ਸ਼ੇਅਰ ਬਾਜ਼ਾਰ ''ਚ ਸਪਾਟ ਸ਼ੁਰੂਆਤ : ਸੈਂਸੈਕਸ 84 ਅੰਕ ਡਿੱਗਾ ਤੇ ਨਿਫਟੀ 23,150 ਦੇ ਨੇੜੇ

ਮੁੰਬਈ - ਘਰੇਲੂ ਸ਼ੇਅਰ ਬਾਜ਼ਾਰਾਂ 'ਚ ਮਹੀਨਾਵਾਰ ਮਿਆਦ ਵੀਰਵਾਰ ਨੂੰ ਹੈ ਅਤੇ ਕੇਂਦਰੀ ਬਜਟ ਆਉਣ 'ਚ ਸਿਰਫ ਦੋ ਦਿਨ ਬਾਕੀ ਹਨ, ਇਸ ਲਈ ਅੱਜ ਬਾਜ਼ਾਰ 'ਚ ਭਾਰੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਦੌਰਾਨ ਬੈਂਚਮਾਰਕ ਸੂਚਕਾਂਕ ਸ਼ੁਰੂਆਤ 'ਚ ਮਿਲਿਆ-ਜੁਲਿਆ ਕਾਰੋਬਾਰ ਕਰਦੇ ਨਜ਼ਰ ਆਏ। ਸੈਂਸੈਕਸ-ਨਿਫਟੀ ਦੀ ਸ਼ੁਰੂਆਤ ਸਪਾਟ ਹੋਈ ਸੀ ਅਤੇ ਇਹ ਲਾਲ ਅਤੇ ਹਰੇ ਨਿਸ਼ਾਨ ਦੇ ਵਿਚਕਾਰ ਝੂਲਦੇ ਦੇਖੇ ਗਏ ਸਨ। ਸ਼ੁਰੂਆਤ 'ਚ ਸੈਂਸੈਕਸ 84 ਅੰਕ ਡਿੱਗ ਕੇ 76,448 ਦੇ ਪੱਧਰ 'ਤੇ ਰਿਹਾ। ਨਿਫਟੀ 10 ਅੰਕਾਂ ਦੀ ਗਿਰਾਵਟ ਨਾਲ 23,153 ਦੇ ਪੱਧਰ 'ਤੇ ਰਿਹਾ। ਬੈਂਕ ਨਿਫਟੀ 89 ਅੰਕਾਂ ਦੇ ਨੁਕਸਾਨ ਨਾਲ 49,076 ਦੇ ਪੱਧਰ 'ਤੇ ਰਿਹਾ। ਮਿਡਕੈਪ ਇੰਡੈਕਸ 155 ਅੰਕਾਂ ਦੇ ਵਾਧੇ ਨਾਲ 52,874 ਦੇ ਪੱਧਰ 'ਤੇ ਰਿਹਾ। ਆਈਟੀ ਅਤੇ ਆਟੋ ਇੰਡੈਕਸ 'ਤੇ ਦਬਾਅ ਰਿਹਾ। ਰੀਅਲਟੀ ਇੰਡੈਕਸ 'ਚ ਸਭ ਤੋਂ ਜ਼ਿਆਦਾ ਵਾਧਾ ਦਰਜ ਕੀਤਾ ਗਿਆ।

 ਉਮੀਦ ਨਾਲੋਂ ਕਮਜ਼ੋਰ ਨਤੀਜਿਆਂ ਕਾਰਨ ਟਾਟਾ ਮੋਟਰਜ਼ ਲਗਭਗ 8% ਡਿੱਗ ਗਿਆ ਸੀ ਅਤੇ 695 ਰੁਪਏ ਦੇ ਪੱਧਰ 'ਤੇ ਪਹੁੰਚ ਗਿਆ ਸੀ। ਜਦੋਂ ਕਿ, ਬਜਾਜ ਫਾਈਨਾਂਸ ਲਗਭਗ 4% ਦੇ ਵਾਧੇ ਦੇ ਨਾਲ ਨਿਫਟੀ ਵਿੱਚ ਸਭ ਤੋਂ ਵੱਧ ਲਾਭਕਾਰੀ ਰਿਹਾ। 

ਟਾਪ ਲੂਜ਼ਰਸ

ਟਾਟਾ ਮੋਟਰਜ਼, ਵਿਪਰੋ, ਇਨਫੋਸਿਸ, ਆਈਸੀਆਈਸੀਆਈ ਬੈਂਕ, ਸ਼੍ਰੀਰਾਮ ਫਾਈਨਾਂਸ 

ਟਾਪ ਗੇਨਰਜ਼

ਬਜਾਜ ਫਿਨਸਰਵ, ਹਿੰਡਾਲਕੋ, ਇੰਡਸਇੰਡ ਬੈਂਕ, ਐੱਨ.ਟੀ.ਪੀ.ਸੀ.