ਕਰਜ਼ਾ ਲੈਣ ਦੇ ਰੁਝਾਨ ''ਚ ਵੱਡਾ ਬਦਲਾਅ: ਸਿਰਫ਼ ਗਹਿਣੇ ਨਹੀਂ, ਬਿਜ਼ਨਸ ਲਈ ਵੀ ਲੋਨ ਲੈ ਰਹੀਆਂ ਹਨ ਔਰਤਾਂ

ਬਿਜ਼ਨੈੱਸ ਡੈਸਕ : ਭਾਰਤੀ ਲੋਨ ਮਾਰਕੀਟ ਦਾ ਚਿਹਰਾ ਤੇਜ਼ੀ ਨਾਲ ਬਦਲ ਰਿਹਾ ਹੈ। ਕ੍ਰੈਡਿਟ ਏਜੰਸੀ 'ਕ੍ਰਿਫ ਹਾਈ ਮਾਰਕ' (CRIF High Mark) ਦੀ ਤਾਜ਼ਾ 'ਬ੍ਰਿਜਿੰਗ ਦਿ ਗੈਪ' ਰਿਪੋਰਟ ਅਨੁਸਾਰ, ਦੇਸ਼ ਵਿੱਚ ਪਹਿਲੀ ਵਾਰ ਕਰਜ਼ਾ ਲੈਣ ਵਾਲਿਆਂ (New to Credit) ਵਿੱਚ ਮਹਿਲਾਵਾਂ ਅਤੇ 25 ਸਾਲ ਤੋਂ ਘੱਟ ਉਮਰ ਦੇ ਨੌਜਵਾਨਾਂ ਦਾ ਦਬਦਬਾ ਵਧ ਰਿਹਾ ਹੈ। ਬੀਤੇ ਸਾਲ ਦੌਰਾਨ ਲਗਭਗ 4.4 ਕਰੋੜ ਭਾਰਤੀਆਂ ਨੇ ਪਹਿਲੀ ਵਾਰ ਲੋਨ ਲਿਆ, ਜਦੋਂ ਕਿ ਇੱਕ ਸਾਲ ਪਹਿਲਾਂ ਇਹ ਗਿਣਤੀ 3.6 ਕਰੋੜ ਸੀ।

ਇਹ ਵੀ ਪੜ੍ਹੋ :  ਸਾਵਧਾਨ! 1 ਮਈ ਤੋਂ ਬੰਦ ਹੋ ਸਕਦੈ ਤੁਹਾਡਾ PAN Card, IT ਵਿਭਾਗ ਨੇ ਜਾਰੀ ਕੀਤੇ ਸਖ਼ਤ ਨਿਯਮ

ਮਹਿਲਾਵਾਂ ਦੀ ਹਿੱਸੇਦਾਰੀ ਵਿੱਚ ਵੱਡਾ ਉਛਾਲ 

ਰਿਪੋਰਟ ਮੁਤਾਬਕ, ਫਰਵਰੀ 2026 ਤੱਕ ਦੇ 12 ਮਹੀਨਿਆਂ ਵਿੱਚ ਪਹਿਲੀ ਵਾਰ ਕਰਜ਼ਾ ਲੈਣ ਵਾਲਿਆਂ ਵਿੱਚ ਮਹਿਲਾਵਾਂ ਦੀ ਹਿੱਸੇਦਾਰੀ ਵਧ ਕੇ 41% ਹੋ ਗਈ ਹੈ, ਜੋ ਕਿ ਫਰਵਰੀ 2022 ਵਿੱਚ ਸਿਰਫ਼ 33% ਸੀ। ਇਸ ਦਾ ਮਤਲਬ ਹੈ ਕਿ ਹਰ 10 ਵਿੱਚੋਂ 4 ਨਵੇਂ ਕਰਜ਼ਦਾਰ ਹੁਣ ਮਹਿਲਾਵਾਂ ਹਨ। ਉੱਤਰ ਪ੍ਰਦੇਸ਼, ਤਾਮਿਲਨਾਡੂ ਅਤੇ ਮਹਾਰਾਸ਼ਟਰ ਵਿੱਚ ਮਹਿਲਾ ਕਰਜ਼ਦਾਰਾਂ ਦੀ ਗਿਣਤੀ ਸਭ ਤੋਂ ਜ਼ਿਆਦਾ ਹੈ।

ਇਹ ਵੀ ਪੜ੍ਹੋ :  1 ਮਈ ਤੋਂ ਬਦਲ ਜਾਣਗੇ ਕਈ ਨਿਯਮ, Salary-Banking-UPI 'ਤੇ ਹੋਵੇਗਾ ਸਿੱਧਾ ਅਸਰ

ਖੇਤਰੀ ਰੁਝਾਨ: ਕਿੱਥੇ ਕਿਹੜਾ ਲੋਨ ਹੈ ਪਸੰਦ?

ਦੱਖਣੀ ਭਾਰਤ: ਇੱਥੋਂ ਦੀਆਂ ਮਹਿਲਾਵਾਂ ਵਿੱਚ 'ਗੋਲਡ ਲੋਨ' ਸਭ ਤੋਂ ਵੱਧ ਪ੍ਰਸਿੱਧ ਹੈ।
ਉੱਤਰ ਅਤੇ ਪੂਰਬੀ ਭਾਰਤ: ਯੂ.ਪੀ., ਪੱਛਮੀ ਬੰਗਾਲ ਅਤੇ ਬਿਹਾਰ ਵਰਗੇ ਰਾਜਾਂ ਵਿੱਚ ਮਹਿਲਾਵਾਂ ਉਦਮੀ ਬਣਨ ਲਈ 'ਬਿਜ਼ਨਸ ਲੋਨ' ਨੂੰ ਤਰਜੀਹ ਦੇ ਰਹੀਆਂ ਹਨ।
ਨੌਜਵਾਨਾਂ ਦੀ ਪਸੰਦ: 25 ਸਾਲ ਤੋਂ ਘੱਟ ਉਮਰ ਦੇ ਨੌਜਵਾਨਾਂ ਦਾ ਧਿਆਨ ਟੂ-ਵ੍ਹੀਲਰ ਅਤੇ ਪਰਸਨਲ ਲੋਨ 'ਤੇ ਹੈ, ਜਦੋਂ ਕਿ 26 ਤੋਂ 35 ਸਾਲ ਦੇ ਨੌਜਵਾਨ ਕੰਜ਼ਿਊਮਰ ਡਿਊਰੇਬਲ (ਟੀਵੀ, ਫਰਿੱਜ ਆਦਿ) ਅਤੇ ਬਿਜ਼ਨਸ ਲੋਨ ਲੈ ਰਹੇ ਹਨ।

ਇਹ ਵੀ ਪੜ੍ਹੋ :  ਘਰ 'ਚ ਰੱਖਿਆ ਕੈਸ਼ ਬੈਂਕ 'ਚ ਜਮ੍ਹਾ ਕਰਵਾਉਣ 'ਤੇ ਨਹੀਂ ਲੱਗੇਗਾ ਟੈਕਸ! ਜਾਣੋ ਨਿਯਮ

ਕੰਜ਼ਿਊਮਰ ਡਿਊਰੇਬਲ ਲੋਨ ਬਣਿਆ 'ਐਂਟਰੀ ਪੁਆਇੰਟ' 

ਪਹਿਲੀ ਵਾਰ ਲੋਨ ਲੈਣ ਵਾਲਿਆਂ ਵਿੱਚੋਂ 32% ਲੋਕ ਵਾਸ਼ਿੰਗ ਮਸ਼ੀਨ, ਫਰਿੱਜ ਜਾਂ ਟੀਵੀ ਖਰੀਦਣ ਲਈ ਕਰਜ਼ਾ ਲੈਂਦੇ ਹਨ। ਇਸ ਤੋਂ ਇਲਾਵਾ ਗੋਲਡ ਲੋਨ (20.2%) ਅਤੇ ਟੂ-ਵ੍ਹੀਲਰ ਲੋਨ (16.9%) ਵੀ ਕਾਫ਼ੀ ਪ੍ਰਸਿੱਧ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਗੋਲਡ ਲੋਨ ਲੈਣ ਵਾਲੇ 84.5% ਗਾਹਕ ਆਪਣਾ ਅਗਲਾ ਲੋਨ ਵੀ ਗੋਲਡ 'ਤੇ ਹੀ ਲੈਂਦੇ ਹਨ।

ਇਹ ਵੀ ਪੜ੍ਹੋ :   ਰੀਅਲ ਅਸਟੇਟ ਧਮਾਕਾ! ਵਿਕ ਗਿਆ ਮੁੰਬਈ ਦਾ ਆਲੀਸ਼ਾਨ Sea Facing ਬੰਗਲਾ, ਕੀਮਤ ਜਾਣ ਉੱਡਣਗੇ ਹੋਸ਼

ਬੈਂਕਾਂ ਦੀ ਬਜਾਏ NBFC 'ਤੇ ਭਰੋਸਾ 

ਰਿਪੋਰਟ ਇੱਕ ਹੈਰਾਨੀਜਨਕ ਤੱਥ ਸਾਹਮਣੇ ਲਿਆਉਂਦੀ ਹੈ ਕਿ ਪਹਿਲੀ ਵਾਰ ਕਰਜ਼ਾ ਲੈਣ ਵਾਲਿਆਂ ਨੂੰ ਲੋਨ ਦੇਣ ਵਿੱਚ ਗੈਰ-ਬੈਂਕਿੰਗ ਵਿੱਤੀ ਕੰਪਨੀਆਂ (NBFCs) ਅੱਗੇ ਹਨ। ਐੱਨ.ਬੀ.ਐੱਫ.ਸੀ. ਦੀ ਹਿੱਸੇਦਾਰੀ 50% ਤੋਂ ਵਧ ਕੇ 61% ਹੋ ਗਈ ਹੈ, ਜਦੋਂ ਕਿ ਸਰਕਾਰੀ ਬੈਂਕਾਂ ਦੀ ਹਿੱਸੇਦਾਰੀ 16% ਤੋਂ ਘਟ ਕੇ 13.6% ਰਹਿ ਗਈ ਹੈ।

ਇਹ ਵੀ ਪੜ੍ਹੋ :   10 ਸਾਲ ਪੁਰਾਣਾ ਆਧਾਰ ਕਾਰਡ ਰੱਖਣ ਵਾਲਿਆਂ ਲਈ ਅਹਿਮ ਖ਼ਬਰ, 14 ਜੂਨ ਤੱਕ ਮਿਲੇਗੀ ਖ਼ਾਸ ਸਹੂਲਤ

ਕਰਜ਼ਾ ਮੋੜਨ ਵਿੱਚ ਨਵੇਂ ਕਰਜ਼ਦਾਰ ਜ਼ਿਆਦਾ ਅਨੁਸ਼ਾਸਿਤ 

ਅੰਕੜੇ ਦੱਸਦੇ ਹਨ ਕਿ ਪਹਿਲੀ ਵਾਰ ਕਰਜ਼ਾ ਲੈਣ ਵਾਲੇ ਲੋਕ ਉਮੀਦ ਨਾਲੋਂ ਜ਼ਿਆਦਾ ਸੁਰੱਖਿਅਤ ਸਾਬਤ ਹੋ ਰਹੇ ਹਨ। ਲਗਭਗ 67% ਗਾਹਕ ਇੱਕ ਸਾਲ ਦੇ ਅੰਦਰ ਸੁਰੱਖਿਅਤ ਰਿਸਕ ਸ਼੍ਰੇਣੀ ਵਿੱਚ ਸ਼ਾਮਲ ਹੋ ਗਏ ਹਨ। ਖਾਸ ਕਰਕੇ ਕੰਜ਼ਿਊਮਰ ਡਿਊਰੇਬਲ ਲੋਨ ਲੈਣ ਵਾਲੇ 80.4% ਅਤੇ ਟੂ-ਵ੍ਹੀਲਰ ਲੋਨ ਲੈਣ ਵਾਲੇ 75.3% ਗਾਹਕਾਂ ਨੇ ਬਿਹਤਰੀਨ ਅਨੁਸ਼ਾਸਨ ਦਿਖਾਇਆ ਹੈ।

ਇਹ ਵੀ ਪੜ੍ਹੋ :  ਮਾਂ ਵੈਸ਼ਨੋਂ ਦੇਵੀ ਦੇ ਦਰਬਾਰ 'ਚ ਚੜ੍ਹੀ 'ਨਕਲੀ ਚਾਂਦੀ', ਸਿਰਫ 30 ਕਰੋੜ ਦੇ ਨਿਕਲੇ 550 ਕਰੋੜ ਦੇ ਗਹਿਣੇ

ਇਸ ਵੇਲੇ ਦੇਸ਼ ਵਿੱਚ ਲਗਭਗ 29 ਕਰੋੜ ਲੋਕ 'ਕ੍ਰੈਡਿਟ-ਐਕਟਿਵ' ਹਨ, ਜਿਸਦਾ ਮਤਲਬ ਹੈ ਕਿ ਹਰ 5 ਵਿੱਚੋਂ ਇੱਕ ਵਿਅਕਤੀ ਨੇ ਲੋਨ ਲਿਆ ਹੋਇਆ ਹੈ।

ਇਹ ਵੀ ਪੜ੍ਹੋ :    ਹੁਣ Aadhaar ਨਾਲ ਨਹੀਂ ਹੋਵੇਗੀ ਜਨਮ ਮਿਤੀ ਦੀ ਵੈਰੀਫਿਕੇਸ਼ਨ, ਜਾਣੋ ਕਿਹੜੇ ਦਸਤਾਵੇਜ਼ ਹੋਣਗੇ ਲਾਜ਼ਮੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt