ਜਲਦ ਸਸਤੀ ਹੋਵੇਗੀ ਖੰਡ, ਜਾਣੋ ਤਿਉਹਾਰਾਂ ਤੋਂ ਪਹਿਲਾਂ ਕੀ ਹੈ ਸਰਕਾਰ ਦੀ ਯੋਜਨਾ

ਬਿਜ਼ਨੈੱਸ ਡੈਸਕ - ਤਿਉਹਾਰਾਂ ਦੇ ਸੀਜ਼ਨ ’ਚ ਜਿੱਥੇ ਖੰਡ ਦੀ ਸਭ ਤੋਂ ਵੱਧ ਵਰਤੋਂ ਹੁੰਦੀ ਹੈ, ਉਸੇ ਮੌਸਮ ’ਚ ਖੰਡ ਦੀਆਂ ਕੀਮਤਾਂ ਨੇ ਹੋਸ਼ ਉਡਾ ਦਿੱਤੇ ਹਨ। ਖੰਡ ਦੀਆਂ ਕੀਮਤਾਂ ’ਚ ਵਾਧਾ ਹੁੰਦੇ ਦੇਖ ਕਈ ਲੋਕਾਂ ਨੂੰ ਲੱਗ ਰਿਹਾ ਸੀ ਕਿ ਹੁਣ ਤਿਉਹਾਰਾਂ ਦੀ ਮਿਠਾਸ ਘੱਟ ਪੈ ਜਾਵੇਗੀ ਪਰ ਸਰਕਾਰ ਅਤੇ ਸ਼ੂਗਰ ਰਿਫਾਇਨਰੀਜ਼ ਮਿਲ ਕੇ ਲੋਕਾਂ ਨੂੰ ਥੋੜ੍ਹੀ ਰਾਹਤ ਦੇਣ ਲਈ ਜੱਦੋ-ਜਹਿੱਦ ਕਰ ਰਹੀਆਂ ਹਨ।

ਇਹ ਵੀ ਪੜ੍ਹੋ : Toll Plaza 'ਤੇ ਕਰੋੜਾਂ ਦੀ ਠੱਗੀ ਦੇ ਵੱਡੇ ਨੈੱਟਵਰਕ ਦਾ ਪਰਦਾਫਾਸ਼, ਮਾਮਲਾ ਜਾਣ ਉੱਡਣਗੇ ਹੋਸ਼

ਇਸੇ ਲੜੀ ’ਚ ਹੁਣ ਸ਼ੂਗਰ ਰਿਫਾਇਨਰੀਜ਼ ਘਰੇਲੂ ਬਾਜ਼ਾਰ ’ਚ ਕਈ ਲੱਖ ਟਨ ਖੰਡ ਵੇਚਣ ਵਾਲੀਆਂ ਹਨ। ਦਰਅਸਲ ਹਾਲ ਹੀ ’ਚ ਸ਼੍ਰੀ ਰੇਣੁਕਾ ਸ਼ੂਗਰਸ ਦੇ ਐੱਮ. ਡੀ. ਅਤੇ ਸੀ. ਈ. ਓ. ਸੁਸ਼ੀਲ ਕੁਮਾਰ ਨੇ ਦੱਸਿਆ ਹੈ ਕਿ ਭਾਰਤੀ ਰਿਫਾਇਨਰੀਆਂ ਘਰੇਲੂ ਬਾਜ਼ਾਰ ’ਚ 2.50 ਲੱਖ ਟਨ ਖੰਡ ਵੇਚਣ ਦੀ ਪਲਾਨਿੰਗ ਕਰ ਰਹੀਆਂ ਹਨ, ਜਿਸ ਨਾਲ ਬਾਜ਼ਾਰ ’ਚ ਖੰਡ ਦੇ ਭਾਅ ’ਤੇ ਰੋਕ ਲਾਈ ਜਾ ਸਕੇ।

ਇਹ ਵੀ ਪੜ੍ਹੋ :  ਵੱਡੀ ਖ਼ਬਰ! PNB ਬੈਂਕ 'ਚੋਂ ਮਿਲੇ 17 ਕਰੋੜ ਦੇ ਨਕਲੀ ਨੋਟ, ਅਧਿਕਾਰੀਆਂ ਦੇ ਉੱਡੇ ਹੋਸ਼

ਕਿਉਂ ਕੀਤੀ ਜਾ ਰਹੀ ਇਹ ਕਵਾਇਦ?

ਸਰਕਾਰ ਅਤੇ ਸ਼ੂਗਰ ਰਿਫਾਇਨਰੀਜ਼ ਚਾਹੁੰਦੀਆਂ ਹਨ ਕਿ ਇਸ ਤਿਉਹਾਰੀ ਸੀਜ਼ਨ ’ਚ ਕਿਸੇ ਦੇ ਵੀ ਤਿਉਹਾਰ ਦੀ ਮਿਠਾਸ ਘੱਟ ਨਾ ਹੋਵੇ, ਅਜਿਹੇ ’ਚ ਉਨ੍ਹਾਂ ਤੋਂ ਜਿੰਨਾ ਹੋ ਪਾ ਰਿਹਾ ਹੈ, ਉਸ ਹਿਸਾਬ ਨਾਲ ਖੰਡ ਦੇ ਭਾਅ ਘੱਟ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਖੰਡ ਦਾ ਇਹ ਢਾਈ ਲੱਖ ਟਨ ਸਟਾਕ ਵੇਚਣ ਦਾ ਫੈਸਲਾ ਵੀ ਇਸੇ ਦੌਰਾਨ ਲਿਆ ਗਿਆ ਹੈ। ਹਾਲਾਂਕਿ ਕੁਝ ਦਿਨ ਪਹਿਲਾਂ ਹੀ ਖੰਡ ਦੇ ਭਾਅ ’ਚ ਗਿਰਾਵਟ ਵੀ ਦੇਖਣ ਨੂੰ ਮਿਲੀ ਸੀ।

ਖਪਤਕਾਰ ਮਾਮਲਿਆਂ ਦੇ ਮੰਤਰਾਲਾ ਨੇ ਤਾਜ਼ਾ ਅੰਕੜੇ ਪੇਸ਼ ਕਰ ਕੇ ਕੁਝ ਦਿਨ ਪਹਿਲਾਂ ਹੀ ਦੱਸਿਆ ਸੀ ਕਿ ਦੇਸ਼ ’ਚ ਖੰਡ ਦਾ ਔਸਤ ਰਿਟੇਲ ਭਾਅ ਪਿਛਲੇ ਹਫਤੇ ਦੇ 65.08 ਰੁਪਏ ਤੋਂ ਘੱਟ ਕੇ 62.57 ਰੁਪਏ ਪ੍ਰਤੀ ਕਿਲੋ ’ਤੇ ਆਇਆ ਹੈ।

ਜਨਤਾ ਨੂੰ ਨਹੀਂ ਮਿਲੀ ਰਾਹਤ

ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਖੰਡ ਦੇ ਥੋਕ ਰੇਟ 17 ਰੁਪਏ ਪ੍ਰਤੀ ਕਿਲੋ ਤੱਕ ਡਿੱਗ ਗਏ ਹਨ ਪਰ ਫਿਰ ਵੀ ਜਨਤਾ ਨੂੰ ਕੋਈ ਰਾਹਤ ਹੁਣ ਤੱਕ ਨਹੀਂ ਮਿਲੀ ਹੈ। ਮਿੱਲ ਪੱਧਰ ’ਤੇ ਖੰਡ ਦੇ ਭਾਅ ’ਚ 17 ਤੋਂ 20 ਰੁਪਏ ਪ੍ਰਤੀ ਕਿਲੋ ਤੱਕ ਦੀ ਭਾਰੀ ਗਿਰਾਵਟ ਆਈ। ਬਾਵਜੂਦ ਇਸ ਦੇ ਗਲੀ-ਮੁਹੱਲੇ ’ਚ ਕਰਿਆਨੇ ਦੀਆਂ ਦੁਕਾਨਾਂ ’ਤੇ ਆਮ ਆਦਮੀ ਨੂੰ ਸਿਰਫ 2 ਤੋਂ 3 ਰੁਪਏ ਘੱਟ ਰੇਟ ’ਤੇ ਖੰਡ ਮਿਲ ਰਹੀ ਹੈ। ਹਾਲਾਂਕਿ ਹੁਣ ਉਮੀਦ ਹੈ ਕਿ ਆਉਣ ਵਾਲੇ ਸਮੇਂ ’ਚ ਜਦੋਂ ਸ਼ੂਗਰ ਰਿਫਾਇਨਰੀਜ਼ ਘਰੇਲੂ ਬਾਜ਼ਾਰ ’ਚ ਇਸ ਸਟਾਕ ਨੂੰ ਉਤਾਰਨਗੀਆਂ, ਉਦੋਂ ਜਾ ਕੇ ਕੁਝ ਹੱਦ ਤੱਕ ਲੋਕਾਂ ਨੂੰ ਖੰਡ ਦੇ ਭਾਅ ’ਚ ਥੋੜ੍ਹੀ ਰਾਹਤ ਮਿਲ ਸਕੇ।

ਇਹ ਵੀ ਪੜ੍ਹੋ : ਇਲਾਇਚੀ ਦੀਆਂ ਕੀਮਤਾਂ 'ਚ ਭਾਰੀ ਉਛਾਲ; ਇਸ ਕਾਰਨ ਰੇਟ ਹੋਰ ਵਧਣ ਦੇ ਮਿਲ ਰਹੇ ਸੰਕੇਤ
ਇਹ ਵੀ ਪੜ੍ਹੋ : ਨੇਪਾਲ 'ਚ ਹੜ੍ਹ ਦੇ ਪਾਣੀ ਨਾਲ ਰੁੜ੍ਹ ਕੇ ਆਇਆ ਬੈਂਕ ਦਾ ਨੋਟਾਂ ਨਾਲ ਭਰਿਆ ਟਰੰਕ, ਲੋਕਾਂ ਨੇ ਲੁੱਟੇ ਬੰਡਲ
ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ ! SBI 'ਚ ਨੌਕਰੀ ਦਾ ਸੁਨਹਿਰੀ ਮੌਕਾ, ਇਨ੍ਹਾਂ ਅਹੁਦਿਆਂ ਲਈ ਬੈਂਕ ਕਰੇਗਾ 12,000 ਭਰਤੀਆਂ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt