PNB ਨੇ ਦਿੱਤਾ ਕਰੋੜਾਂ ਖ਼ਾਤਾਧਾਰਕਾਂ ਨੂੰ ਝਟਕਾ, ਕਰਜ਼ਾ ਕੀਤਾ ਮਹਿੰਗਾ, ਜਾਣੋ ਕਿੰਨਾ ਹੋਇਆ ਵਾਧਾ

ਨਵੀਂ ਦਿੱਲੀ - ਦੇਸ਼ ਦੇ ਸਭ ਤੋਂ ਵੱਡੇ ਜਨਤਕ ਖੇਤਰ ਦੇ ਬੈਂਕਾਂ ਵਿੱਚੋਂ ਇੱਕ ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਪਹਿਲੀ ਅਗਸਤ ਨੂੰ ਕਰੋੜਾਂ ਗਾਹਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਬੈਂਕ ਨੇ ਕਰਜ਼ੇ ਦੀਆਂ ਵਿਆਜ ਦਰਾਂ ਵਿੱਚ ਵਾਧਾ ਕਰਨ ਦਾ ਐਲਾਨ ਕੀਤਾ ਹੈ। ਨਵੀਆਂ ਦਰਾਂ ਅੱਜ ਯਾਨੀ 1 ਅਗਸਤ ਤੋਂ ਲਾਗੂ ਹੋ ਗਈਆਂ ਹਨ। ਬੈਂਕ ਨੇ ਫੰਡ ਆਧਾਰਿਤ ਉਧਾਰ ਦਰਾਂ (MCRL) ਦੀ ਸੀਮਾਂਤ ਲਾਗਤ ਵਿੱਚ 0.05% ਦਾ ਵਾਧਾ ਕੀਤਾ ਹੈ। ਇਸ ਤਹਿਤ 1 ਸਾਲ ਦੀ MCLR 8.90% ਹੋ ਗਈ ਹੈ।

PNB ਦੇ MCLR ਵਿੱਚ ਬਦਲਾਅ

ਪੀਰੀਅਡ                   ਪੁਰਾਣੀਆਂ ਦਰਾਂ                           ਨਵੀਆਂ ਦਰਾਂ

ਓਵਰਨਾਈਟ                 8.25%                                      8.30%
1 ਮਹੀਨਾ                     8.30%                                      8.35%
3 ਮਹੀਨੇ                       8.50%                                     8.55%
6 ਮਹੀਨੇ                       8.70%                                     8.75%
1 ਸਾਲ                         8.85%                                     8.90%
3 ਸਾਲ                         9.15%                                      9.20%

MCLR ਘੱਟੋ-ਘੱਟ ਵਿਆਜ ਦਰ ਹੈ ਜਿਸ 'ਤੇ ਬੈਂਕ ਕਰਜ਼ਾ ਦਿੰਦਾ ਹੈ। ਇਸਦੀ ਗਣਨਾ ਕਈ ਕਾਰਕਾਂ 'ਤੇ ਨਿਰਭਰ ਕਰਦੀ ਹੈ। 

ਵੱਖ-ਵੱਖ ਕਾਰਕਾਂ ਜਿਵੇਂ ਫੰਡ ਜੀ ਸੀਮਾਂਤ ਲਾਗਤ , ਸੰਚਾਲਨ ਲਾਗਤ ਅਤੇ ਕਾਰਜਕਾਲ ਲਾਗਤ ਦੇ ਆਧਾਰ 'ਤੇ ਕੀਤੀ ਜਾਂਦੀ ਹੈ।

ਉੱਚ MCLR ਦਾ ਮਤਲਬ ਹੈ ਕਿ EMI ਜਾਂ ਲੋਨ ਦੀ ਮਿਆਦ ਵਧੇਗੀ।

ਇਨ੍ਹਾਂ ਬੈਂਕਾਂ ਨੇ ਵੀ ਵਧਾ ਦਿੱਤੀਆਂ ਹਨ ਦਰਾਂ

PNB ਤੋਂ ਪਹਿਲਾਂ SBI ਅਤੇ ਬੈਂਕ ਆਫ ਬੜੌਦਾ ਨੇ ਵੀ ਵਿਆਜ ਦਰਾਂ ਵਧਾ ਦਿੱਤੀਆਂ ਹਨ। ਬੈਂਕ ਆਫ ਬੜੌਦਾ ਨੇ MCLR 'ਚ 0.05 ਆਧਾਰ ਅੰਕ ਭਾਵ 0.05 ਫੀਸਦੀ ਦਾ ਵਾਧਾ ਕੀਤਾ ਹੈ। ਇਹ ਵਾਧਾ 9 ਜੁਲਾਈ 2024 ਤੋਂ ਲਾਗੂ ਹੋ ਗਿਆ ਹੈ। MCLR ਵਧਣ ਨਾਲ ਹੋਮ ਲੋਨ, ਕਾਰ ਲੋਨ, ਪਰਸਨਲ ਲੋਨ ਲੈਣਾ ਮਹਿੰਗਾ ਹੋ ਜਾਂਦਾ ਹੈ ਕਿਉਂਕਿ ਵਿਆਜ ਵਧਦਾ ਹੈ। ਇਸ ਤੋਂ ਇਲਾਵਾ ਤੁਹਾਡੇ ਘਰ, ਕਾਰ ਅਤੇ ਪਰਸਨਲ ਲੋਨ ਦੀ EMI ਵੀ ਵਧਦੀ ਹੈ। ਇਸ ਤੋਂ ਇਲਾਵਾ SBI ਨੇ ਦਰਾਂ 'ਚ 0.10 ਫੀਸਦੀ ਦਾ ਵਾਧਾ ਕੀਤਾ ਹੈ।

ਆਰਬੀਆਈ ਦੀਆਂ ਦਰਾਂ ਸਥਿਰ ਹਨ

ਰਿਜ਼ਰਵ ਬੈਂਕ ਯਾਨੀ RBI ਦੀ ਨੀਤੀ 6 ਅਗਸਤ ਤੋਂ ਸ਼ੁਰੂ ਹੋਵੇਗੀ, ਜਿਸ 'ਤੇ ਫੈਸਲਾ 8 ਅਗਸਤ ਨੂੰ ਲਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਜੂਨ ਪਾਲਿਸੀ ਵਿੱਚ ਦਰਾਂ ਨੂੰ ਸਥਿਰ ਰੱਖਿਆ ਗਿਆ ਸੀ। ਇਸ ਸੰਦਰਭ ਵਿੱਚ, ਰੇਪੋ ਦਰ 6.5% 'ਤੇ ਬਰਕਰਾਰ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ 8ਵੀਂ ਵਾਰ ਹੈ ਜਦੋਂ ਆਰਬੀਆਈ ਨੇ ਦਰਾਂ ਨੂੰ ਸਥਿਰ ਰੱਖਿਆ ਹੈ।