Vastu Tips : ਸਾਉਣ ਦੇ ਮਹੀਨੇ ਕਰੋ ਇਹ ਛੋਟੇ-ਛੋਟੇ ਉਪਾਅ, ਘਰ ''ਚ ਹੋਵੇਗੀ ਪੈਸਿਆਂ ਦੀ ਬਰਸਾਤ
7/11/2023 10:50:38 AM
ਨਵੀਂ ਦਿੱਲੀ - ਸਾਉਣ ਦਾ ਪਵਿੱਤਰ ਮਹੀਨਾ ਸ਼ੁਰੂ ਹੋ ਗਿਆ ਹੈ। ਇਹ ਮਹੀਨਾ ਭਗਵਾਨ ਸ਼ਿਵ ਨੂੰ ਪਿਆਰਾ ਮੰਨਿਆ ਜਾਂਦਾ ਹੈ। ਮਾਨਤਾਵਾਂ ਦੇ ਮੁਤਾਬਕ ਜੇਕਰ ਇਸ ਮਹੀਨੇ ਭਗਵਾਨ ਸ਼ਿਵ ਅਤੇ ਮਾਤਾ ਪਾਰਵਤੀ ਦੀ ਪੂਜਾ ਪੂਰੀ ਰੀਤੀ-ਰਿਵਾਜਾਂ ਨਾਲ ਕੀਤੀ ਜਾਵੇ ਤਾਂ ਜੀਵਨ ਦੇ ਸਾਰੇ ਦੁੱਖ ਦੂਰ ਹੋ ਜਾਂਦੇ ਹਨ ਅਤੇ ਭਗਵਾਨ ਸ਼ਿਵ ਭਗਤਾਂ ਨੂੰ ਮਨਚਾਹੇ ਫਲ ਵੀ ਦਿੰਦੇ ਹਨ। ਇਸ ਦੌਰਾਨ ਵਾਯੂਮੰਡਲ ਵਿੱਚ ਸਕਾਰਾਤਮਕ ਊਰਜਾ ਵੀ ਬਣੀ ਰਹਿੰਦੀ ਹੈ। ਵਾਸਤੂ ਸ਼ਾਸਤਰ ਵਿੱਚ ਵੀ ਸਾਉਣ ਦੇ ਮਹੀਨੇ ਲਈ ਕੁਝ ਖਾਸ ਉਪਾਅ ਦੱਸੇ ਗਏ ਹਨ, ਜਿਨ੍ਹਾਂ ਨੂੰ ਕਰਨ ਨਾਲ ਭਗਵਾਨ ਸ਼ਿਵ ਦੁੱਗਣਾ ਫਲ ਦਿੰਦੇ ਹਨ ਅਤੇ ਵਿਅਕਤੀ ਦੀ ਚੰਗੀ ਕਿਸਮਤ ਵਧਦੀ ਹੈ। ਇਸ ਤੋਂ ਇਲਾਵਾ ਤੁਹਾਡੇ ਘਰ 'ਚ ਸੁੱਖ-ਸ਼ਾਂਤੀ ਵੀ ਆਉਂਦੀ ਹੈ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ...
ਮੁੱਖ ਗੇਟ 'ਤੇ ਲਗਾਓ ਇਹ ਨਿਸ਼ਾਨ
ਸਾਵਣ ਦੇ ਮਹੀਨੇ ਆਪਣੇ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਗੰਗਾ ਜਲ ਦਾ ਛਿੜਕਾਅ ਕਰੋ। ਇਸ ਤੋਂ ਬਾਅਦ ਦਰਵਾਜ਼ੇ 'ਤੇ ਸਵਾਸਤਿਕ ਦਾ ਪ੍ਰਤੀਕ ਬਣਾਉ। ਸਵਾਸਤਿਕ ਬਣਾਉਣ ਤੋਂ ਬਾਅਦ ਘਰ ਦੇ ਦੋਵੇਂ ਪਾਸੇ ਘਿਓ ਦੇ ਦੀਵੇ ਜਗਾਓ। ਇਸ ਤੋਂ ਬਾਅਦ ਭਗਵਾਨ ਸ਼ਿਵ ਦੇ ਮੰਦਰ 'ਚ ਜਾ ਕੇ ਪੂਜਾ ਕਰੋ। ਮਾਨਤਾਵਾਂ ਦੇ ਅਨੁਸਾਰ, ਇਸ ਨਾਲ ਤੁਹਾਡੇ ਘਰ ਵਿੱਚ ਖੁਸ਼ਹਾਲੀ ਆਵੇਗੀ ਅਤੇ ਸਕਾਰਾਤਮਕਤਾ ਵਧੇਗੀ।
ਇਹ ਵੀ ਪੜ੍ਹੋ : ਸਾਵਣ ਮਹੀਨੇ ਸੋਮਵਾਰ ਦਾ ਵਰਤ ਰੱਖਣ ’ਤੇ ਕੀ ਖਾਣਾ ਚਾਹੀਦਾ ਹੈ ਅਤੇ ਕੀ ਨਹੀਂ, ਜਾਣਨ ਲਈ ਪੜ੍ਹੋ ਇਹ ਖ਼ਬਰ
ਬੇਲ ਪੱਤਾ ਬੂਟਾ
ਸਾਉਣ ਦੇ ਮਹੀਨੇ ਤੁਲਸੀ ਅਤੇ ਬੇਲਪੱਤਰ ਦੇ ਪੌਦੇ ਲਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਪੌਦੇ ਨੂੰ ਤੁਸੀਂ ਘਰ ਦੀ ਉੱਤਰ ਦਿਸ਼ਾ 'ਚ ਲਗਾ ਸਕਦੇ ਹੋ। ਇਸ ਨਾਲ ਘਰ ਦੀ ਗਰੀਬੀ ਦੂਰ ਹੁੰਦੀ ਹੈ। ਇਸ ਤੋਂ ਇਲਾਵਾ ਸਾਉਣ ਦੇ ਮਹੀਨੇ 'ਚ ਇਸ ਦੀ ਨਿਯਮਿਤ ਪੂਜਾ ਕਰਨ ਨਾਲ ਚੰਗੀ ਕਿਸਮਤ ਵਧਦੀ ਹੈ ਅਤੇ ਧਨ 'ਚ ਵੀ ਵਾਧਾ ਹੁੰਦਾ ਹੈ। ਇਸ ਨਾਲ ਭਗਵਾਨ ਸ਼ਿਵ ਦੇ ਨਾਲ-ਨਾਲ ਮਾਂ ਲਕਸ਼ਮੀ ਦਾ ਆਸ਼ੀਰਵਾਦ ਮਿਲਦਾ ਹੈ।
ਘਰ ਵਿੱਚ ਆਵੇਗਾ ਪੈਸਾ
ਸ਼ਿਵਲਿੰਗ ਦੀ ਪੂਜਾ ਕਰਨ ਤੋਂ ਪਹਿਲਾਂ ਸ਼ਿਵਲਿੰਗ ਦੇ ਕੋਲ ਰੁਦਰਾਕਸ਼ ਰੱਖੋ। ਇਸ ਤੋਂ ਬਾਅਦ ਪੂਰਨ ਸੰਸਕਾਰ ਨਾਲ ਜਲਾਭਿਸ਼ੇਕ ਕਰਕੇ ਭਗਵਾਨ ਸ਼ਿਵ ਦੀ ਪੂਜਾ ਕਰੋ। ਪੂਜਾ ਕਰਨ ਤੋਂ ਬਾਅਦ ਰੁਦਰਾਕਸ਼ ਨੂੰ ਚੁੱਕ ਕੇ ਘਰ ਲਿਆਓ ਅਤੇ ਕਿਸੇ ਤਿਜੋਰੀ ਜਾਂ ਅਲਮਾਰੀ 'ਚ ਰੱਖ ਦਿਓ। ਇਸ ਨਾਲ ਤੁਹਾਡੇ ਘਰ 'ਚ ਕਦੇ ਵੀ ਪੈਸੇ ਦੀ ਕਮੀ ਨਹੀਂ ਹੋਵੇਗੀ ਅਤੇ ਧਨ ਆਉਣ ਦੀ ਸੰਭਾਵਨਾ ਵੀ ਬਣੀ ਰਹੇਗੀ।
ਇਹ ਵੀ ਪੜ੍ਹੋ : Vastu Shastra: ਕਿਸਮਤ ਬਦਲ ਸਕਦਾ ਹੈ ਮੀਂਹ ਦਾ ਪਾਣੀ, ਘਰ 'ਚ ਕਦੇ ਨਹੀਂ ਹੋਵੇਗੀ ਪੈਸੇ ਦੀ ਘਾਟ!
ਇੱਥੇ ਸ਼ਿਵਲਿੰਗ ਰੱਖੋ
ਜੇਕਰ ਤੁਸੀਂ ਸਾਵਣ ਦੇ ਮਹੀਨੇ ਘਰ 'ਚ ਸ਼ਿਵਲਿੰਗ ਰੱਖਦੇ ਹੋ ਤਾਂ ਇਸ ਨੂੰ ਉੱਤਰ-ਪੂਰਬ ਵੱਲ ਰੱਖੋ। ਇਸ ਦਿਸ਼ਾ ਨੂੰ ਸ਼ਿਵਲਿੰਗ ਰੱਖਣ ਲਈ ਸ਼ੁਭ ਮੰਨਿਆ ਜਾਂਦਾ ਹੈ। ਇੱਥੇ ਸ਼ਿਵਲਿੰਗ ਰੱਖਣ ਨਾਲ ਘਰ ਵਿੱਚ ਸਕਾਰਾਤਮਕ ਊਰਜਾ ਆਉਂਦੀ ਹੈ। ਧਿਆਨ ਵਿਚ ਰੱਖੋ ਕਿ ਕਦੇ ਵੀ ਘਰ ਵਿਚ ਵੱਡੇ ਆਕਾਰ ਦੇ ਸ਼ਿਵਲਿੰਗ ਨਹੀਂ ਰਖਣੇ ਚਾਹੀਦੇ।
ਤੁਲਸੀ ਦਾ ਪੌਦਾ
ਘਰ 'ਚ ਤੁਲਸੀ ਦਾ ਬੂਟਾ ਲਗਾਉਣ ਨਾਲ ਸੁੱਖ, ਸ਼ਾਂਤੀ ਅਤੇ ਸਕਾਰਾਤਮਕਤਾ ਮਿਲਦੀ ਹੈ, ਉਥੇ ਹੀ ਸਾਉਣ ਦੇ ਮਹੀਨੇ ਇਸ ਪੌਦੇ ਨੂੰ ਲਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਤੁਸੀਂ ਘਰ ਦੇ ਉੱਤਰ ਜਾਂ ਪੂਰਬ ਦਿਸ਼ਾ ਵਿੱਚ ਤੁਲਸੀ ਦਾ ਪੌਦਾ ਲਗਾ ਸਕਦੇ ਹੋ। ਨਿਯਮਿਤ ਪੂਜਾ ਨਾਲ ਚੰਗੀ ਕਿਸਮਤ ਵਧਦੀ ਹੈ। ਪਰ ਭਗਵਾਨ ਸ਼ਿਵ ਦੀ ਪੂਜਾ ਵਿੱਚ ਤੁਲਸੀ ਦੀ ਵਰਤੋਂ ਨਹੀਂ ਕੀਤੀ ਜਾਂਦੀ।
ਇਹ ਵੀ ਪੜ੍ਹੋ : ਦਿਨ ਦੇ ਇਸ ਸਮੇਂ ਜੀਭ 'ਤੇ ਹੁੰਦਾ ਹੈ ਮਾਂ ਸਰਸਵਤੀ ਦਾ ਵਾਸ , ਪੂਰੀ ਹੁੰਦੀ ਹੈ ਹਰ ਇੱਛਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
