Byju''s ਨੂੰ IPO ਲਾਂਚ ਕਰਨ ਤੋਂ ਪਹਿਲਾਂ ਮਿਲੀ ਵੱਡੀ ਸਫ਼ਲਤਾ, 80 ਕਰੋੜ ਡਾਲਰ ਦਾ ਫੰਡ ਕੀਤਾ ਇਕੱਠਾ

ਨਵੀਂ ਦਿੱਲੀ : ਐਜੂਕੇਸ਼ਨ ਟੈਕਨਾਲੋਜੀ ਕੰਪਨੀ ਬਾਇਜੂ ਨੇ ਸੰਸਥਾਪਕ ਅਤੇ ਸੀਈਓ ਬੈਜੂ ਰਵਿੰਦਰਨ ਦੀ ਅਗਵਾਈ ਵਿੱਚ ਇੱਕ ਫੰਡਿੰਗ ਦੌਰ ਵਿੱਚ 80 ਕਰੋੜ ਡਾਲਰ (ਲਗਭਗ 6,000 ਕਰੋੜ ਰੁਪਏ) ਇਕੱਠੇ ਕੀਤੇ ਹਨ। Byju's ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ Sumeru Ventures, Vitruvian Partners ਅਤੇ BlackRock ਨੇ ਵੀ ਵਿੱਤ ਦੌਰ ਵਿੱਚ ਹਿੱਸਾ ਲਿਆ।

ਬਿਆਨ ਅਨੁਸਾਰ ਬਾਈਜੂ ਨੇ 22 ਅਰਬ ਡਾਲਰ ਦੇ ਐਂਟਰਪ੍ਰਾਈਜ਼ ਮੁੱਲ 'ਤੇ ਤਾਜ਼ਾ ਫੰਡ ਇਕੱਠੇ ਕੀਤੇ ਹਨ, ਜੋ ਕਿ ਕੰਪਨੀ ਦੇ 18 ਅਰਬ ਡਾਲਰ ਦੇ ਪਿਛਲੇ ਮੁੱਲ ਤੋਂ ਲਗਭਗ 22 ਪ੍ਰਤੀਸ਼ਤ ਵੱਧ ਹੈ। ਫੰਡਿੰਗ ਅਜਿਹੇ ਸਮੇਂ ਵਿੱਚ ਮਿਲੀ ਹੈ ਜਦੋਂ ਕੰਪਨੀ ਅਗਲੇ 9 ਤੋਂ 12 ਮਹੀਨਿਆਂ ਵਿੱਚ ਆਪਣੀ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ (ਆਈਪੀਓ) ਲਈ ਤਿਆਰੀ ਕਰ ਰਹੀ ਹੈ।

ਕੰਪਨੀ ਨੇ ਇੱਕ ਬਿਆਨ ਵਿੱਚ ਕਿਹਾ, "ਬਾਈਜੂ ਦੇ ਸੰਸਥਾਪਕ ਰਵੀਨਦਰਨ ਵੀ ਰਾਊਂਡ ਵਿੱਚ ਸ਼ਾਮਲ ਹੋਏ ਅਤੇ ਉਨ੍ਹਾਂ ਨੇ 40 ਕਰੋੜ ਡਾਲਰ ਦਾ ਨਿੱਜੀ ਨਿਵੇਸ਼ ਕੀਤਾ ਹੈ।" ਕੰਪਨੀ ਨੇ ਇੱਕ ਬਿਆਨ ਵਿੱਚ ਕਿਹਾ, ਕੰਪਨੀ ਵਿੱਚ ਰਵੀਨਦਰਨ ਦੀ ਹਿੱਸੇਦਾਰੀ 23 ਫੀਸਦੀ ਤੋਂ ਵਧਾ ਕੇ 25 ਫੀਸਦੀ ਕੀਤੀ ਗਈ ਹੈ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।