LPG ਸੰਕਟ ਦਰਮਿਆਨ ''ਆਧੁਨਿਕ ਬਾਇਓਮਾਸ ਸਟੋਵ'' ਬਣ ਰਹੇ ਵੱਡੀ ਰਾਹਤ, ਖ਼ਰਚਾ ਘਟੇਗਾ 60%

ਬਿਜ਼ਨੈੱਸ ਡੈਸਕ : ਰਸੋਈ ਗੈਸ (LPG) ਦੀਆਂ ਲਗਾਤਾਰ ਵਧਦੀਆਂ ਕੀਮਤਾਂ ਅਤੇ ਸਪਲਾਈ ਦੀ ਕਿੱਲਤ ਕਾਰਨ ਖਾਸ ਕਰਕੇ ਪੇਂਡੂ ਖੇਤਰਾਂ ਵਿੱਚ ਲੋਕ ਮੁੜ ਬਾਲਣ ਵਾਲੀ ਲੱਕੜ ਵੱਲ ਮੁੜ ਰਹੇ ਹਨ। ਪਰ ਹੁਣ ਰਵਾਇਤੀ ਚੁੱਲ੍ਹਿਆਂ ਦੀ ਧੂੰਏਂ ਵਾਲੀ ਸਮੱਸਿਆ ਦਾ ਹੱਲ 'ਆਧੁਨਿਕ ਬਾਇਓਮਾਸ ਸਟੋਵ' (Improved Cookstoves - ICS) ਦੇ ਰੂਪ ਵਿੱਚ ਸਾਹਮਣੇ ਆਇਆ ਹੈ, ਜੋ ਨਾ ਸਿਰਫ਼ ਪ੍ਰਦੂਸ਼ਣ ਘਟਾਉਂਦੇ ਹਨ, ਸਗੋਂ ਜੇਬ 'ਤੇ ਵੀ ਭਾਰ ਨਹੀਂ ਪਾਉਂਦੇ ਹਨ।

ਇਹ ਵੀ ਪੜ੍ਹੋ :    ਕਰਮਚਾਰੀਆਂ ਨੂੰ ਲੱਗੇਗਾ ਝਟਕਾ! ਅਪ੍ਰੈਲ ਮਹੀਨੇ ਤੋਂ ਘਟ ਕੇ ਆਵੇਗੀ ਤੁਹਾਡੀ ਸੈਲਰੀ, ਜਾਣੋ ਕਾਰਨ

ਰਵਾਇਤੀ ਚੁੱਲ੍ਹਿਆਂ ਨਾਲੋਂ ਕਿਉਂ ਬਿਹਤਰ ਹਨ ਇਹ ਸਟੋਵ?

ਜਿੱਥੇ ਪੁਰਾਣੇ ਮਿੱਟੀ ਦੇ ਚੁੱਲ੍ਹੇ ਸਿਰਫ਼ 10% ਊਰਜਾ ਦੀ ਵਰਤੋਂ ਕਰ ਪਾਉਂਦੇ ਹਨ, ਉੱਥੇ ਹੀ ਇਹ ਆਧੁਨਿਕ ਸਟੋਵ 38% ਤੋਂ 45% ਤੱਕ ਕੁਸ਼ਲਤਾ (Efficiency) ਦਿੰਦੇ ਹਨ। ਇਹਨਾਂ ਵਿੱਚ 'ਸੈਕੰਡਰੀ ਐਰੇਸ਼ਨ' ਵਰਗੀ ਤਕਨੀਕ ਦੀ ਵਰਤੋਂ ਕੀਤੀ ਗਈ ਹੈ, ਜੋ ਹਾਨੀਕਾਰਕ ਗੈਸਾਂ ਅਤੇ ਕਾਲਖ ਨੂੰ ਧੂੰਏਂ ਵਿੱਚ ਬਦਲਣ ਤੋਂ ਪਹਿਲਾਂ ਹੀ ਖ਼ਤਮ ਕਰ ਦਿੰਦੀ ਹੈ। ਇਸ ਨਾਲ ਜਿੱਥੇ ਲੱਕੜ ਦੀ ਵਰਤੋਂ 50% ਤੋਂ ਵੀ ਘੱਟ ਰਹਿ ਜਾਂਦੀ ਹੈ, ਉੱਥੇ ਹੀ ਧੂੰਏਂ ਵਿੱਚ ਵੀ ਭਾਰੀ ਕਮੀ ਆਉਂਦੀ ਹੈ।

ਇਹ ਵੀ ਪੜ੍ਹੋ :    100-200-500 ਦੇ ਨੋਟਾਂ ਨੂੰ ਲੈ ਕੇ ਵੱਡਾ ਅਪਡੇਟ, RBI ਨੇ ਤਿਆਰ ਕੀਤਾ ਮਾਸਟਰ ਪਲਾਨ

ਖ਼ਰਚੇ ਵੀ ਘਟੇਗਾ 60% 

ਮਾਹਿਰਾਂ ਅਨੁਸਾਰ, ਜੇਕਰ LPG ਦੀ ਕੀਮਤ 100 ਰੁਪਏ ਪ੍ਰਤੀ ਕਿੱਲੋ ਤੋਂ ਉੱਪਰ ਹੈ ਅਤੇ ਬਾਲਣ ਵਾਲੀ ਲੱਕੜ 10 ਰੁਪਏ ਪ੍ਰਤੀ ਕਿੱਲੋ ਮਿਲਦੀ ਹੈ, ਤਾਂ ਆਧੁਨਿਕ ਸਟੋਵ ਦੀ ਵਰਤੋਂ ਨਾਲ ਖ਼ਰਚੇ ਵਿੱਚ 60% ਤੋਂ ਵੱਧ ਦੀ ਬੱਚਤ ਕੀਤੀ ਜਾ ਸਕਦੀ ਹੈ।

ਇਹ ਵੀ ਪੜ੍ਹੋ :   Gold ਦੀਆਂ ਕੀਮਤਾਂ ਨੂੰ ਲੈ ਕੇ ਵੱਡੀ ਭਵਿੱਖਬਾਣੀ: ਟੁੱਟ ਸਕਦਾ ਹੈ 46 ਸਾਲਾਂ ਦਾ ਰਿਕਾਰਡ, ਜਾਣੋ ਕੀ ਹੈ ਨਵਾਂ ਟਾਰਗੇਟ

ਘਰੇਲੂ ਮਾਡਲ ਦੀ ਕੀਮਤ: 2,000 ਰੁਪਏ ਤੋਂ ਸ਼ੁਰੂ

ਕਮਰਸ਼ੀਅਲ ਸਿਸਟਮ: 20,000 ਰੁਪਏ ਤੱਕ

ਘੱਟ ਆਮਦਨ ਵਾਲੇ ਪਰਿਵਾਰਾਂ ਲਈ ਮਾਈਕ੍ਰੋਫਾਇਨਾਂਸ ਅਤੇ ਕਾਰਬਨ ਕ੍ਰੈਡਿਟ ਵਰਗੀਆਂ ਸਹੂਲਤਾਂ ਰਾਹੀਂ ਇਹਨਾਂ ਨੂੰ ਹੋਰ ਵੀ ਕਿਫ਼ਾਇਤੀ ਬਣਾਇਆ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ :  ਬੱਚਿਆਂ ਨੂੰ ਨਕਦ ਦੇਣ ਤੋਂ ਮਿਲੇਗਾ ਛੁਟਕਾਰਾ, ਜੇਬਖ਼ਰਚ 'ਤੇ ਵੀ ਰਹੇਗੀ ਨਜ਼ਰ, ਲਾਂਚ ਹੋਇਆ ਨਵਾਂ ਫ਼ੀਚਰ

ਬਾਲਣ ਦੇ ਕਈ ਵਿਕਲਪ

ਇਹ ਸਟੋਵ ਸਿਰਫ਼ ਲੱਕੜ ਹੀ ਨਹੀਂ, ਸਗੋਂ ਖੇਤੀਬਾੜੀ ਦੀ ਰਹਿੰਦ-ਖੂੰਹਦ, ਲੱਕੜ ਦੇ ਬੂਰੇ ਤੋਂ ਬਣੀਆਂ ਪੈਲੇਟਸ (Pellets) ਅਤੇ ਬ੍ਰਿਕੇਟਸ 'ਤੇ ਵੀ ਚੱਲ ਸਕਦੇ ਹਨ। ਇਸ ਨਾਲ ਜੰਗਲਾਂ 'ਤੇ ਦਬਾਅ ਘਟੇਗਾ ਅਤੇ ਫ਼ਸਲਾਂ ਦੀ ਰਹਿੰਦ-ਖੂੰਹਦ ਦਾ ਵੀ ਸਹੀ ਨਿਪਟਾਰਾ ਹੋ ਸਕੇਗਾ।

ਇਹ ਵੀ ਪੜ੍ਹੋ :  ਵਿਦੇਸ਼ਾਂ ਤੋਂ ਪੈਸਾ ਮੰਗਵਾਉਣ ਵਾਲਿਆਂ ਲਈ ਵੱਡੀ ਖੁਸ਼ਖਬਰੀ, RBI ਨੇ ਨਿਯਮਾਂ 'ਚ ਕੀਤਾ ਵੱਡਾ ਬਦਲਾਅ

ਵੱਡੇ ਪੱਧਰ 'ਤੇ ਅਪਣਾਉਣ ਦੀ ਲੋੜ

ਇਹਨਾਂ ਸਟੋਵ ਨੂੰ ਅਪਣਾਉਣ ਲਈ ਕਿਸੇ ਵੱਡੇ ਬੁਨਿਆਦੀ ਢਾਂਚੇ ਦੀ ਲੋੜ ਨਹੀਂ ਹੈ ਕਿਉਂਕਿ ਬਾਲਣ ਪਹਿਲਾਂ ਹੀ ਪਿੰਡਾਂ ਵਿੱਚ ਮੌਜੂਦ ਹੈ। ਲੋੜ ਸਿਰਫ਼ ਲੋਕਾਂ ਨੂੰ ਜਾਗਰੂਕ ਕਰਨ ਅਤੇ ਵਧੀਆ ਡਿਸਟ੍ਰੀਬਿਊਸ਼ਨ ਨੈੱਟਵਰਕ ਬਣਾਉਣ ਦੀ ਹੈ।
ਜੇਕਰ ਇਹ ਸਟੋਵ ਘਰ-ਘਰ ਪਹੁੰਚਦੇ ਹਨ, ਤਾਂ ਇਹ ਔਰਤਾਂ ਦੀ ਸਿਹਤ ਸੁਧਾਰਨ ਅਤੇ ਵਾਤਾਵਰਣ ਨੂੰ ਬਚਾਉਣ ਵਿੱਚ ਇੱਕ ਇਨਕਲਾਬੀ ਕਦਮ ਸਾਬਤ ਹੋ ਸਕਦੇ ਹਨ।

ਇਹ ਵੀ ਪੜ੍ਹੋ :  ਜਾਣੋ 1 ਲੱਖ ਦੀ ਚਾਂਦੀ 'ਤੇ ਕਿੰਨਾ ਮਿਲ ਸਕਦੈ Loan , ਕੀ ਹਨ ਸ਼ਰਤਾਂ ਤੇ ਨਿਯਮ

ਇਹ ਵੀ ਪੜ੍ਹੋ :  ਪੈਟਰੋਲ-ਡੀਜ਼ਲ ਤੋਂ ਲੈ ਕੇ LPG ਤੱਕ ਲਏ ਗਏ ਕਈ ਵੱਡੇ ਫੈਸਲੇ; ਜਾਣੋ ਹੁਣ ਕਿਵੇਂ ਮਿਲੇਗਾ ਸਸਤਾ ਤੇ ਸੌਖਾ ਗੈਸ ਸਿਲੰਡਰ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt