ ਮੰਗਿਆ ਸੀ 'ਸ਼ਰਾਰਤੀ ਬੱਚਾ' 

ਅਕਸ਼ੈ ਕੁਮਾਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਜਨਮ ਤੋਂ ਪਹਿਲਾਂ ਉਨ੍ਹਾਂ ਦੇ ਮਾਤਾ-ਪਿਤਾ ਨੇ ਵੈਸ਼ਨੋ ਦੇਵੀ ਵਿਖੇ ਸੰਤਾਨ ਪ੍ਰਾਪਤੀ ਲਈ ਸੁੱਖਣਾ ਸੁੱਖੀ ਸੀ। ਉਨ੍ਹਾਂ ਨੇ ਵਿਸ਼ੇਸ਼ ਤੌਰ 'ਤੇ ਪ੍ਰਾਰਥਨਾ ਕੀਤੀ ਸੀ ਕਿ ਉਨ੍ਹਾਂ ਨੂੰ ਇੱਕ ਪੁੱਤਰ ਮਿਲੇ ਪਰ ਉਹ ਬਹੁਤ 'ਸ਼ਰਾਰਤੀ' ਹੋਵੇ। ਇਸ ਅਰਦਾਸ ਤੋਂ ਇੱਕ ਸਾਲ ਬਾਅਦ ਅਕਸ਼ੈ ਦਾ ਜਨਮ ਹੋਇਆ।

ਇਹ ਵੀ ਪੜ੍ਹੋ: ਪਾਕਿਸਤਾਨ 'ਚ ਵੀ ਇੰਡੀਅਨ ਮਿਊਜ਼ਿਕ ਦੀ ਧੱਕ ! 'Ban' ਦੇ ਬਾਵਜੂਦ ਇਹ ਪੰਜਾਬੀ ਗਾਣੇ ਕਰ ਰਹੇ Trend

104 ਡਿਗਰੀ ਬੁਖਾਰ ਅਤੇ ਬੇਹੋਸ਼ੀ 

ਜਦੋਂ ਅਕਸ਼ੈ ਇੱਕ ਸਾਲ ਦੇ ਹੋਏ, ਤਾਂ ਉਨ੍ਹਾਂ ਦੇ ਮਾਤਾ-ਪਿਤਾ ਸ਼ੁਕਰਾਨਾ ਕਰਨ ਲਈ ਉਨ੍ਹਾਂ ਨੂੰ ਵੈਸ਼ਨੋ ਦੇਵੀ ਲੈ ਗਏ। ਪਰ ਚੜ੍ਹਾਈ ਦੌਰਾਨ ਅਚਾਨਕ ਅਕਸ਼ੈ ਦੀ ਸਿਹਤ ਵਿਗੜ ਗਈ। ਉਨ੍ਹਾਂ ਨੂੰ 103-104 ਡਿਗਰੀ ਤੇਜ਼ ਬੁਖਾਰ ਹੋ ਗਿਆ ਅਤੇ ਉਹ ਬੇਹੋਸ਼ ਹੋ ਗਏ। ਕਟੜਾ ਦੇ ਡਾਕਟਰਾਂ ਨੇ ਹੱਥ ਖੜ੍ਹੇ ਕਰ ਦਿੱਤੇ ਅਤੇ ਉਨ੍ਹਾਂ ਨੂੰ ਤੁਰੰਤ ਦਿੱਲੀ ਲੈ ਜਾਣ ਦੀ ਸਲਾਹ ਦਿੱਤੀ ਕਿਉਂਕਿ ਉਸ ਸਮੇਂ (1969 ਵਿੱਚ) ਉੱਥੇ ਸਹੂਲਤਾਂ ਦੀ ਕਮੀ ਸੀ।

ਇਹ ਵੀ ਪੜ੍ਹੋ: ਮੁਸਲਿਮ ਅਦਾਕਾਰ ਨੇ ਹਿੰਦੂ ਅਦਾਕਾਰਾ ਨੂੰ ਬੀਫ ਖਾਣ ਲਈ ਕੀਤਾ ਮਜਬੂਰ, ਵੀਡੀਓ ਨੇ ਮਚਾਇਆ ਬਵਾਲ

ਮਾਂ ਦਾ ਅਟੁੱਟ ਵਿਸ਼ਵਾਸ ਤੇ ਚਮਤਕਾਰ 

ਅਕਸ਼ੈ ਦੀ ਮਾਂ ਨੇ ਵਾਪਸ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਦਾ ਮੰਨਣਾ ਸੀ ਕਿ ਜੇ ਮਾਤਾ ਰਾਣੀ ਨੇ ਪੁੱਤਰ ਦਿੱਤਾ ਹੈ, ਤਾਂ ਉਹ ਹੀ ਇਸ ਦੀ ਰੱਖਿਆ ਕਰੇਗੀ। ਉਨ੍ਹਾਂ ਨੇ 'ਜੈ ਮਾਤਾ ਦੀ' ਦਾ ਜਾਪ ਕਰਦੇ ਹੋਏ ਚੜ੍ਹਾਈ ਸ਼ੁਰੂ ਕਰ ਦਿੱਤੀ ਅਤੇ ਮੰਦਰ ਦੇ ਅੰਦਰ ਅਕਸ਼ੈ ਨੂੰ ਇਸ਼ਨਾਨ ਕਰਵਾਇਆ ਅਤੇ ਰੋ-ਰੋ ਕੇ ਅਰਦਾਸ ਕੀਤੀ। ਅਚਾਨਕ ਇੱਕ ਅਣਜਾਣ ਵਿਅਕਤੀ ਨੇ ਕਿਹਾ, "ਤੁਹਾਡੇ ਬੱਚੇ ਦੀ ਮੁਸਕਾਨ ਕਿੰਨੀ ਪਿਆਰੀ ਹੈ"। ਜਦੋਂ ਪਿਤਾ ਨੇ ਦੇਖਿਆ ਤਾਂ ਬੇਹੋਸ਼ ਅਕਸ਼ੈ ਮੁਸਕਰਾ ਰਹੇ ਸਨ ਅਤੇ ਉਨ੍ਹਾਂ ਦਾ ਬੁਖਾਰ ਉਤਰ ਕੇ 98 ਡਿਗਰੀ 'ਤੇ ਆ ਗਿਆ ਸੀ। ਅਕਸ਼ੈ ਦਾ ਮੰਨਣਾ ਹੈ ਕਿ ਉਸ ਜਗ੍ਹਾ ਦੀ ਐਨਰਜੀ ਵਿੱਚ ਕੁਝ ਖਾਸ ਸੀ ਜਿਸ ਨਾਲ ਉਹ ਆਪਣੇ ਆਪ ਠੀਕ ਹੋ ਗਏ।

ਇਹ ਵੀ ਪੜ੍ਹੋ: 'ਧੁਰੰਦਰ' ਨੇ ਰਚਿਆ ਇਤਿਹਾਸ, 3000 ਕਰੋੜ ਦਾ ਅੰਕੜਾ ਪਾਰ ਕਰਨ ਵਾਲੀ ਬਣੀ ਦੇਸ਼ ਦੀ ਪਹਿਲੀ ਫਿਲਮ ਸੀਰੀਜ਼

'ਭੂਤ ਬੰਗਲਾ' ਦੀ ਰਿਲੀਜ਼ ਲਈ ਤਿਆਰ 

ਅਕਸ਼ੈ ਕੁਮਾਰ ਦੀ ਹੌਰਰ-ਕਾਮੇਡੀ ਫਿਲਮ 'ਭੂਤ ਬੰਗਲਾ' 17 ਅਪ੍ਰੈਲ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਪ੍ਰਿਯਦਰਸ਼ਨ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਵਿੱਚ ਪਰੇਸ਼ ਰਾਵਲ, ਤੱਬੂ, ਵਾਮਿਕਾ ਗੱਬੀ ਅਤੇ ਰਾਜਪਾਲ ਯਾਦਵ ਵਰਗੇ ਕਲਾਕਾਰ ਨਜ਼ਰ ਆਉਣਗੇ। 

ਇਹ ਵੀ ਪੜ੍ਹੋ: ਕਦੇ ਮਾਡਲਿੰਗ ਲਈ ਪੈਰਿਸ ਜਾਣ ਦੀ ਸੀ ਤਿਆਰੀ, ਫਿਰ ਇੱਕ ਫਿਲਮ ਨੇ ਰਾਤੋ-ਰਾਤ ਬਣਾ ਦਿੱਤਾ ਸਟਾਰ !

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e