ਸ਼ੇਅਰ ਬਾਜ਼ਾਰ 'ਚ ਮਾਮੂਲੀ ਗਿਰਾਵਟ : ਸੈਂਸੈਕਸ 78,768 ਅੰਕ ਤੇ ਨਿਫਟੀ 23,998 ਦੇ ਪੱਧਰ 'ਤੇ ਕਰ ਰਿਹਾ ਕਾਰੋਬਾਰ

ਮੁੰਬਈ - ਅੱਜ ਯਾਨੀ 5 ਨਵੰਬਰ ਨੂੰ ਸੈਂਸੈਕਸ ਲਗਭਗ 13.78 ਅੰਕ ਭਾਵ 0.02 % ਦੀ ਗਿਰਾਵਟ ਨਾਲ 78,768.46 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਸੈਂਸੈਕਸ ਦੇ 8 ਸਟਾਕ ਵਾਧੇ ਨਾਲ, 21 ਸਟਾਕ ਗਿਰਾਵਟ ਨਾਲ ਅਤੇ 1 ਸਟਾਕ ਸਥਿਰ ਕਾਰੋਬਾਰ ਕਰਦਾ ਦੇਖਿਆ ਜਾ ਰਿਹਾ ਹੈ।

National Stock Exchange

ਦੂਜੇ ਪਾਸੇ ਨਿਫਟੀ 1.95 ਅੰਕ ਭਾਵ 0.01 ਫ਼ੀਸਦੀ ਦੀ ਗਿਰਾਵਟ ਨਾਲ 23,985 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਨਿਫਟੀ ਦੇ 25 ਸਟਾਕ ਵਾਧੇ ਨਾਲ , 24 ਸਟਾਕ ਗਿਰਾਵਟ ਨਾਲ 1 ਸਟਾਕ ਸਥਿਰ ਕਾਰੋਬਾਰ ਕਰਦਾ ਦੇਖਿਆ ਜਾ ਰਿਹਾ ਹੈ।

ਮੈਟਲ ਸੈਕਟਰ, ਬੈਂਕਿੰਗ, ਮੀਡੀਆ ਅਤੇ ਤੇਲ ਅਤੇ ਗੈਸ ਸੈਕਟਰ ਮਾਮੂਲੀ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ। NSE ਦੇ ਅੰਕੜਿਆਂ ਮੁਤਾਬਕ ਵਿਦੇਸ਼ੀ ਨਿਵੇਸ਼ਕਾਂ  ਨੇ 4 ਨਵੰਬਰ ਨੂੰ 4,329.79 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਮਿਆਦ ਦੇ ਦੌਰਾਨ, ਘਰੇਲੂ ਨਿਵੇਸ਼ਕਾਂ ਨੇ  2,936.08 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।

ਏਸ਼ੀਆਈ ਬਾਜ਼ਾਰਾਂ ਦਾ ਹਾਲ

ਏਸ਼ੀਆਈ ਬਾਜ਼ਾਰ 'ਚ ਜਾਪਾਨ ਦਾ ਨਿੱਕੇਈ 1.11 ਫੀਸਦੀ ਚੜ੍ਹਿਆ ਹੈ। ਕੋਰੀਆ ਦਾ ਕੋਸਪੀ 0.47% ਦੀ ਗਿਰਾਵਟ ਨਾਲ ਅਤੇ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 1.42% ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ।
4 ਨਵੰਬਰ ਨੂੰ, ਯੂਐਸ ਡਾਓ ਜੋਂਸ ਇੰਡਸਟਰੀਅਲ ਔਸਤ 0.61% ਡਿੱਗ ਕੇ 41,794 'ਤੇ ਅਤੇ S&P 500 0.28% ਡਿੱਗ ਕੇ 5,712 'ਤੇ ਆ ਗਿਆ। ਨੈਸਡੈਕ 0.33% ਡਿੱਗ ਕੇ 18,179 'ਤੇ ਬੰਦ ਹੋਇਆ।

ਕੱਲ੍ਹ ਬਾਜ਼ਾਰ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਸੀ

ਇਸ ਤੋਂ ਪਹਿਲਾਂ ਕੱਲ੍ਹ ਯਾਨੀ 4 ਨਵੰਬਰ ਨੂੰ ਸੈਂਸੈਕਸ 941 ਅੰਕਾਂ (1.18%) ਦੀ ਗਿਰਾਵਟ ਨਾਲ 78,782 ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਇਸ ਦੇ ਨਾਲ ਹੀ ਨਿਫਟੀ ਵੀ 309 ਅੰਕ (1.27%) ਦੀ ਗਿਰਾਵਟ ਨਾਲ 23,995 ਦੇ ਪੱਧਰ 'ਤੇ ਬੰਦ ਹੋਇਆ।