ਸ਼ੇਅਰ ਬਾਜ਼ਾਰ : 32 ਅੰਕ ਚੜ੍ਹ ਕੇ ਬੰਦ ਹੋਇਆ ਸੈਂਸੈਕਸ, ਨਿਫਟੀ ਨੇ ਗਿਰਾਵਟ ਲੈ ਕੇ ਕੀਤੀ ਕਲੋਜ਼ਿੰਗ

ਮੁੰਬਈ - ਅੱਜ ਲਗਾਤਾਰ ਮੰਗਲਵਾਰ 25 ਮਾਰਚ ਨੂੰ ਸ਼ੇਅਰ ਬਾਜ਼ਾਰ 'ਚ ਮਿਲਿਆ-ਜੁਲਿਆ ਕਾਰੋਬਾਰ ਦੇਖਣ ਨੂੰ ਮਿਲਿਆ ਹੈ। ਸੈਂਸੈਕਸ ਨੇ ਵਾਧੇ ਨਾਲ ਸ਼ੁਰੂਆਤ ਕਰਨ ਤੋਂ ਬਾਅਦ ਕਲੋਜ਼ਿੰਗ ਕਮਜ਼ੋਰ ਕੀਤੀ। ਸੈਂਸੈਕਸ  32.81 ਅੰਕ ਭਾਵ 0.04% ਵਧ ਕੇ 78,017.19 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 10 ਸਟਾਕ ਵਾਧੇ ਨਾਲ ਅਤੇ 20 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।

ਦੂਜੇ ਪਾਸੇ ਨਿਫਟੀ 'ਚ ਕਰੀਬ 52.20 ਅੰਕ ਭਾਵ 0.22% ਦੀ ਗਿਰਾਵਟ ਦੇਖਣ ਨੂੰ ਮਿਲੀ ਅਤੇ ਇਹ 23,606.15 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 34 ਡਿੱਗ ਕੇ ਬੰਦ ਹੋਏ। ਨਿਫਟੀ ਦੇ ਕੰਜ਼ਿਊਮਰ ਡਿਊਰੇਬਲਸ, ਮੀਡੀਆ, ਮੈਟਲ ਫਾਰਮਾ ਅਤੇ ਆਇਲ ਐਂਡ ਗੈਸ 'ਚ ਕਰੀਬ 2 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ। ਨਿਫਟੀ ਦੇ ਕੁੱਲ 2,998 ਸਟਾਕ ਵਿਚੋਂ 674 ਸਟਾਕ ਵਾਧੇ ਨਾਲ , 2258 ਸਟਾਕ ਗਿਰਾਵਟ ਨਾਲ ਅਤੇ 66 ਸਟਾਕ ਸਥਿਰ ਕਾਰੋਬਾਰ ਕਰਦੇ ਦੇਖੇ ਗਏ।  24 ਮਾਰਚ ਨੂੰ, ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 3,055.76 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ ਅਤੇ ਘਰੇਲੂ ਨਿਵੇਸ਼ਕਾਂ (DIIs) ਨੇ 98.54 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।

ਬਜਾਜ ਫਿਨਸਰਵ 2.16%, ਅਲਟਰਾਟੈਕ ਸੀਮੈਂਟ 3.32% ਅਤੇ ਇਨਫੋਸਿਸ 1.71% ਵਧੇ। ਜ਼ੋਮੈਟੋ (5.57%), ਇੰਡਸਇੰਡ ਬੈਂਕ (5.09%) ਅਤੇ ਅਡਾਨੀ ਪੋਰਟਸ (1.89%) ਡਿੱਗ ਕੇ ਬੰਦ ਹੋਏ।

ਗਲੋਬਲ ਬਾਜ਼ਾਰਾਂ ਦਾ ਹਾਲ

ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਨਿੱਕੇਈ 0.73%, ਹਾਂਗਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 2.04% ਅਤੇ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.15% ਹੇਠਾਂ ਹੈ।
24 ਮਾਰਚ ਨੂੰ ਅਮਰੀਕਾ ਦਾ ਡਾਓ ਜੋਂਸ 1.42 ਫੀਸਦੀ ਵਧ ਕੇ 42,583 'ਤੇ ਬੰਦ ਹੋਇਆ। Nasdaq ਕੰਪੋਜ਼ਿਟ 2.27% ਅਤੇ S&P 500 ਇੰਡੈਕਸ 1.76% ਵਧਿਆ।

ਬੀਤੇ ਦਿਨ ਸ਼ੇਅਰ ਬਾਜ਼ਾਰ ਦਾ ਹਾਲ

ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਯਾਨੀ ਸੋਮਵਾਰ (24 ਮਾਰਚ) ਨੂੰ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਦੇਖਣ ਨੂੰ ਮਿਲੀ। ਸੈਂਸੈਕਸ 1078 ਅੰਕ (1.40%) ਦੇ ਵਾਧੇ ਨਾਲ 77,984 'ਤੇ ਬੰਦ ਹੋਇਆ। ਨਿਫਟੀ 307 ਅੰਕ (1.32%) ਵਧ ਕੇ 23,658 'ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 24 'ਚ ਤੇਜ਼ੀ ਰਹੀ।

ਕੋਟਕ ਮਹਿੰਦਰਾ ਬੈਂਕ 4.63%, NTPC 4.51%, SBI 3.75%, ਟੈਕ ਮਹਿੰਦਰਾ 3.54% ਅਤੇ ਪਾਵਰ ਗਰਿੱਡ 3.27% ਸਭ ਤੋਂ ਵੱਧ ਲਾਭਕਾਰੀ ਸਨ। ਜਦੋਂ ਕਿ ਨਿਫਟੀ ਪੀਐਸਯੂ ਬੈਂਕ ਇੰਡੈਕਸ 3.18%, ਪ੍ਰਾਈਵੇਟ ਬੈਂਕ 2.42%, ਰਿਐਲਟੀ 1.53%, ਤੇਲ ਅਤੇ ਗੈਸ 1.46% ਅਤੇ ਵਿੱਤੀ ਸੇਵਾਵਾਂ ਸੂਚਕਾਂਕ 1.89% ਵਧਿਆ।