Oyo ਨੇ ਨਿਵੇਸ਼ਕਾਂ ਕੋਲੋਂ ਜੁਟਾਏ 1,457 ਕਰੋੜ

ਨਵੀਂ ਦਿੱਲੀ - ਹੋਟਲ ਕਾਰੋਬਾਰੀ ਪਲੇਟਫਾਰਮ ਓਯੋ ਦੀ ਮੂਲ ਕੰਪਨੀ ਓਰੇਵਲ ਸਟੇਜ ਲਿਮਿਟੇਡ ਨੇ ਵਿੱਤੀ ਸਹਾਇਤਾ ਦੇ ਤਾਜ਼ਾ ਦੌਰ ਵਿਚ ਨਿਵੇਸ਼ਕਾਂ ਤੋਂ 1,457 ਕਰੋੜ ਰੁਪਏ ਇਕੱਠੇ ਕੀਤੇ ਹਨ। Unicorn ਕੰਪਨੀ oyo ਆਪਣੀ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ (IPO) ਨੂੰ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਇਕ ਬਿਲੀਅਨ ਡਾਲਰ ਤੋਂ ਵੱਧ ਮੁੱਲ ਦੇ ਨਾਲ ਸਟਾਰਟਅੱਪ ਨੂੰ ਯੂਨੀਕੋਰਨ ਕਿਹਾ ਜਾਂਦਾ ਹੈ। ਕੰਪਨੀ ਨੇ ਫੰਡਿੰਗ ਦੇ ਹਾਲੀਆ 'ਸੀਰੀਜ਼ ਜੀ' ਦੌਰ ਵਿਚ ਲਗਭਗ 1,040 ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਇਸ ਤੋਂ ਪਹਿਲਾਂ ਇਸੇ ਲੜੀ ਵਿਚ 416.85 ਕਰੋੜ ਰੁਪਏ ਜੁਟਾਏ ਗਏ ਸਨ, ਜਿਸ ਤੋਂ ਬਾਅਦ ਇਹ ਪੜਾਅ ਪੂਰਾ ਹੋ ਗਿਆ ਹੈ।
ਪੀਟੀਆਈ ਰਾਹੀਂ  ਐਕਸੈਸ ਕੀਤੇ ਗਏ ਵੱਖ-ਵੱਖ ਦਸਤਾਵੇਜ਼ਾਂ ਦੇ ਅਨੁਸਾਰ, 8 ਅਗਸਤ ਨੂੰ ਹੋਈ ਅਸਧਾਰਨ ਜਨਰਲ ਮੀਟਿੰਗ (ਈਜੀਐਮ) ਵਿੱਚ 99.99 ਫੀਸਦੀ ਸ਼ੇਅਰਧਾਰਕਾਂ ਨੇ ਵਾਧੂ ਇਕੁਇਟੀ ਜਾਰੀ ਕਰਨ ਨੂੰ ਮਨਜ਼ੂਰੀ ਦਿੱਤੀ ਸੀ। ਸੂਤਰਾਂ ਨੇ ਕਿਹਾ ਕਿ ਇਸ ਰਕਮ ਦੀ ਵਰਤੋਂ ਓਯੋ ਦੇ ਵਿਕਾਸ ਅਤੇ ਇਸ ਦੇ ਗਲੋਬਲ ਵਿਸਥਾਰ ਯੋਜਨਾਵਾਂ ਲਈ ਕੀਤੀ ਜਾਵੇਗੀ। ਇਕ ਸੂਤਰ ਨੇ ਕਿਹਾ ਕਿ ਵਾਧੂ ਫੰਡ ਜੁਟਾਉਣ ਨਾਲ ਕੰਪਨੀ ਦਾ ਮੁੱਲ $2.4 ਬਿਲੀਅਨ ਹੋ ਗਿਆ ਹੈ।