ਗਣੇਸ਼ ਚਤੁਰਥੀ: ਇਹ ਹੈ ਬੱਪਾ ਜੀ ਨੂੰ ਘਰ ਲਿਆਉਣ ਦਾ ਸ਼ੁੱਭ ਮਹੂਰਤ
9/2/2019 12:51:34 PM
ਜਲੰਧਰ(ਬਿਊਰੋ)- ਅੱਜ ਗਣੇਸ਼ ਚਤੁਰਥੀ ਦਾ ਤਿਉਹਾਰ ਬਹੁਤ ਹੀ ਧੂੰਮ ਧਾਮ ਨਾਲ ਮਨਾਇਆ ਜਾਵੇਗਾ। 10 ਦਿਨ ਤੱਕ ਘਰ-ਘਰ ’ਚ ਬੱਪਾ ਜੀ ਨੂੰ ਬਿਰਾਜਮਾਨ ਕੀਤਾ ਜਾਵੇਗਾ ਅਤੇ 12 ਸਤੰਬਰ ਨੂੰ ਬੱਪਾ ਜੀ ਦਾ ਵਿਸਰਜਨ ਕੀਤਾ ਜਾਵੇਗਾ। ਗਣੇਸ਼ ਚਤੁਰਥੀ ਦੇ ਦਿਨ ਬੱਪਾ ਦੀ ਪੂਜਾ ਦੁਪਿਹਰ ਦੇ ਸਮੇਂ ਕੀਤੀ ਜਾਂਦੀ ਹੈ। ਕਹਿੰਦੇ ਹਨ ਕਿ ਭਗਵਾਨ ਗਣੇਸ਼ ਜੀ ਦੀ ਪੂਜਾ ਕਰਨ ਨਾਲ ਧਨ ਲਾਭ ਹੁੰਦਾ ਹੈ ਅਤੇ ਅਰੋਗਤਾ ਦੀ ਪ੍ਰਾਪਤੀ ਹੁੰਦੀ ਹੈ ਅਤੇ ਦੁੱਖਾਂ ਤੋਂ ਮੁਕਤੀ ਮਿਲਦੀ ਹੈ। ਬੱਪਾ ਜੀ ਨੂੰ ਘਰ ਲਿਆਉਣ ਦਾ ਸ਼ੁੱਭ ਮਹੂਰਤ ਸਵੇਰੇ ਲੱਗਭਗ 11.35 ਤੋਂ ਦੁਪਿਹਰ 01.15 ਤੱਕ ਦਾ ਹੈ। ਸੁਮੁੱਖ, ਇੱਕਦੰਤ, ਕਪਿਲ, ਗਜਕਰਣਕ, ਲੰਬੋਦਰ, ਬਿਕਟ, ਵਿਘਨ-ਨਾਸ਼, ਵਿਨਾਇਕ, ਧੂਮ੍ਰਕੇਤੂ, ਗਣਾਧਇਕਸ਼, ਭਾਲਚੰਦਰ, ਗਜਾਨਨ ਇਹ ਸਾਰੇ ਭਗਵਾਨ ਸ਼੍ਰੀਗਣੇਸ਼ ਜੀ ਦੇ ਨਾਮ ਹਨ। ਸ਼੍ਰੀ ਗਣੇਸ਼ ਸੁੱਖ, ਸਮਾਨਤੀ ਅਤੇ ਗਿਆਨ ਦੇ ਪ੍ਰਤੀਕ ਹਨ ਪਰ ਉਨ੍ਹਾਂ ਕੋਲੋਂ ਨਿਵੇਸ਼ ਦੇ ਵੀ ਕਈ ਸਭਕ ਲਏ ਜਾ ਸਕਦੇ ਹਨ।
ਸਿਰ
ਗਣੇਸ਼ ਜੀ ਦਾ ਵਿਸ਼ਾਲ ਸਿਰ ਕਹਿੰਦਾ ਹੈ ਕਿ ਨਿਵੇਸ਼ ਦੇ ਮੈਦਾਨ ’ਚ ਸਫਲਤਾ ਹਾਸਲ ਕਰਨ ਲਈ ਸਾਨੂੰ ਵੱਡਾ ਸੋਚਣਾ ਚਾਹੀਦਾ ਹੈ।
ਅੱਖਾਂ
ਗਣੇਸ਼ ਜੀ ਦੀਆਂ ਅੱਖਾਂ ਵੱਡੀਆਂ ਅਤੇ ਤੇਜ਼ ਹਨ। ਇਹ ਪ੍ਰਤੀਕ ਹਨ ਕਿ ਧਿਆਨ ਬਟਾਉਣ ਵਾਲੀਆਂ ਕਈ ਤਰ੍ਹਾਂ ਦੀਆਂ ਸਥਿਤੀਆਂ ਮਿਲਣਗੀਆਂ ਪਰ ਸਾਨੂੰ ਆਪਣੇ ਟੀਚੇ ਤੋਂ ਪਿੱਛੇ ਨਹੀਂ ਹੱਟਣਾ ਚਾਹੀਦਾ। ਨਿਵੇਸ਼ ’ਚ ਸਫਲਤਾ ਪਾਉਣ ਦਾ ਇਹ ਵੱਡਾ ਮੰਤਰ ਹੈ।
ਕੰਨ
ਭਗਵਾਨ ਗਣੇਸ਼ ਜੀ ਦੇ ਕੰਨ ਇਸ ਗੱਲ ਦਾ ਪ੍ਰਤੀਕ ਹਨ ਕਿ ਪ੍ਰਭੂ ਹਰ ਗੱਲ ਸੁਣਦੇ ਹਨ। ਇਨ੍ਹਾਂ ਤੋਂ ਸਭਕ ਲਿਆ ਜਾ ਸਕਦਾ ਹੈ ਕਿ ਸਾਨੂੰ ਮਿਲਣ ਵਾਲੀ ਹਰ ਜਾਣਕਾਰੀ ਪ੍ਰਤੀ ਖੁੱਲ੍ਹਾ ਨਜ਼ਰਿਆ ਰੱਖਣਾ ਚਾਹੀਦਾ ਹੈ। ਇਸ ਨਾਲ ਦਿਮਾਗ ’ਚ ਨਵੇਂ ਵਿਚਾਰ ਆਉਂਦੇ ਹਨ। ਇਸ ਲਈ ਸਲਾਹਕਾਰਾਂ ਨਾਲ ਗੱਲ ਕਰਦੇ ਹੋਏ ਆਪਣੇ ਕੰਨ ਖੁੱਲੇ ਰੱਖਣੇ ਚਾਹੀਦੇ ਹਨ।
ਸੁੰਡ
ਕੀ ਤੁਸੀਂ ਗਣੇਸ਼ ਜੀ ਦੀ ਸੁੰਡ ਨੂੰ ਗੌਰ ਨਾਲ ਦੇਖਿਆ ਹੈ ? ਇਹ ਕਹਿੰਦੀ ਹੈ ਕਿ ਵਧੀਆ ਨਿਵੇਸ਼ ਨੂੰ ਹਮੇਸ਼ਾ ਬਚਾਉਣਾ ਚਾਹੀਦਾ ਹੈ।
ਚੂਹੇ ਦੀ ਸਵਾਰੀ
ਚੂਹਾ ਭਗਵਾਨ ਗਣੇਸ਼ ਦੀ ਸਵਾਰੀ ਹੈ। ਇਸ ਦੇ ਛੋਟੇ ਆਕਾਰ ’ਤੇ ਨਹੀਂ ਜਾਣਾ ਚਾਹੀਦਾ। ਜੇਕਰ ਇਹ ਆਪਣੀ ਆਈ ’ਤੇ ਆ ਜਾਵੇ ਤਾਂ ਇਹ ਵੱਡੀ ਤਬਾਹੀ ਲਿਆ ਸਕਦਾ ਹੈ। ਇਸੇ ਤਰ੍ਹਾਂ ਆਪਣੀਆਂ ਉਮੀਦਾਂ ਤੇ ਇੱਛਾਵਾਂ ਨੂੰ ਵੀ ਲਗਾਮ ’ਚ ਰੱਖਣਾ ਚਾਹੀਦਾ ਹੈ।
