Diwali Puja : ਮਾਂ ਲਕਸ਼ਮੀ ਦੀ ਪੂਜਾ ਲਈ ਘਰ 'ਚ ਜ਼ਰੂਰ ਲਿਆਓ ਅਜਿਹੀ ‘ਤਸਵੀਰ’, ਹੁੰਦੀ ਹੈ ਸ਼ੁੱਭ
11/11/2023 6:44:09 PM
ਜਲੰਧਰ (ਬਿਊਰੋ) - ਦੀਵਾਲੀ ਰੌਸ਼ਨੀ ਦਾ ਤਿਉਹਾਰ ਹੈ। ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਇਸ ਤਿਉਹਾਰ ਨੂੰ ਬੜੀ ਧੂਮ-ਧਾਮ ਨਾਲ 12 ਨਵੰਬਰ, 2023 ਨੂੰ ਮਨਾਇਆ ਜਾਵੇਗਾ। ਰੌਸ਼ਨੀ ਦਾ ਇਹ ਤਿਉਹਾਰ ਖ਼ਾਸ ਤੌਰ 'ਤੇ ਮਾਂ ਲਕਸ਼ਮੀ ਦੀ ਪੂਜਾ ਦਾ ਤਿਉਹਾਰ ਹੈ। ਇਸ ਦਿਨ ਮਾਂ ਲਕਸ਼ਮੀ ਦੀ ਪੂਜਾ ਕਰਨੀ ਸ਼ੁੱਭ ਮੰਨੀ ਜਾਂਦੀ ਹੈ। ਮਾਂ ਲਕਸ਼ਮੀ ਜੀ ਦੀ ਕ੍ਰਿਪਾ ਨਾਲ ਘਰ 'ਚ ਧਨ-ਦੌਲਤ ਅਤੇ ਖ਼ੁਸ਼ਹਾਲੀ ਆਉਂਦੀ ਹੈ। ਦੀਵਾਲੀ ਮੌਕੇ ਪੂਰੇ ਵਿਧੀ ਵਿਧਾਨ ਨਾਲ ਤੁਹਾਡੀ ਪੂਜਾ ਸਫਲ ਹੋਵੇ ਅਤੇ ਘਰ ਵਿਚ ਸੁਖ-ਖੁਸ਼ਹਾਲੀ ਬਣੀ ਰਹੇ ਇਸ ਲਈ ਇਸ ਗੱਲ ਦਾ ਖ਼ਾਸ ਧਿਆਨ ਰੱਖੋ ਕਿ ਮਾਂ ਲਕਸ਼ਮੀ ਦੀ ਕਿਹੜੀ ਤਸਵੀਰ ਦੀਵਾਲੀ 'ਤੇ ਪੂਜਾ ਲਈ ਸ਼ੁਭ ਹੈ, ਜਿਸ ਨੂੰ ਲਗਾਉਣਾ ਚਾਹੀਦਾ ਹੈ। ਮਾਂ ਲਕਸ਼ਮੀ ਦੀ ਪੂਜਾ ਨਾਲ ਜੁੜੀਆਂ ਇਨ੍ਹਾਂ ਗੱਲਾਂ ਨੂੰ ਤੁਸੀਂ ਵੀ ਜਾਣਦੇ ਹੋ-
ਕਮਲ ਦੇ ਆਸਨ 'ਤੇ ਬਿਰਾਜਮਾਨ ਹੋਣ ਮਾਂ ਲਕਸ਼ਮੀ ਜੀ
ਦੀਵਾਲੀ 'ਤੇ ਮਾਂ ਲਕਸ਼ਮੀ ਦੀ ਪੂਜਾ ਲਈ ਲਕਸ਼ਮੀ ਦੇਵੀ ਦੀ ਉਹ ਤਸਵੀਰ ਲੈ ਕੇ ਆਓ, ਜਿਸ ਵਿਚ ਉਹ ਕਮਲ ਦੇ ਆਸਨ 'ਤੇ ਬਿਰਾਜਮਾਨ ਹਨ। ਇਸ ਨਾਲ ਮਾਂ ਲਕਸ਼ਮੀ ਦਾ ਅਸ਼ੀਰਵਾਦ ਬਣਿਆ ਰਹੇਗਾ ਅਤੇ ਇਸ ਤਸਵੀਰ ਦੀ ਪੂਜਾ ਕਰਨ ਨਾਲ ਮਾਂ ਲਕਸ਼ਮੀ ਸਦਾ ਘਰ ਵਿਚ ਵਾਸ ਕਰੇਗੀ।
ਮਾਂ ਲਕਸ਼ਮੀ ਭਗਵਾਨ ਗਣੇਸ਼ ਅਤੇ ਸਰਸਵਤੀ ਦੇ ਨਾਲ ਬੈਠੀ ਹੋਣ
ਦੀਵਾਲੀ ਦੇ ਦਿਨ ਮਾਂ ਲਕਸ਼ਮੀ ਦੀ ਅਜਿਹੀ ਤਸਵੀਰ ਪੂਜਾ ਲਈ ਸ਼ੁੱਭ ਮੰਨੀ ਜਾਂਦੀ ਹੈ ਜਿਸ ਵਿਚ ਮਾਂ ਲਕਸ਼ਮੀ ਭਗਵਾਨ ਗਣੇਸ਼ ਅਤੇ ਸਰਸਵਤੀ ਦੇ ਨਾਲ ਬੈਠੀ ਹਨ। ਮਾਨਤਾ ਅਨੁਸਾਰ ਅਜਿਹੀ ਤਸਵੀਰ ਦੀ ਪੂਜਾ ਨਾ ਕਰੋ ਜਿਸ ਵਿੱਚ ਲਕਸ਼ਮੀ ਮਾਂ ਇਕੱਲੀ ਹੋਵੇ। ਇਕ ਤਸਵੀਰ ਜਿਸ ਵਿਚ ਮਾਤਾ ਲਕਸ਼ਮੀ ਦੋਹਾਂ ਹੱਥਾਂ ਨਾਲ ਪੈਸਿਆਂ ਦੀ ਵਰਖਾ ਕਰ ਰਹੀ ਹੈ, ਨੂੰ ਦੌਲਤ ਪ੍ਰਾਪਤ ਕਰਨ ਲਈ ਬਹੁਤ ਸ਼ੁੱਭ ਮੰਨਿਆ ਜਾਂਦਾ ਹੈ।
ਹਾਥੀ ਮਾਂ ਸਰਸਵਤੀ, ਮਾਂ ਲਕਸ਼ਮੀ ਅਤੇ ਗਣੇਸ਼ ਜੀ
ਮਾਨਤਾ ਅਨੁਸਾਰ ਮਾਂ ਲਕਸ਼ਮੀ ਦੀ ਅਜਿਹੀ ਤਸਵੀਰ ਨੂੰ ਸ਼ੁੱਭ ਮੰਨਿਆ ਜਾਂਦਾ ਹੈ, ਜਿਸ ਵਿੱਚ ਹਾਥੀ ਮਾਂ ਸਰਸਵਤੀ, ਮਾਂ ਲਕਸ਼ਮੀ ਅਤੇ ਗਣੇਸ਼ ਦੇ ਦੋਵਾਂ ਪਾਸਿਆਂ ਉਤੇ ਆਪਣਾ ਸੁੰਡ ਚੁੱਕਦੇ ਦਿਖਾਈ ਦਿੰਦੇ ਹਨ। ਇਹ ਮੰਨਿਆ ਜਾਂਦਾ ਹੈ ਕਿ ਅਜਿਹੀ ਤਸਵੀਰ ਦੀ ਪੂਜਾ ਕਰਨ ਨਾਲ ਘਰ ਵਿਚ ਪੈਸੇ ਦੀ ਕੋਈ ਕਮੀ ਨਹੀਂ ਹੁੰਦੀ ਅਤੇ ਸ਼ਾਂਤੀ ਅਤੇ ਖੁਸ਼ਹਾਲੀ ਬਣੀ ਰਹਿੰਦੀ ਹੈ।
ਤਸਵੀਰ ’ਚ ਉਨ੍ਹਾਂ ਦੇ ਪੈਰ ਨਾ ਦਿਖਾਈ ਦੇਣ
ਮਾਨਤਾ ਅਨੁਸਾਰ ਪੂਜਾ ਲਈ ਲਕਸ਼ਮੀ ਦੇਵੀ ਦੀ ਅਜਿਹੀ ਤਸਵੀਰ ਲਿਆਓ ਜਿਸ ਵਿੱਚ ਉਨ੍ਹਾਂ ਦੇ ਪੈਰ ਨਾ ਦਿਖਾਈ ਦੇਣ। ਇਹ ਮੰਨਿਆ ਜਾਂਦਾ ਹੈ ਕਿ ਅਜਿਹੀ ਤਸਵੀਰ ਦੀ ਪੂਜਾ ਕਰਨ ਨਾਲ ਮਾਂ ਲਕਸ਼ਮੀ ਜ਼ਿਆਦਾ ਸਮੇਂ ਤੱਕ ਘਰ ਨਹੀਂ ਰਹਿੰਦੀ। ਮਾਂ ਲਕਸ਼ਮੀ ਦੀ ਬੈਠੀ ਹੋਈ ਤਸਵੀਰ ਚੰਗਾ ਮੰਨਿਆ ਜਾਂਦਾ ਹੈ। ਇਸ ਲਈ ਦੀਵਾਲੀ ਮੌਕੇ ਪੂਜਾ ਲਈ ਕਮਲ 'ਤੇ ਬੈਠੀ ਮਾਂ ਲਕਸ਼ਮੀ ਦੀ ਤਸਵੀਰ ਲਗਾਓ।
