ਜਨਮ ਅਸ਼ਟਮੀ ਦਾ ਵਰਤ ਰੱਖਣ ਨਾਲ ਮਿਲਦਾ ਹੈ ਇਕਾਦਸ਼ੀ ਦਾ ਫ਼ਲ, ਇਸ ਦਿਨ ਭੁੱਲ ਕੇ ਨਾ ਕਰੋ ਇਹ ਗਲਤੀਆਂ

ਨਵੀਂ ਦਿੱਲੀ - ਦੇਸ਼ ਭਰ 'ਚ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ। ਕਿਹਾ ਜਾਂਦਾ ਹੈ ਕਿ ਜਨਮ ਅਸ਼ਟਮੀ 'ਤੇ ਪੂਜਾ ਕਰਨ ਨਾਲ ਤੁਹਾਡੀਆਂ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੁੰਦੀਆਂ ਹਨ, ਇਸ ਲਈ ਸ਼ਰਧਾਲੂ ਭਗਵਾਨ ਕ੍ਰਿਸ਼ਨ ਲਈ ਵਰਤ ਰੱਖਦੇ ਹਨ। ਸਾਡੇ ਵੇਦਾਂ ਅਤੇ ਪੁਰਾਣਾਂ ਵਿੱਚ ਇਸ ਵਰਤ ਦੀ ਮਹਿਮਾ ਬਾਰੇ ਕੁਝ ਖਾਸ ਗੱਲਾਂ ਦੱਸੀਆਂ ਗਈਆਂ ਹਨ। ਬ੍ਰਹਮਵੈਵਰਤ ਪੁਰਾਣ ਵਿਚ ਦੱਸਿਆ ਗਿਆ ਹੈ ਕਿ ਜੋ ਵਿਅਕਤੀ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਵਰਤ ਰੱਖਦਾ ਹੈ, ਉਸ ਨੂੰ ਨਾ ਸਿਰਫ 20 ਕਰੋੜ ਇਕਾਦਸ਼ੀ ਦੇ ਵਰਤ ਦਾ ਫਲ ਮਿਲਦਾ ਹੈ, ਸਗੋਂ ਸੌ ਜਨਮਾਂ ਦੇ ਪਾਪਾਂ ਤੋਂ ਵੀ ਮੁਕਤੀ ਮਿਲਦੀ ਹੈ।

ਇਸ ਲਈ ਔਰਤਾਂ ਰੱਖਦੀਆਂ ਹਨ ਵਰਤ 

ਸੁਹਾਗਨ ਅਤੇ ਅਣਵਿਆਹੀਆਂ ਔਰਤਾਂ ਵੀ ਇਸ ਦਿਨ ਨਿਰਜਲਾ ਵਰਤ ਰੱਖਦੀਆਂ ਹਨ। ਹਿੰਦੂ ਧਰਮ ਦੀਆਂ ਮਾਨਤਾਵਾਂ ਅਨੁਸਾਰ ਬੇਔਲਾਦ ਲੋਕ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਵਰਤ ਰੱਖ ਕੇ ਅਤੇ ਨਿਯਮਾਂ ਅਨੁਸਾਰ ਪੂਜਾ ਕਰਕੇ ਔਲਾਦ ਸੁੱਖ ਪ੍ਰਾਪਤ ਕਰਦੇ ਹਨ, ਜਦਕਿ ਅਣਵਿਆਹੀਆਂ ਲੜਕੀਆਂ ਭਗਵਾਨ ਕ੍ਰਿਸ਼ਨ ਵਰਗੇ ਪਤੀ ਦੀ ਇੱਛਾ ਅਤੇ ਜੀਵਨ ਵਿੱਚ ਖੁਸ਼ਹਾਲੀ ਦੀ ਇੱਛਾ ਨਾਲ ਇਹ ਵਰਤ ਰੱਖਦੀਆਂ ਹਨ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਵਰਤ ਰੱਖਣ ਜਾ ਰਹੇ ਹੋ ਤਾਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।

ਇਹ ਵੀ ਪੜ੍ਹੋ : Janmashtami:ਪੜ੍ਹਾਈ ਵਿੱਚ ਕਮਜ਼ੋਰ ਵਿਦਿਆਰਥੀਆਂ ਨੂੰ Super intelligent ਬਣਾ ਦਿੰਦਾ ਹੈ ਮੋਰ ਖੰਭ

ਪਹਿਲਾਂ ਲਓ ਵਰਤ ਰੱਖਣ ਦਾ ਪ੍ਰਣ 

ਜਨਮ ਅਸ਼ਟਮੀ ਵਾਲੇ ਦਿਨ ਬ੍ਰਹਮਾ ਮੁਹੂਰਤ 'ਤੇ ਸਵੇਰੇ ਉੱਠ ਕੇ ਇਸ਼ਨਾਨ ਕਰੋ ਅਤੇ ਸ਼੍ਰੀ ਕ੍ਰਿਸ਼ਨ ਦੇ ਸਾਹਮਣੇ ਵਰਤ ਦਾ ਸੰਕਲਪ ਕਰੋ। ਤੁਲਸੀ ਦਾ ਪੱਤਾ ਹੱਥਾਂ ਵਿੱਚ ਫੜ ਕੇ ਇਹ ਸੰਕਲਪ ਕਰੋ ਅਤੇ ਵਰਤ ਦੇ ਦੌਰਾਨ ਤੁਹਾਡੀ ਕਿਸੇ ਵੀ ਗਲਤੀ ਲਈ ਪਹਿਲਾਂ ਤੋਂ ਮਾਫੀ ਮੰਗੋ। ਜੇਕਰ ਤੁਸੀਂ ਨਿਰਜਲ ਵਰਤ ਰੱਖਿਆ ਹੈ ਤਾਂ ਅੱਧੀ ਰਾਤ ਨੂੰ ਪ੍ਰਭੂ ਦੀ ਪੂਜਾ ਕਰਕੇ ਪਾਣੀ ਅਤੇ ਫਲਾਂ ਦਾ ਸੇਵਨ ਕਰੋ। ਜੇ ਤੁਸੀਂ ਵਿਆਹੇ ਹੋ, ਤਾਂ ਤੁਹਾਨੂੰ ਵਰਤ ਰੱਖਣ ਤੋਂ ਇਕ ਰਾਤ ਪਹਿਲਾਂ ਤੋਂ ਹੀ ਬ੍ਰਹਮਚਾਰੀ ਦਾ ਪਾਲਣ ਕਰਨਾ ਚਾਹੀਦਾ ਹੈ।

ਵਰਤ ਦੌਰਾਨ ਇਹਨਾਂ ਨਿਯਮਾਂ ਦੀ ਕਰੋ ਪਾਲਣਾ 

ਸਵੇਰੇ ਇਸ਼ਨਾਨ ਕਰੋ ਅਤੇ ਫਿਰ ਸ਼੍ਰੀ ਕ੍ਰਿਸ਼ਨ ਦੀ ਪੂਜਾ ਕਰੋ।
ਇਸ ਦਿਨ ਗੀਤਾ, ਵਿਸ਼ਨੂੰ ਪੁਰਾਣ, ਕ੍ਰਿਸ਼ਨ ਲੀਲਾ ਦਾ ਪਾਠ ਕਰਨਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ।
ਵਰਤ ਵਾਲੇ ਦਿਨ ਸ਼੍ਰੀ ਕ੍ਰਿਸ਼ਨ ਨੂੰ ਪੰਚਾਮ੍ਰਿਤ ਨਾਲ ਇਸ਼ਨਾਨ ਕਰਵਾਓ ਅਤੇ ਨਵੇਂ ਕੱਪੜੇ ਪਾਓ।
ਇਸ ਦੇ ਨਾਲ ਹੀ ਭਗਵਾਨ ਕ੍ਰਿਸ਼ਨ ਨੂੰ ਝੂਲਾ-ਝੁਟਾਉਣਾ ਅਤੇ ਚੰਦਰਮਾ ਨੂੰ ਅਰਘ ਦੇਣਾ ਨਾ ਭੁੱਲੋ।

ਇਹ ਵੀ ਪੜ੍ਹੋ : Vastu Tips : ਨਵਾਂ ਘਰ ਬਣਾਉਂਦੇ ਸਮੇਂ ਖਿੜਕੀਆਂ ਦਾ ਰੱਖੋ ਖ਼ਾਸ ਧਿਆਨ, ਬਦਲ ਸਕਦੀਆਂ ਹਨ ਤੁਹਾਡੀ ਕਿਸਮਤ

ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀ 

ਭਗਵਾਨ ਕ੍ਰਿਸ਼ਨ ਦੀ ਪੂਜਾ ਵਿੱਚ ਪੁਰਾਣੇ ਜਾਂ ਸੁੱਕੇ ਫੁੱਲਾਂ ਦੀ ਵਰਤੋਂ ਨਾ ਕਰੋ।
ਇਸ ਦਿਨ ਮਨ ਵਿੱਚ ਕੋਈ ਵੀ ਨਕਾਰਾਤਮਕ ਵਿਚਾਰ, ਗੁੱਸਾ ਅਤੇ ਬੁਰੀ ਗੱਲ ਨਾ ਲਿਆਓ।
ਵਰਤ ਰੱਖਣ ਤੋਂ ਇੱਕ ਦਿਨ ਪਹਿਲਾਂ ਅਤੇ ਬਾਅਦ ਵਿੱਚ, ਲਸਣ, ਪਿਆਜ਼, ਮਾਸਾਹਾਰੀ, ਸ਼ਰਾਬ ਵਾਲੇ ਭੋਜਨ ਤੋਂ ਦੂਰ ਰਹੋ।
ਜਨਮ ਅਸ਼ਟਮੀ 'ਤੇ ਕਿਸੇ ਦੇ ਪ੍ਰਤੀ ਬੁਰਾ ਵਿਚਾਰ ਨਹੀਂ ਆਉਣਾ ਚਾਹੀਦਾ ਅਤੇ ਨਾ ਹੀ ਕਿਸੇ ਨੂੰ ਗਾਲ੍ਹਾਂ ਕੱਢਣੀਆਂ ਚਾਹੀਦੀਆਂ ਹਨ।
ਜਨਮ ਅਸ਼ਟਮੀ 'ਤੇ ਨਾ ਤਾਂ ਤੁਲਸੀ ਦੇ ਪੱਤੇ ਤੋੜਣੇ ਚਾਹੀਦੇ ਹਨ ਅਤੇ ਨਾ ਹੀ ਕੋਈ ਰੁੱਖ ਜਾਂ ਪੌਦਾ ਕੱਟਣਾ ਚਾਹੀਦਾ ਹੈ।
ਜਨਮ ਅਸ਼ਟਮੀ ਦੀ ਪੂਜਾ ਲਈ ਇੱਕ ਦਿਨ ਪਹਿਲਾਂ ਤੁਲਸੀ ਦਲ ਤੋੜ ਕੇ ਰੱਖ ਲੈਣਾ ਚਾਹੀਦਾ ਹੈ

ਇਹ ਵੀ ਪੜ੍ਹੋ : Vastu Tips : ਘਰ ਦੇ ਵਿਹੜੇ 'ਚ ਲਗਾਓ ਸਿਰਫ ਇਹ ਇਕ ਬੂਟਾ, ਕਈ ਪਰੇਸ਼ਾਨੀਆਂ ਹੋ ਜਾਣਗੀਆਂ ਦੂਰ

ਜਨਮ ਅਸ਼ਟਮੀ 'ਤੇ ਤੁਲਸੀ ਦਾ ਮਹੱਤਵ

ਇਸ ਦਿਨ ਤੁਲਸੀ ਦੀਆਂ ਪੱਤੀਆਂ ਨੂੰ ਪਾਣੀ ਵਿੱਚ ਪਾ ਕੇ ਸੇਵਨ ਕਰੋ। ਇੰਨਾ ਹੀ ਨਹੀਂ ਇਸ ਦਿਨ ਤੁਲਸੀ ਦੀ ਪੂਜਾ ਵੀ ਕਰਨੀ ਚਾਹੀਦੀ ਹੈ ਅਤੇ ਸ਼੍ਰੀ ਕ੍ਰਿਸ਼ਨ ਦੇ ਹਰ ਭੋਗ ਵਿੱਚ ਤੁਲਸੀ ਦਾ ਪੱਤਾ ਜ਼ਰੂਰ ਰੱਖਣਾ ਚਾਹੀਦਾ ਹੈ। ਇਹ ਵੀ ਯਾਦ ਰੱਖੋ ਕਿ ਤੁਲਸੀ ਦੇ ਪੱਤਿਆਂ ਤੋਂ ਬਿਨਾਂ ਭਗਵਾਨ ਕ੍ਰਿਸ਼ਨ ਦਾ ਕੋਈ ਵੀ ਭੋਗ ਨਹੀਂ ਰੱਖਿਆ ਜਾਂਦਾ।

ਵਰਤ ਰੱਖਣ ਦੇ ਲਾਭ

ਸ਼ਾਸਤਰਾਂ ਅਨੁਸਾਰ ਇਕਾਦਸ਼ੀ ਦਾ ਵਰਤ ਰੱਖਣਾ ਇਕ ਅਦਭੁਤ ਬ੍ਰਹਮ ਵਰਦਾਨ ਹੈ ਜੋ ਹਜ਼ਾਰਾਂ-ਲੱਖਾਂ ਪਾਪਾਂ ਦਾ ਨਾਸ਼ ਕਰਦਾ ਹੈ, ਪਰ ਇਕ ਜਨਮਾਸ਼ਟਮੀ ਦਾ ਵਰਤ ਹਜ਼ਾਰਾਂ ਇਕਾਦਸ਼ੀ ਦੇ ਵਰਤ ਰੱਖਣ ਦੇ ਬਰਾਬਰ ਹੈ। ਜੇਕਰ ਤੁਸੀਂ ਇਕਾਦਸ਼ੀ ਦਾ ਵਰਤ ਨਹੀਂ ਰੱਖ ਸਕਦੇ ਤਾਂ ਜਨਮ ਅਸ਼ਟਮੀ ਦਾ ਵਰਤ ਰੱਖ ਕੇ ਪੁੰਨ ਕਮਾ ਸਕਦੇ ਹੋ।

ਇਹ ਵੀ ਪੜ੍ਹੋ : Vastu tips: ਬਾਲਕੋਨੀ 'ਚ ਰੱਖੋ ਇਹ ਚੀਜ਼ਾਂ, ਕੁਬੇਰ ਖੋਲ੍ਹਣਗੇ ਧਨ ਦੇ ਦਰਵਾਜ਼ੇ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।