ਮਾਮੂਲੀ ਗਿਰਾਵਟ ਨਾਲ ਖੁੱਲ੍ਹਿਆ ਸ਼ੇਅਰ ਬਾਜ਼ਾਰ, ਨਿਫਟੀ 23,700 ਦੇ ਪੱਧਰ ''ਤੇ
Monday, Dec 30, 2024 - 10:04 AM (IST)
ਮੁੰਬਈ - ਸੋਮਵਾਰ (30 ਦਸੰਬਰ) ਨੂੰ ਸ਼ੇਅਰ ਬਾਜ਼ਾਰਾਂ ਦੀ ਸ਼ੁਰੂਆਤ ਮਾਮੂਲੀ ਗਿਰਾਵਟ ਨਾਲ ਹੋਈ। ਬੈਂਚਮਾਰਕ ਸੂਚਕਾਂਕ ਗਿਰਾਵਟ ਦੇ ਨਾਲ ਖੁੱਲ੍ਹੇ, ਜਿਸ ਤੋਂ ਬਾਅਦ ਇਹ ਗਿਰਾਵਟ ਥੋੜੀ ਘੱਟ ਹੁੰਦੀ ਨਜ਼ਰ ਆਈ। ਕਾਰੋਬਾਰ ਸ਼ੁਰੂ ਹੋਣ ਤੋਂ ਬਾਅਦ ਅਡਾਨੀ ਸਟਾਕਸ 'ਚ ਤੇਜ਼ੀ ਦਰਜ ਕੀਤੀ ਗਈ। ਅਡਾਨੀ ਇੰਟਰਪ੍ਰਾਈਜ਼ ਢਾਈ ਫੀਸਦੀ ਚੜ੍ਹਿਆ ਸੀ। ਅਡਾਨੀ ਪੋਰਟਸ 'ਚ ਵੀ 0.73 ਫੀਸਦੀ ਦੀ ਤੇਜ਼ੀ ਰਹੀ।
ਟਾਪ ਗੇਨਰਸ
ਨਿਫਟੀ 'ਤੇ ਭਾਰਤੀ ਏਅਰਟੈੱਲ, ਨੇਸਲੇ ਇੰਡੀਆ, ਹੀਰੋ ਮੋਟੋਕਾਰਪ ਟਾਪ ਗੇਨਰਸ ਹਨ।
ਟਾਪ ਲੂਜ਼ਰਸ
ਇਸ ਦੌਰਾਨ ਐਚਡੀਐਫਸੀ ਲਾਈਫ, ਟਾਟਾ ਸਟੀਲ, ਜੇਐਸਡਬਲਯੂ ਸਟੀਲ, ਹਿੰਡਾਲਕੋ, ਬੀਪੀਸੀਐਲ ਸਭ ਤੋਂ ਵੱਧ ਘਾਟੇ ਵਾਲੇ ਸਨ।
ਅੱਜ ਗਲੋਬਲ ਬਾਜ਼ਾਰਾਂ ਤੋਂ ਕਮਜ਼ੋਰ ਸੰਕੇਤ ਮਿਲ ਰਹੇ ਹਨ। ਪ੍ਰੀ-ਓਪਨਿੰਗ 'ਚ ਵੀ ਬਾਜ਼ਾਰ ਮਾਮੂਲੀ ਗਿਰਾਵਟ ਨਾਲ ਖੁੱਲ੍ਹਣ ਦੇ ਸੰਕੇਤ ਮਿਲੇ ਹਨ। ਇਹ ਸਾਲ ਦਾ ਆਖਰੀ ਹਫ਼ਤਾ ਹੈ। ਅਜਿਹੇ 'ਚ ਬਾਜ਼ਾਰ 'ਚ ਕੁਝ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲ ਸਕਦੇ ਹਨ।
ਗਲੋਬਲ ਬਾਜ਼ਾਰਾਂ ਤੋਂ ਅਪਡੇਟਸ
ਉਥਲ-ਪੁਥਲ ਵਿਚਾਲੇ ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਗਿਰਾਵਟ 'ਤੇ ਬੰਦ ਹੋਏ। ਲਗਾਤਾਰ 5 ਦਿਨ ਚੜ੍ਹਨ ਤੋਂ ਬਾਅਦ, ਡਾਓ 325 ਅੰਕ ਡਿੱਗ ਗਿਆ ਜਦੋਂ ਕਿ ਤਕਨੀਕੀ ਸਟਾਕਾਂ ਵਿੱਚ ਭਾਰੀ ਬਿਕਵਾਲੀ ਦੇ ਕਾਰਨ ਨੈਸਡੈਕ 300 ਅੰਕਾਂ ਦੀ ਗਿਰਾਵਟ ਦੇਖਣ ਨੂੰ ਮਿਲੀ। GIFT ਨਿਫਟੀ 24000 ਦੇ ਨੇੜੇ ਸਪਾਟ ਹੈ...ਡਾਓ ਫਿਊਚਰਜ਼ 70 ਅੰਕ ਹੇਠਾਂ ਜਦੋਂ ਕਿ ਨਿੱਕੇਈ ਲਗਭਗ 300 ਅੰਕ ਹੇਠਾਂ ਸੀ। ਕੱਚਾ ਤੇਲ ਇਕ ਫੀਸਦੀ ਵਧ ਕੇ 74 ਡਾਲਰ ਦੇ ਨੇੜੇ ਸੀ। ਸੋਨਾ 15 ਡਾਲਰ ਡਿੱਗ ਕੇ 2640 ਡਾਲਰ ਅਤੇ ਚਾਂਦੀ ਡੇਢ ਫੀਸਦੀ ਡਿੱਗ ਕੇ 30 ਡਾਲਰ ਤੋਂ ਹੇਠਾਂ ਆ ਗਈ। ਘਰੇਲੂ ਬਾਜ਼ਾਰ 'ਚ ਚਾਂਦੀ 3500 ਰੁਪਏ ਡਿੱਗ ਕੇ 88,900 ਰੁਪਏ ਤੋਂ ਹੇਠਾਂ ਆ ਗਈ। ਦੂਜੇ ਪਾਸੇ ਲਗਾਤਾਰ ਡਿੱਗ ਰਹੇ ਰੁਪਏ ਅਤੇ ਐੱਫ.ਆਈ.ਆਈ ਦੀ ਵਿਕਰੀ ਕਾਰਨ ਦੇਸ਼ ਦਾ ਵਿਦੇਸ਼ੀ ਮੁਦਰਾ ਭੰਡਾਰ ਸੱਤ ਮਹੀਨਿਆਂ ਦੇ ਹੇਠਲੇ ਪੱਧਰ 'ਤੇ ਪਹੁੰਚ ਗਿਆ ਹੈ। 20 ਦਸੰਬਰ ਦੇ ਹਫ਼ਤੇ ਵਿੱਚ ਇਹ 653 ਬਿਲੀਅਨ ਡਾਲਰ ਤੋਂ ਘਟ ਕੇ 644 ਬਿਲੀਅਨ ਡਾਲਰ ਰਹਿ ਗਿਆ।
