5 ਮਹੀਨਿਆਂ ''ਚ 9100000000000 ਰੁਪਏ ਡੁੱਬੇ, ਫਰਵਰੀ ਬਣਿਆ ਕਾਲ, ਕੀ ਕਹਿੰਦੇ ਹਨ ਮਾਹਰ

ਬਿਜ਼ਨੈੱਸ ਡੈਸਕ — ਫਰਵਰੀ ਦੇ ਆਖਰੀ ਕਾਰੋਬਾਰੀ ਦਿਨ ਵੀ ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ ਦੇਖਣ ਨੂੰ ਮਿਲੀ। ਸ਼ੇਅਰ ਬਾਜ਼ਾਰ 'ਚ ਲਗਾਤਾਰ ਪੰਜਵੇਂ ਮਹੀਨੇ ਗਿਰਾਵਟ ਦਰਜ ਕੀਤੀ ਗਈ ਹੈ। ਸਾਲ 1996 ਵਿੱਚ ਇਸਦੀ ਰਸਮੀ ਸ਼ੁਰੂਆਤ ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਨਿਫਟੀ ਵਿੱਚ ਲਗਾਤਾਰ ਪੰਜ ਮਹੀਨਿਆਂ ਤੱਕ ਗਿਰਾਵਟ ਆਈ ਹੈ। ਸਤੰਬਰ ਦੇ ਅੰਤ ਤੋਂ ਲੈ ਕੇ ਹੁਣ ਤੱਕ ਬਾਜ਼ਾਰ 'ਚ ਗਿਰਾਵਟ ਦਾ ਰੁਝਾਨ ਰਿਹਾ ਹੈ ਅਤੇ ਇਸ ਦੌਰਾਨ ਨਿਵੇਸ਼ਕਾਂ ਨੂੰ 91.13 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਜੇਕਰ ਅਸੀਂ ਇਤਿਹਾਸ 'ਤੇ ਨਜ਼ਰ ਮਾਰੀਏ ਤਾਂ ਨਿਫਟੀ ਚਾਰ ਜਾਂ ਇਸ ਤੋਂ ਵੱਧ ਮਹੀਨਿਆਂ ਲਈ ਸਿਰਫ ਛੇ ਵਾਰ ਡਿੱਗਿਆ ਹੈ। ਸਭ ਤੋਂ ਲੰਬੀ ਗਿਰਾਵਟ ਸਤੰਬਰ 1994 ਅਤੇ ਅਪ੍ਰੈਲ 1995 ਦੇ ਵਿਚਕਾਰ ਦੇਖੀ ਗਈ ਸੀ। ਫਿਰ ਨਿਫਟੀ ਲਗਾਤਾਰ ਅੱਠ ਮਹੀਨਿਆਂ ਤੱਕ ਡਿੱਗਿਆ ਸੀ ਅਤੇ 31.4% ਤੱਕ ਹੇਠਾਂ ਆਇਆ ਸੀ।

ਇਹ ਵੀ ਪੜ੍ਹੋ :     ਸਿਰਫ਼ 11 ਰੁਪਏ 'ਚ ਫਲਾਈਟ ਦੀ ਟਿਕਟ! ਸਸਤੇ 'ਚ ਪਰਿਵਾਰ ਨਾਲ ਘੁੰਮਣ ਜਾਣ ਦਾ ਸੁਨਹਿਰੀ ਮੌਕਾ

ਫਰਵਰੀ ਦੀ ਮਿਆਦ ਬਣ ਗਈ ਕਾਲ

ਭਾਵੇਂ ਸ਼ੇਅਰ ਬਾਜ਼ਾਰ ਵਿਚ ਇਹ ਹਫੜਾ-ਦਫੜੀ ਅਕਤੂਬਰ ਤੋਂ ਚੱਲ ਰਹੀ ਹੈ ਪਰ ਫਰਵਰੀ ਦਾ ਮਹੀਨਾ ਸ਼ੇਅਰ ਬਾਜ਼ਾਰ ਦਾ ਕਾਲ ਬਣ ਕੇ ਸਾਬਤ ਹੋਇਆ ਹੈ। ਇਕੱਲੇ ਫਰਵਰੀ ਮਹੀਨੇ ਵਿਚ ਹੀ ਕਰੀਬ 4000679.68 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਬੀਐਸਈ ਦਾ 31 ਜਨਵਰੀ ਨੂੰ ਮਾਰਕੀਟ ਕੈਪ 4,24,02,091.54 ਲੱਖ ਕਰੋੜ ਰੁਪਏ ਸੀ। 28 ਫਰਵਰੀ ਨੂੰ ਬਾਜ਼ਾਰ ਬੰਦ ਹੋਣ ਤੱਕ 3,84,01,411.86 ਕਰੋੜ ਰੁਪਏ ਦਾ ਨੁਕਸਾਨ ਹੋ ਚੁੱਕਾ ਸੀ।

ਇਹ ਵੀ ਪੜ੍ਹੋ :     7ਵਾਂ ਤਨਖਾਹ ਕਮਿਸ਼ਨ: ਕੇਂਦਰੀ ਕਰਮਚਾਰੀਆਂ ਦੀ ਹੋ ਗਈ ਬੱਲੇ-ਬੱਲੇ, ਸਰਕਾਰ ਨੇ ਕੀਤਾ ਵੱਡੇ ਪੈਕੇਜ ਦਾ ਐਲਾਨ

5 ਮਹੀਨਿਆਂ ਦੀ ਸਥਿਤੀ

ਅਕਤੂਬਰ ਤੋਂ ਜਨਵਰੀ ਤੱਕ ਮਾਰਕੀਟ ਦੀ ਗਤੀ ਕਿਵੇਂ ਰਹੀ? ਜੇਕਰ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਜਨਵਰੀ ਮਹੀਨੇ 'ਚ 17,93,014.9 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਦਸੰਬਰ 'ਚ ਨਿਵੇਸ਼ਕਾਂ ਨੂੰ 4,73,543.92 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਨਵੰਬਰ ਦੀ ਗੱਲ ਕਰੀਏ ਤਾਂ ਇਹ ਇਕਲੌਤਾ ਮਹੀਨਾ ਸੀ ਜਿੱਥੇ ਨਿਵੇਸ਼ਕਾਂ ਨੇ ਲਗਭਗ 1,97,220.44 ਲੱਖ ਕਰੋੜ ਰੁਪਏ ਦਾ ਮੁਨਾਫਾ ਕਮਾਇਆ। ਫਰਵਰੀ ਤੋਂ ਬਾਅਦ ਸਭ ਤੋਂ ਮਾੜਾ ਮਹੀਨਾ ਅਕਤੂਬਰ ਸੀ। ਅਕਤੂਬਰ ਵਿੱਚ ਬੀਐਸਈ ਦਾ ਮਾਰਕੀਟ ਕੈਪ 29,63,707.23 ਲੱਖ ਕਰੋੜ ਰੁਪਏ ਘਟਿਆ ਹੈ। 1996 ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਬਾਜ਼ਾਰ 'ਚ ਲਗਾਤਾਰ 5 ਮਹੀਨਿਆਂ ਤੋਂ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਤੋਂ ਪਹਿਲਾਂ ਸਾਲ 1996 ਵਿਚ ਬਾਜ਼ਾਰ ਦੀ ਅਜਿਹੀ ਹਾਲਤ ਦੇਖਣ ਨੂੰ ਮਿਲੀ ਸੀ।

ਇਹ ਵੀ ਪੜ੍ਹੋ :     ਖ਼ਸਤਾ ਹਾਲਤ ਸੜਕਾਂ ਲਈ ਨਹੀਂ ਵਸੂਲਿਆ ਜਾ ਸਕਦਾ ਟੋਲ ਟੈਕਸ... ਹਾਈਕੋਰਟ ਦਾ ਵੱਡਾ ਫੈਸਲਾ

ਮਾਹਰ ਕੀ ਕਹਿੰਦੇ ਹਨ

ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਗਿਰਾਵਟ 'ਚ ਚੀਨ ਦੀ ਭੂਮਿਕਾ ਵੀ ਅਹਿਮ ਹੈ। BofA ਸਕਿਓਰਿਟੀਜ਼ ਨੇ ਕਿਹਾ ਕਿ ਪਿਛਲੇ ਮਹੀਨੇ ਭਾਰੀ ਗਿਰਾਵਟ ਤੋਂ ਬਾਅਦ ਚੀਨੀ ਬਾਜ਼ਾਰ 'ਚ ਨਿਵੇਸ਼ ਵਧਿਆ ਹੈ, ਜਦਕਿ ਭਾਰਤੀ ਬਾਜ਼ਾਰ 'ਚ ਵਿਦੇਸ਼ੀ ਨਿਵੇਸ਼ਕਾਂ ਦਾ ਨਿਵੇਸ਼ ਦੋ ਸਾਲਾਂ 'ਚ ਸਭ ਤੋਂ ਹੇਠਲੇ ਪੱਧਰ 'ਤੇ ਆ ਗਿਆ ਹੈ। ਅਕਤੂਬਰ 2024 ਤੋਂ, ਭਾਰਤ ਦੀ ਮਾਰਕੀਟ ਕੈਪ 1 ਟ੍ਰਿਲੀਅਨ ਡਾਲਰ ਘਟੀ ਹੈ, ਜਦੋਂ ਕਿ ਚੀਨ ਦੀ 2 ਟ੍ਰਿਲੀਅਨ ਡਾਲਰ ਵਧੀ ਹੈ। ਨਿਫਟੀ ਦੀ 1.55 ਫੀਸਦੀ ਦੀ ਗਿਰਾਵਟ ਦੇ ਉਲਟ ਚੀਨ ਦਾ ਹੈਂਗ ਸੇਂਗ ਇੰਡੈਕਸ ਸਿਰਫ ਇਕ ਮਹੀਨੇ ਵਿਚ 18.7 ਫੀਸਦੀ ਵਧਿਆ ਹੈ। ਬਾਜ਼ਾਰ ਮਾਹਰਾਂ ਦਾ ਮੰਨਣਾ ਹੈ ਕਿ ਬਾਜ਼ਾਰ ਇਸ ਸਮੇਂ ਸੁਧਾਰ ਦੇ ਮੋਡ 'ਤੇ ਹਨ, ਇਸ ਲਈ ਕੋਈ ਵੀ ਨਵਾਂ ਨਿਵੇਸ਼ ਕਰਨ ਤੋਂ ਪਹਿਲਾਂ, ਕੰਪਨੀ ਦੇ ਬੁਨਿਆਦੀ ਤੱਤਾਂ ਦੀ ਚੰਗੀ ਤਰ੍ਹਾਂ ਜਾਂਚ ਕਰੋ ਅਤੇ ਆਪਣੇ ਮਾਹਰਾਂ ਦੀ ਸਲਾਹ ਲੈ ਕੇ ਹੀ ਨਿਵੇਸ਼ ਕਰੋ।

ਇਹ ਵੀ ਪੜ੍ਹੋ :      ਧੜੰਮ ਡਿੱਗਾ ਸੋਨਾ, ਆਲ ਟਾਈਮ ਹਾਈ ਤੋਂ ਟੁੱਟੀਆਂ ਕੀਮਤਾਂ, ਭਾਰਤ 'ਚ ਹੋ ਸਕਦੈ 2700 ਰੁਪਏ ਤੱਕ ਸਸਤਾ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8