ਆਪਣਾ ਘਰ ਲੈਣ ਦਾ ਸੁਪਨਾ ਵੇਖ ਰਹੇ ਲੋਕਾਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਇਨ੍ਹਾਂ ਬੈਂਕਾਂ ਦੇ ਹੋਮ ਲੋਨ ਹੋਏ ਸਸਤੇ

ਨੈਸ਼ਨਲ ਡੈਸਕ: 6 ਜੂਨ ਨੂੰ ਭਾਰਤੀ ਰਿਜ਼ਰਵ ਬੈਂਕ ਨੇ ਵੱਡਾ ਫੈਸਲਾ ਲੈਂਦੇ ਹੋਏ ਰੇਪੋ ਰੇਟ 'ਚ 50 ਬੇਸਿਸ ਪੌਇੰਟ ਦੀ ਕਟੌਤੀ ਕਰ ਦਿੱਤੀ। ਹੁਣ ਨਵੀਂ ਰੇਪੋ ਰੇਟ 5.50% ਹੋ ਚੁੱਕੀ ਹੈ। ਆਰ.ਬੀ.ਆਈ. ਦੇ ਇਸ ਫੈਸਲੇ ਤੋਂ ਬਾਅਦ ਕਈ ਬੈਂਕਾਂ ਵੱਲੋਂ ਵੀ ਕ਼ਰਜ਼ 'ਤੇ ਵਿਆਜ ਦਰਾਂ ਘਟਾਈਆਂ ਗਈਆਂ ਹਨ, ਜਿਸ ਨਾਲ ਹੋਮ ਲੋਨ ਲੈਣ ਵਾਲਿਆਂ ਨੂੰ ਵੱਡੀ ਰਾਹਤ ਮਿਲੇਗੀ। ਜੋ ਲੋਨ ਪਹਿਲਾਂ ਤੋਂ ਚੱਲ ਰਹੇ ਹਨ, ਉਨ੍ਹਾਂ ਦੀਆਂ EMI ਵੀ ਹੁਣ ਘੱਟ ਹੋ ਜਾਵੇਗੀ।

PNB ਨੇ ਘਟਾਈ ਵਿਆਜ ਦਰ

ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਐਲਾਨ ਕੀਤਾ ਕਿ ਉਸਨੇ ਆਪਣੀ ਰੇਪੋ ਲਿੰਕਡ ਲੈਂਡਿੰਗ ਰੇਟ (RLLR) ਨੂੰ 8.85% ਤੋਂ ਘਟਾ ਕੇ 8.35% ਕਰ ਦਿੱਤਾ ਹੈ। ਹਾਲਾਂਕਿ ਬੈਂਕ ਨੇ MCLR ਜਾਂ ਬੇਸ ਰੇਟ 'ਚ ਕੋਈ ਤਬਦੀਲੀ ਨਹੀਂ ਕੀਤੀ। ਨਵੀਆਂ ਦਰਾਂ 9 ਜੂਨ ਤੋਂ ਲਾਗੂ ਹੋਣਗੀਆਂ। ਸ਼ੁੱਕਰਵਾਰ ਨੂੰ ਪੀ.ਐਨ.ਬੀ. ਦਾ ਸਟੌਕ 1% ਤੋਂ ਵੱਧ ਵਾਧੇ ਨਾਲ ₹110.15 'ਤੇ ਬੰਦ ਹੋਇਆ।

ਇਹ ਵੀ ਪੜ੍ਹੋ: ਜੇ ਤੁਸੀਂ ਵੀ ਰੱਖਦੇ ਹੋ ਫੋਨ ਦੇ ਕਵਰ 'ਚ ਪੈਸੇ ਤਾਂ ਜ਼ਰੂਰ ਪੜ੍ਹੋ ਇਹ ਖ਼ਬਰ ! ਖ਼ਤਰੇ 'ਚ ਪੈ ਸਕਦੀ ਹੈ ਤੁਹਾਡੀ ਜਾਨ

ਬੈਂਕ ਆਫ ਇੰਡੀਆ ਨੇ ਵੀ ਕੀਤਾ ਐਲਾਨ

ਬੈਂਕ ਆਫ ਇੰਡੀਆ ਨੇ ਵੀ 6 ਜੂਨ ਤੋਂ ਆਪਣੀ ਰੇਪੋ ਬੇਸਡ ਲੈਂਡਿੰਗ ਰੇਟ (RBLR) ਨੂੰ 8.85% ਤੋਂ ਘਟਾ ਕੇ 8.35% ਕਰ ਦਿੱਤਾ। ਇਸ ਐਲਾਨ ਤੋਂ ਬਾਅਦ ਬੈਂਕ ਦੇ ਸਟੌਕ 'ਚ ਹਲਕਾ ਵਾਧਾ ਹੋਇਆ ਅਤੇ ਇਹ 124.3 ਦੇ ਪੱਧਰ 'ਤੇ ਬੰਦ ਹੋਇਆ।

ਇੰਡੀਅਨ ਬੈਂਕ ਨੇ ਵੀ ਘਟਾਇਆ ਵਿਆਜ

ਇੰਡੀਅਨ ਬੈਂਕ ਨੇ ਵੀ ਆਪਣੇ ਰੇਪੋ ਲਿੰਕਡ ਬੈਂਚਮਾਰਕ ਲੈਂਡਿੰਗ ਰੇਟ ਨੂੰ 8.7% ਤੋਂ ਘਟਾ ਕੇ 8.2% ਕਰ ਦਿੱਤਾ ਹੈ। ਨਵੀਆਂ ਦਰਾਂ 9 ਜੂਨ 2025 ਤੋਂ ਲਾਗੂ ਹੋਣਗੀਆਂ।

ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ ਦੀ ਡਾਕੂਮੈਂਟਰੀ 'ਤੇ ਹੰਗਾਮਾ, ਪਿਤਾ ਬਲਕੌਰ ਸਿੰਘ ਨੇ ਅਦਾਲਤ ਜਾਣ ਦੀ ਦਿੱਤੀ ਚਿਤਾਵਨੀ

ਕਰੂਰ ਵੈਸ਼ਿਆ ਬੈਂਕ ਨੇ ਵੀ ਘਟਾਇਆ ਵਿਆਜ

ਕਰੂਰ ਵੈਸ਼ਿਆ ਬੈਂਕ ਨੇ ਵੀ ਆਪਣੀ MCLR ਦਰ 'ਚ ਕਟੌਤੀ ਕੀਤੀ ਹੈ। ਬੈਂਕ ਨੇ 6 ਮਹੀਨਿਆਂ ਦੀ MCLR ਨੂੰ 9.9% ਤੋਂ ਘਟਾ ਕੇ 9.8% ਕੀਤਾ, ਜਦਕਿ 1 ਸਾਲ ਦੀ MCLR ਨੂੰ 10% ਤੋਂ ਘਟਾ ਕੇ 9.8% ਕੀਤਾ ਗਿਆ।

ਯੂਕੋ ਬੈਂਕ ਨੇ ਵੀ ਦਿੱਤੀ ਰਾਹਤ 

ਯੂਕੋ ਬੈਂਕ ਨੇ ਵੀ ਆਪਣੇ ਗਾਹਕਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਬੈਂਕ ਨੇ ਐਲਾਨ ਕੀਤਾ ਹੈ ਕਿ 10 ਜੂਨ 2025 ਤੋਂ ਉਹ ਆਪਣੇ ਸਾਰੇ tenures (ਅਵਧੀਆਂ) ਲਈ MCLR ਵਿੱਚ 0.10% ਦੀ ਕਟੌਤੀ ਕਰ ਰਿਹਾ ਹੈ। ਇਸ ਮਤਲਬ ਇਹ ਹੈ ਕਿ ਉਹ ਲੋਨ ਜੋ MCLR ਨਾਲ ਜੁੜੇ ਹੋਏ ਹਨ, ਹੁਣ ਉਹ ਸਸਤੇ ਹੋਣਗੇ ਅਤੇ ਉਨ੍ਹਾਂ ਦੀ EMI 'ਚ ਕਮੀ ਆ ਸਕਦੀ ਹੈ।

ਇਹ ਵੀ ਪੜ੍ਹੋ: 53 ਸਾਲ ਦੀ ਉਮਰ 'ਚ ਕਰਨ ਜੌਹਰ ਨੇ ਆਪਣੇ ਇਸ Body Part ਦਾ ਕਰਾਇਆ ਇੰਸ਼ੋਰੈਂਸ, ਜਾਣ ਕੇ ਹੋਵੇਗੀ ਹੈਰਾਨੀ

ਲੋਨ ਲੈਣ ਵਾਲਿਆਂ ਲਈ ਵੱਡੀ ਖੁਸ਼ਖਬਰੀ

ਆਰ.ਬੀ.ਆਈ. ਦੇ ਨਵੇਂ ਫੈਸਲੇ ਦੇ ਨਾਲ ਹੀ ਘਰੇਲੂ ਉਪਭੋਗਤਾਵਾਂ, ਖ਼ਾਸ ਕਰਕੇ ਹੋਮ ਲੋਨ ਅਤੇ ਪਰਸਨਲ ਲੋਨ ਲੈਣ ਵਾਲਿਆਂ ਲਈ ਵੱਡੀ ਖੁਸ਼ਖਬਰੀ ਆਈ ਹੈ। EMI ਘੱਟ ਹੋਣ ਨਾਲ ਆਮ ਲੋਕਾਂ ਦੀ ਮਾਸਿਕ ਆਮਦਨ 'ਤੇ ਭਾਰ ਹੌਲਾ ਹੋਵੇਗਾ।

ਇਹ ਵੀ ਪੜ੍ਹੋ: ਘਰ 'ਚ ਵੜ ਤਾਣ ਦਿੱਤੀ ਬੰਦੂਕ...! ਗੋਲ਼ੀਆਂ ਨਾਲ ਭੁੰਨ੍ਹ'ਤਾ ਮਸ਼ਹੂਰ ਅਦਾਕਾਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8