ਸ਼ੇਅਰ ਬਾਜ਼ਾਰ ''ਚ ਪਰਤੀ ਰੌਣਕ : ਸੈਂਸੈਕਸ 700 ਤੋਂ ਵਧ ਅੰਕ ਚੜ੍ਹਿਆ ਤੇ ਨਿਫਟੀ 22,337 ਦੇ ਪੱਧਰ ''ਤੇ ਬੰਦ

ਮੁੰਬਈ - ਹਫਤੇ ਦੇ ਤੀਜੇ ਦਿਨ ਬਾਜ਼ਾਰ 'ਚ ਜ਼ਬਰਦਸਤ ਰਿਕਵਰੀ ਦੇਖਣ ਨੂੰ ਮਿਲੀ ਹੈ। ਸੈਂਸੈਕਸ 740.30 ਅੰਕ ਭਾਵ 1.01% ਦੇ ਵਾਧੇ ਨਾਲ  73,730.23 ਦੇ ਪੱਧਰ ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 25 ਸਟਾਕ ਵਾਧੇ ਨਾਲ ਅਤੇ 5 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ। 

ਦੂਜੇ ਪਾਸੇ ਨਿਫਟੀ ਵੀ 254.65 ਅੰਕ ਭਾਵ 1.15% ਦੇ ਵਾਧੇ ਨਾਲ 22,337.30 ਦੇ ਪੱਧਰ ਤੇ ਬੰਦ ਹੋਇਆ ਹੈ। ਨਿਫਟੀ ਦੇ 46 ਸਟਾਕ ਵਾਧੇ ਨਾਲ ਅਤੇ 4 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ। 4 ਮਾਰਚ ਨੂੰ ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 3,405.82 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਸਮੇਂ ਦੌਰਾਨ ਘਰੇਲੂ ਨਿਵੇਸ਼ਕਾਂ (DIIs) ਨੇ 4,851.43 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।

ਸਮਾਲਕੈਪ ਅਤੇ ਮਿਡਕੈਪ ਸੂਚਕਾਂਕ 'ਚ ਵੀ ਸ਼ਾਨਦਾਰ ਰਿਕਵਰੀ ਦੇਖਣ ਨੂੰ ਮਿਲੀ। ਨਿਫਟੀ ਮੈਟਲ ਇੰਡੈਕਸ 4.04 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਇਆ ਹੈ।
 ਸਰਕਾਰੀ ਬੈਂਕ ਸੂਚਕਾਂਕ ਵਿੱਚ 3%, ਆਈਟੀ ਵਿੱਚ 2.13%, ਆਟੋ 2.60% , ਰੀਅਲਟੀ ਇੰਡੈਕਸ 2.32 ਫੀਸਦੀ ਅਤੇ ਮੀਡੀਆ 3.14%,  ਦਾ ਵਾਧਾ ਦਰਜ ਕੀਤਾ ਗਿਆ।  ਹੈਲਥਕੇਅਰ ਅਤੇ ਫਾਰਮਾ ਸੂਚਕਾਂਕ ਲਗਭਗ 1.5% ਵਧੇ।

ਏਸ਼ੀਆਈ ਬਾਜ਼ਾਰਾਂ ਦਾ ਹਾਲ

ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਨਿੱਕੇਈ 0.068 ਫੀਸਦੀ ਅਤੇ ਹਾਂਗਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 1.04 ਫੀਸਦੀ ਚੜ੍ਹਿਆ ਹੋਇਆ ਹੈ। ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.0012% ਹੇਠਾਂ ਹੈ.
ਅਮਰੀਕਾ ਦਾ ਡਾਓ ਜੋਂਸ 1.55% ਡਿੱਗ ਕੇ 42,520.99 'ਤੇ ਬੰਦ ਹੋਇਆ। S&P 500 ਵਿੱਚ 1.22% ਅਤੇ Nasdaq ਕੰਪੋਜ਼ਿਟ ਵਿੱਚ 0.35% ਦੀ ਗਿਰਾਵਟ ਦਰਜ ਕੀਤੀ ਗਈ।

ਬੀਤੇ ਦਿਨ ਗਿਰਾਵਟ ਨਾਲ ਬੰਦ ਹੋਏ ਸ਼ੇਅਰ ਬਾਜ਼ਾਰ 

ਮੰਗਲਵਾਰ (4 ਮਾਰਚ) ਨੂੰ ਨਿਫਟੀ ਲਗਾਤਾਰ 10ਵੇਂ ਦਿਨ ਡਿੱਗਿਆ ਅਤੇ 22,082 'ਤੇ ਬੰਦ ਹੋਇਆ। ਨਿਫਟੀ ਅੱਜ 36 ਅੰਕ ਹੇਠਾਂ ਡਿੱਗਿਆ। ਜਦੋਂ ਕਿ ਸੈਂਸੈਕਸ 96 ਅੰਕ ਡਿੱਗ ਕੇ 72,990 ਦੇ ਪੱਧਰ 'ਤੇ ਆ ਗਿਆ।

ਮੀਡੀਆ ਸੂਚਕਾਂਕ 2.37% ਅਤੇ ਜਨਤਕ ਖੇਤਰ ਦੇ ਬੈਂਕ ਸੂਚਕਾਂਕ ਵਿੱਚ 1.56% ਦਾ ਵਾਧਾ ਹੋਇਆ।  ਆਟੋ , ਆਈਟੀ , ਨਿਫਟੀ ਆਟੋ ਇੰਡੈਕਸ , ਆਈਟੀ ਇੰਡੈਕਸ 'ਚ ਗਿਰਾਵਟ ਦਰਜ ਕੀਤੀ ਗਈ।