ਕੋਰੀਆਈ ਬਾਜ਼ਾਰ ’ਚ ਹਾਹਾਕਾਰ! ਗਿਰਾਵਟ ਅਜਿਹੀ ਕਿ 20 ਮਿੰਟ ਤੱਕ ਰੋਕਣੀ ਪਈ ਟ੍ਰੇਡਿੰਗ

ਬਿਜ਼ਨੈੱਸ ਡੈਸਕ - ਦੱਖਣੀ ਕੋਰੀਆ ਦਾ ਸ਼ੇਅਰ ਬਾਜ਼ਾਰ ਮੰਗਲਵਾਰ ਨੂੰ ਬੁਰੀ ਤਰ੍ਹਾਂ ਟੁੱਟ ਗਿਆ। ਦੇਸ਼ ਦਾ ਪ੍ਰਮੁੱਖ ਸ਼ੇਅਰ ਸੂਚਕ ਅੰਕ ਕੋਸਪੀ ਇਕ ਸਮੇਂ 8 ਫੀਸਦੀ ਤੱਕ ਡਿੱਗ ਗਿਆ, ਜਿਸ ਤੋਂ ਬਾਅਦ ਟ੍ਰੇਡਿੰਗ ਨੂੰ ਪੂਰੇ ਬਾਜ਼ਾਰ ’ਚ 20 ਮਿੰਟ ਲਈ ਕਾਰੋਬਾਰ ਰੋਕਣਾ ਪਿਆ। ਹਾਲਾਂਕਿ, ਟ੍ਰੇਡਿੰਗ ਦੁਬਾਰਾ ਸ਼ੁਰੂ ਹੋਣ ਤੋਂ ਬਾਅਦ ਵੀ ਬਿਕਵਾਲੀ ਨਹੀਂ ਰੁਕੀ ਅਤੇ ਆਖਿਰ ’ਚ ਕੋਸਪੀ ਲੱਗਭਗ 10 ਫੀਸਦੀ ਦੀ ਗਿਰਾਵਟ ਨਾਲ ਬੰਦ ਹੋਇਆ।

ਇਹ ਵੀ ਪੜ੍ਹੋ : ਸਿਰਫ਼ 19 ਦਿਨਾਂ 'ਚ ਆਸਮਾਨ ਤੋਂ ਜ਼ਮੀਨ 'ਤੇ ਆਏ Gold-Silver ਦੇ ਭਾਅ, ਜਾਣੋ ਨਵੇਂ ਤੇ ਪੁਰਾਣੇ ਨਿਵੇਸ਼ਕ ਕੀ ਕਰਨ

ਇਹ ਗਿਰਾਵਟ ਅਜਿਹੇ ਸਮੇਂ ਆਈ ਹੈ ਜਦੋਂ ਦੱਖਣੀ ਕੋਰੀਆ ਦਾ ਬਾਜ਼ਾਰ ਪਿਛਲੇ ਇਕ ਸਾਲ ਤੋਂ ਲਗਾਤਾਰ ਰਿਕਾਰਡ ਉਚਾਈਆਂ ’ਤੇ ਪਹੁੰਚ ਰਿਹਾ ਸੀ ਪਰ ਹੁਣ ਨਿਵੇਸ਼ਕਾਂ ਨੇ ਮੁਨਾਫਾਵਸੂਲੀ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਨਾਲ ਬਾਜ਼ਾਰ ’ਚ ਭਾਰੀ ਦਬਾਅ ਦੇਖਣ ਨੂੰ ਮਿਲਿਆ।

ਬਲੂਮਬਰਗ ਦੀ ਰਿਪੋਰਟ ਦੇ ਮੁਤਾਬਕ, ਵਿਦੇਸ਼ੀ ਨਿਵੇਸ਼ਕਾਂ ਨੇ ਮੰਗਲਵਾਰ ਨੂੰ ਕਰੀਬ 5 ਟ੍ਰਿਲੀਅਨ ਵੌਨ ਦੇ ਸ਼ੇਅਰ ਵੇਚੇ। ਜਦੋਂ ਵੱਡੇ ਵਿਦੇਸ਼ੀ ਫੰਡ ਲਗਾਤਾਰ ਮੁਨਾਫ਼ਾਵਸੂਲੀ ਕਰਦੇ ਹਨ ਤਾਂ ਬਾਜ਼ਾਰ ’ਤੇ ਦਬਾਅ ਹੋਰ ਵਧ ਜਾਂਦਾ ਹੈ। ਇਸ ਨਾਲ ਨਿਵੇਸ਼ਕਾਂ ’ਚ ਵੀ ਘਬਰਾਹਟ ਫੈਲਦੀ ਹੈ ਅਤੇ ਬਿਕਵਾਲੀ ਤੇਜ਼ ਹੋ ਜਾਂਦੀ ਹੈ।

ਇਹ ਵੀ ਪੜ੍ਹੋ :  1 ਜੁਲਾਈ ਤੋਂ ਬਦਲ ਜਾਣਗੇ ਇਹ ਨਿਯਮ, ਦੇਸ਼ ਦੇ ਹਰ ਵਿਅਕਤੀ 'ਤੇ ਹੋਵੇਗਾ ਇਸ ਦਾ ਅਸਰ

ਸੈਮਸੰਗ ਅਤੇ ਐੱਸ. ਕੇ. ਹਾਈਨਿਕਸ ’ਚ ਭਾਰੀ ਗਿਰਾਵਟ

ਦੱਖਣੀ ਕੋਰੀਆ ਦੇ ਬਾਜ਼ਾਰ ’ਚ ਸਭ ਤੋਂ ਜ਼ਿਆਦਾ ਦਬਾਅ 2 ਵੱਡੀਆਂ ਕੰਪਨੀਆਂ ਸੈਮਸੰਗ ਇਲੈਕਟ੍ਰਾਨਿਕਸ ਅਤੇ ਐੱਸ. ਕੇ. ਹਾਈਨਿਕਸ ’ਤੇ ਦੇਖਣ ਨੂੰ ਮਿਲਿਆ। ਸੈਮਸੰਗ ਦਾ ਸ਼ੇਅਰ 10 ਫੀਸਦੀ ਤੋਂ ਜ਼ਿਆਦਾ ਅਤੇ ਐੱਸ. ਕੇ. ਹਾਈਨਿਕਸ 12 ਫੀਸਦੀ ਤੋਂ ਜ਼ਿਆਦਾ ਟੁੱਟ ਗਿਆ। ਇਨ੍ਹਾਂ ਦੋਵਾਂ ਕੰਪਨੀਆਂ ਦਾ ਕੋਸਪੀ ਇੰਡੈਕਸ ’ਚ ਬਹੁਤ ਵੱਡਾ ਯੋਗਦਾਨ ਹੈ।

ਅਮਰੀਕੀ ਟੈੱਕ ਸ਼ੇਅਰਾਂ ਦੀ ਕਮਜ਼ੋਰੀ ਦਾ ਵੀ ਅਸਰ

ਏਸ਼ੀਆਈ ਬਾਜ਼ਾਰਾਂ ’ਤੇ ਅਮਰੀਕੀ ਬਾਜ਼ਾਰ ਦੀ ਕਮਜ਼ੋਰੀ ਦਾ ਵੀ ਅਸਰ ਦੇਖਣ ਨੂੰ ਮਿਲਿਆ। ਸੋਮਵਾਰ ਨੂੰ ਅਮਰੀਕੀ ਟੈਕਨਾਲੋਜੀ ਸ਼ੇਅਰਾਂ ਵਾਲਾ ਨੈਸਡੈਕ ਇੰਡੈਕਸ 1.3 ਫੀਸਦੀ ਤੋਂ ਜ਼ਿਆਦਾ ਡਿੱਗਿਆ ਸੀ। ਇਸ ਤੋਂ ਇਲਾਵਾ ਨਿਵੇਸ਼ਕ ਮਾਈਕ੍ਰੋਨ ਟੈਕਨਾਲੋਜੀ ਦੇ ਨਤੀਜਿਆਂ ਦਾ ਇੰਤਜ਼ਾਰ ਕਰ ਰਹੇ ਹਨ।

ਇਹ ਵੀ ਪੜ੍ਹੋ :   ਰਿਕਾਰਡ ਹਾਈ ਤੋਂ 27% ਡਿੱਗਾ ਸੋਨਾ, ਨਿਵੇਸ਼ਕਾਂ ਨੂੰ ਭਾਰੀ ਨੁਕਸਾਨ, ਜਾਣੋ ਮਾਹਰਾਂ ਦੀ ਰਾਏ

ਸਪੇਸਐਕਸ ਕ੍ਰੈਸ਼ ਨਾਲ ਹਿੱਲਿਆ ਵਾਲ ਸਟ੍ਰੀਟ, ‘ਸੀ. ਸੀ. ਸੀ.’ ਰੇਟਿੰਗ ਮਿਲਦਿਆਂ ਹੀ ਨਿਵੇਸ਼ਕ ਘਬਰਾਏ; 50 ਲੱਖ ਕਰੋੜ ਡੁੱਬੇ

ਵਾਸ਼ਿੰਗਟਨ, (ਇੰਟ.)- ਐਲਨ ਮਸਕ ਦੀ ਕੰਪਨੀ ਸਪੇਸਐਕਸ ਦੇ ਸ਼ੇਅਰਾਂ ’ਚ ਪਿਛਲੇ ਲਗਾਤਾਰ 3 ਦਿਨਾਂ ਤੋਂ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਸੋਮਵਾਰ ਨੂੰ ਵੀ ਕੰਪਨੀ ਦੇ ਸ਼ੇਅਰ 16.4 ਫੀਸਦੀ ਤੱਕ ਕ੍ਰੈਸ਼ ਹੋ ਗਏ ਅਤੇ ਇਸ ਦੀ ਕਲੋਜ਼ਿੰਗ 154.60 ਡਾਲਰ ’ਤੇ ਹੋਈ।

ਸ਼ੇਅਰਾਂ ’ਚ ਹੋਈ ਇਸ ਭਾਰੀ ਬਿਕਵਾਲੀ ਕਰ ਕੇ ਕੰਪਨੀ ਨੂੰ ਸਿਰਫ 3 ਦਿਨਾਂ ’ਚ 600 ਅਰਬ ਡਾਲਰ (ਲੱਗਭਗ 50 ਲੱਖ ਕਰੋੜ) ਦਾ ਨੁਕਸਾਨ ਹੋਇਆ ਹੈ। 16 ਜੁਲਾਈ ਨੂੰ ਆਪਣੇ ਆਲ-ਟਾਈਮ ਹਾਈ (201.80 ਡਾਲਰ) ਨੂੰ ਛੂਹਣ ਤੋਂ ਬਾਅਦ ਇਹ ਸਟਾਕ ਆਪਣੇ ਸਭ ਤੋਂ ਉੱਚੇ ਪੱਧਰ ਤੋਂ 31.5 ਫੀਸਦੀ ਤੱਕ ਟੁੱਟ ਚੁੱਕਾ ਹੈ।

ਇਹ ਵੀ ਪੜ੍ਹੋ : ਕੇਂਦਰੀ ਮੁਲਾਜ਼ਮਾਂ ਲਈ ਖ਼ੁਸ਼ਖ਼ਬਰੀ! ਅਗਲੇ ਮਹੀਨੇ ਤੋਂ ਤਨਖਾਹਾਂ 'ਚ ਹੋਵੇਗਾ ਵਾਧਾ! ਸਰਕਾਰ ਕਰਨ ਵਾਲੀ ਹੈ ਐਲਾਨ

ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ ਕੰਪਨੀ ਦੀ ਨਵੀਂ ਬਾਂਡ ਵਿਕਰੀ ਯੋਜਨਾ ਇਸ ਦੇ ਸ਼ੇਅਰਾਂ ’ਚ ਆਈ ਗਿਰਾਵਟ ਦੀ ਸਭ ਤੋਂ ਵੱਡੀ ਵਜ੍ਹਾ ਮੰਨੀ ਜਾ ਰਹੀ ਹੈ। ਸਪੇਸਐਕਸ ਨੇ ਦੱਸਿਆ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ. ਆਈ.) ਅਤੇ ਸਪੇਸ ਰਿਲੇਟਡ ਆਪਣੇ ਵੱਡੇ ਪ੍ਰਾਜੈਕਟਾਂ ਦੀ ਫੰਡਿੰਗ ਲਈ ਉਹ 20 ਅਰਬ ਡਾਲਰ ਤੋਂ ਜ਼ਿਆਦਾ ਦਾ ਕਰਜ਼ਾ ਬਾਂਡਜ਼ ਵੇਚ ਕੇ ਜੁਟਾਉਣ ਜਾ ਰਹੀ ਹੈ।

ਕਾਰੋਬਾਰ ’ਚ ਨਿਵੇਸ਼ ਨੂੰ ਲੈ ਕੇ ਕੰਪਨੀ ਦੀ ਇਸ ਭਾਰੀ ਉਧਾਰੀ ਕਰ ਕੇ ਨਿਵੇਸ਼ਕ ਇਹ ਸੋਚ ਕੇ ਘਬਰਾ ਗਏ ਕਿ ਕੰਪਨੀ ’ਤੇ ਕਰਜ਼ੇ ਦਾ ਬੋਝ ਕਾਫੀ ਵਧ ਜਾਵੇਗਾ। ਇਸ ਦਰਮਿਆਨ ਰੇਟਿੰਗ ਏਜੰਸੀ ਐੱਮ. ਐੱਸ. ਸੀ. ਆਈ. ਨੇ ਕੰਪਨੀ ਦੇ ਕਾਰਪੋਰੇਟ ਗਵਰਨੈਂਸ ਅਤੇ ਵਾਤਾਵਰਣ ਸਬੰਧੀ ਜੋਖਮਾਂ ਨੂੰ ਦੇਖਦੇ ਹੋਏ ਇਸ ਨੂੰ ਸਭ ਤੋਂ ਹੇਠਲੀ ‘ਸੀ. ਸੀ. ਸੀ.’ ਦੀ ਰੇਟਿੰਗ ਦਿੱਤੀ ਹੈ। ਇਸ ਦੇ ਕਾਰਨ ਸ਼ੇਅਰਾਂ ’ਚ ਤੇਜ਼ੀ ਨਾਲ ਬਿਕਵਾਲੀ ਸ਼ੁਰੂ ਹੋ ਗਈ।

ਇਹ ਵੀ ਪੜ੍ਹੋ : ਲਗਾਤਾਰ 3 ਦਿਨ ਬੰਦ ਰਹਿਣ ਵਾਲੇ ਹਨ Bank, ਜਾਣੋ ਛੁੱਟੀਆਂ ਦੀ ਪੂਰੀ ਸੂਚੀ

ਵਾਲ ਸਟ੍ਰੀਟ ’ਚ ਮਚੀ ਹਫੜਾ-ਦਫੜੀ

ਕੱਲ ਸਪੇਸਐਕਸ ਨੂੰ ਸੀ. ਸੀ. ਸੀ. ਰੇਟਿੰਗ ਮਿਲਣ ਤੋਂ ਬਾਅਦ ਸਿਰਫ਼ ਕੰਪਨੀ ਦੇ ਸ਼ੇਅਰਾਂ ’ਚ ਹੀ ਗਿਰਾਵਟ ਨਹੀਂ ਦੇਖਣ ਨੂੰ ਮਿਲੀ, ਸਗੋਂ ਪੂਰੇ ਟੈੱਕ ਸੈਕਟਰ ’ਚ ‘ਪੈਨਿਕ ਸੇਲਿੰਗ’ ਦਾ ਮਾਹੌਲ ਬਣ ਗਿਆ। ਵੱਡੇ ਹੇਜ ਫੰਡਸ ਨੇ ਅਲਫਾਬੇਟ ਅਤੇ ਮੇਟਾ ਵਰਗੀਆਂ ਟੈੱਕ ਫਰਮਾਂ ’ਚ 4.5-5 ਫੀਸਦੀ ਤੱਕ ਦੀ ਬਿਕਵਾਲੀ ਸ਼ੁਰੂ ਕਰ ਦਿੱਤੀ। ਇਸ ਨਾਲ ਨੈਸਡੈਕ ਇੰਡੈਕਸ ਬੁਰੀ ਤਰ੍ਹਾਂ ਕ੍ਰੈਸ਼ ਹੋ ਗਿਆ।

ਕੰਪਨੀ ਦੇ ਮਾਲਕ ਐਲਨ ਮਸਕ ਨੂੰ ਵੀ ਇਸ ਨਾਲ ਤਗੜਾ ਝਟਕਾ ਲੱਗਿਆ ਹੈ। ਸਿਰਫ ਇਕ ਹੀ ਦਿਨ ’ਚ ਉਨ੍ਹਾਂ ਦੀ ਕੁੱਲ ਜਾਇਦਾਦ ’ਚੋਂ 152 ਅਰਬ ਡਾਲਰ (ਲੱਗਭਗ 12.5 ਲੱਖ ਕਰੋੜ ਰੁਪਏ) ਘਟ ਗਏ। ਹਾਲਾਂਕਿ, ਇੰਨੀ ਵੱਡੀ ਗਿਰਾਵਟ ਦੇ ਬਾਵਜੂਦ ਮਸਕ ਅਜੇ ਵੀ 1.1 ਟ੍ਰਿਲੀਅਨ ਡਾਲਰ ਨਾਲ ਦੁਨੀਆ ਦੇ ਇਕਲੌਤੇ ਟ੍ਰਿਲੀਅਨੇਅਰ ਅਤੇ ਸਭ ਤੋਂ ਅਮੀਰ ਵਿਅਕਤੀ ਬਣੇ ਹੋਏ ਹਨ।

ਇਹ ਵੀ ਪੜ੍ਹੋ :  ਘਰ ਦੀ ਬਜਾਏ ਬੈਂਕ ਲਾਕਰ ਵਿੱਚ ਰੱਖਦੇ ਹੋ Gold, ਤਾਂ ਜਾਣੋ RBI ਦੇ ਇਨ੍ਹਾਂ ਮਹੱਤਵਪੂਰਨ ਨਿਯਮਾਂ ਬਾਰੇ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt