ਵਾਰ-ਵਾਰ ਲੱਗ ਰਹੀ ਹੈ ਬੱਚੇ ਨੂੰ ਬੁਰੀ ਨਜ਼ਰ ਤਾਂ ਬਚਾਉਣ ਲਈ ਅਪਣਾਓ ਇਹ ਉਪਾਅ

ਨਵੀਂ ਦਿੱਲੀ - ਹਰ ਮਾਂ-ਬਾਪ ਚਾਹੁੰਦੇ ਹਨ ਕਿ ਉਨ੍ਹਾਂ ਦਾ ਬੱਚਾ ਬੁਰੀ ਨਜ਼ਰ ਤੋਂ ਬਚਿਆ ਰਹੇ। ਕਈ ਵਾਰ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਬੱਚਾ ਬੁਰੀ ਨਜ਼ਰ ਦਾ ਸ਼ਿਕਾਰ ਹੋ ਜਾਂਦਾ ਹੈ, ਜਿਸ ਕਾਰਨ ਉਹ ਖੇਡਣਾ, ਕੁੱਦਣਾ, ਖਾਣਾ-ਪੀਣਾ ਬੰਦ ਕਰ ਦਿੰਦੇ ਹਨ। ਛੋਟੇ ਬੱਚੇ ਆਸਾਨੀ ਨਾਲ ਬੁਰੀ ਨਜ਼ਰ ਦਾ ਸ਼ਿਕਾਰ ਹੋ ਜਾਂਦੇ ਹਨ ਕਿਉਂਕਿ ਉਹ ਲੋਕਾਂ ਦੀ ਖਿੱਚ ਦਾ ਕੇਂਦਰ ਹੁੰਦੇ ਹਨ। ਉਹ ਸਰਲ, ਸੁੰਦਰ ਅਤੇ ਕੋਮਲ ਵੀ ਹੁੰਦੇ ਹਨ। ਜੇਕਰ ਤੁਹਾਡਾ ਬੱਚਾ ਕੁਝ ਦਿਨਾਂ ਤੋਂ ਚਿੜਚਿੜਾ ਜਾਂ ਉਦਾਸ ਮਹਿਸੂਸ ਕਰ ਰਿਹਾ ਹੈ, ਤਾਂ ਸੰਭਵ ਹੈ ਕਿ ਉਹ ਬੁਰੀ ਨਜ਼ਰ ਤੋਂ ਪ੍ਰਭਾਵਿਤ ਹੋਇਆ ਹੈ, ਅਜਿਹੀ ਸਥਿਤੀ ਵਿੱਚ ਤੁਸੀਂ ਕੁਝ ਜੋਤਸ਼ੀ ਉਪਾਅ ਕਰਕੇ ਉਸ ਦੀ ਰੱਖਿਆ ਕਰ ਸਕਦੇ ਹੋ।

ਲਾਲ ਮਿਰਚ

ਬੁਰੀਆਂ ਨਜ਼ਰਾਂ ਦੇ ਅਸਰ ਨੂੰ ਦੂਰ ਕਰਨ ਲਈ ਲਾਲ ਮਿਰਚ ਸਭ ਤੋਂ ਫਾਇਦੇਮੰਦ ਹੈ। ਇਸ ਦੇ ਲਈ ਤੁਹਾਨੂੰ 7 ਸੁੱਕੀਆਂ ਲਾਲ ਮਿਰਚਾਂ ਲੈ ਕੇ ਬੱਚੇ ਦੇ ਸਿਰ 'ਤੇ ਘੜੀ ਦੀ ਦਿਸ਼ਾ 'ਚ 7 ਵਾਰ ਘੁੰਮਾਓ। ਇਸ ਤੋਂ ਬਾਅਦ ਇਸ ਮਿਰਚ ਨੂੰ ਸਿੱਧਾ ਗੈਸ ਜਾਂ ਚੁੱਲ੍ਹੇ ਦੀ ਅੱਗ 'ਚ ਸਾੜ ਦਿਓ।

ਬਜਰੰਗ ਬਲੀ ਦਾ ਸਿੰਧੂਰ

 ਸ਼ਨੀਵਾਰ ਨੂੰ ਬੱਚੇ ਨੂੰ ਹਨੂਮਾਨ ਜੀ ਦੇ ਮੰਦਰ ਵਿੱਚ ਲੈ ਜਾਓ। ਆਪਣੇ ਬੱਚੇ ਦੇ ਮੱਥੇ 'ਤੇ ਬਜਰੰਗ ਬਲੀ ਜੀ ਦੇ ਮੋਢੇ 'ਤੇ ਲੱਗਾ ਸਿੰਧੂਰ ਲਗਾਓ। ਅਜਿਹਾ ਕਰਨ ਨਾਲ ਉਸ ਨੂੰ ਨੁਕਸਾਨ ਨਹੀਂ ਹੋਵੇਗਾ। ਇਸ ਦੇ ਨਾਲ ਹੀ, ਕਿਸੇ ਵੀ ਕਿਸਮ ਦੀਆਂ ਬੁਰਾਈਆਂ ਸ਼ਕਤੀਆਂ ਬੱਚੇ ਦੇ ਨੇੜੇ ਨਹੀਂ ਆਉਣਗੀਆਂ।

ਲੂਣ

ਲੂਣ ਨਾਲ ਬੱਚੇ ਦੀ ਨਜ਼ਰ ਉਸ ਵੇਲੇ ਹੀ ਉਤਾਰਣੀ ਚਾਹੀਦੀ ਹੈ ਜਦੋਂ ਘਰ ਵਿੱਚ ਕੋਈ ਨਾ ਹੋਵੇ। ਆਪਣੇ ਉਲਟ ਹੱਥ ਵਿੱਚ ਥੋੜ੍ਹਾ ਜਿਹਾ ਨਮਕ ਲੈ ਕੇ ਬੱਚੇ ਦੇ ਸਿਰ ਤੋਂ ਪੈਰਾਂ ਤੱਕ ਤਿੰਨ ਵਾਰ ਘੁਮਾਓ। ਹੁਣ ਇਸ ਨਮਕ ਨੂੰ ਸਿੰਕ ਜਾਂ ਵਗਦੇ ਪਾਣੀ 'ਚ ਸੁੱਟ ਦਿਓ। ਇਸ ਤੋਂ ਬਾਅਦ ਬੱਚੇ ਦਾ ਚਿਹਰਾ ਪਾਣੀ ਨਾਲ ਧੋ ਲਓ।

ਤਾਂਬੇ ਦਾ ਘੜਾ

ਜੋਤਿਸ਼ ਸ਼ਾਸਤਰ ਅਨੁਸਾਰ ਤਾਂਬੇ ਦੇ ਭਾਂਡੇ ਵਿਚ ਪਾਣੀ ਅਤੇ ਤਾਜ਼ੇ ਫੁੱਲ ਲੈ ਕੇ ਬੱਚੇ ਦੇ ਸਿਰ 'ਤੇ 11 ਵਾਰ ਝੁਕਾਓ, ਇਸ ਤੋਂ ਬਾਅਦ ਪੌਦੇ ਦੇ ਗਮਲੇ ਵਿਚ ਇਹ ਪਾਣੀ ਪਾ ਦਿਓ।  ਅਜਿਹਾ ਕਰਨ ਨਾਲ ਬੱਚੇ 'ਤੇ ਨਜ਼ਰ ਦੋਸ਼ ਦਾ ਪ੍ਰਭਾਵ ਘੱਟ ਜਾਵੇਗਾ।

ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ 

- ਨਜ਼ਰ ਉਤਾਰਨ ਦਾ ਸਭ ਤੋਂ ਵਧੀਆ ਸਮਾਂ ਰਾਤ ਵੇਲੇ ਦਾ ਹੈ। 
- ਬੱਚੇ ਦੇ ਸੌਣ ਤੋਂ ਪਹਿਲਾਂ ਤੁਸੀਂ ਇਸ ਦੀ ਨਜ਼ਰ ਉਤਾਰ ਸਕਦੇ ਹੋ। 
- ਬਾਹਰੋਂ ਘਰ ਆਉਣ ਤੋਂ ਬਾਅਦ ਵੀ ਬੱਚੇ ਦੀ ਨਜ਼ਰ ਜ਼ਰੂਰ ਉਤਾਰੋ।