ਵਿੱਤੀ ਸੇਵਾਵਾਂ, ਡਾਟਾ ਸੈਂਟਰ ਤੇ ਕਲਾਊਡ ’ਤੇ ਵੱਡਾ ਦਾਅ ਲਾਵੇਗੀ Airtel

ਬਿਜ਼ਨੈੱਸ ਡੈਸਕ - ਭਾਰਤੀ ਏਅਰਟੈੱਲ ਦੇ ਚੇਅਰਮੈਨ ਸੁਨੀਲ ਭਾਰਤੀ ਮਿੱਤਲ ਨੇ ਕਿਹਾ ਕਿ ਕੰਪਨੀ ਨੇ ਪਿਛਲੇ ਇਕ ਦਹਾਕੇ ’ਚ ਡਿਜੀਟਲ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ’ਚ 3.3 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨਿਵੇਸ਼ ਕੀਤਾ ਹੈ ਅਤੇ ਹੁਣ ਵਾਧੇ ਦੇ ਅਗਲੇ ਪੜਾਅ ਲਈ ਵਿੱਤੀ ਸੇਵਾਵਾਂ, ਡਾਟਾ ਕੇਂਦਰਾਂ ਅਤੇ ਕਲਾਊਡ ਸੇਵਾਵਾਂ ’ਤੇ ਵੱਡਾ ਦਾਅ ਲਾ ਰਹੀ ਹੈ।

ਇਹ ਵੀ ਪੜ੍ਹੋ : ਸਰਕਾਰ ਨੂੰ ਛੇ ਗੁਣਾ ਵਧ ਕੀਮਤ 'ਤੇ ਵੇਚ'ਤਾ ਸਰਕਾਰੀ ਚੌਲ, 242 ਕੁਇੰਟਲ ਦੀ ਹੇਰਾਫੇਰੀ ਲਈ ਸ਼ੁਰੂ ਹੋਈ ਜਾਂਚ

ਕੰਪਨੀ ਦੀ ਸਾਲਾਨਾ ਰਿਪੋਰਟ ’ਚ ਮਿੱਤਲ ਨੇ ਕਿਹਾ ਕਿ ਏਅਰਟੈੱਲ ਨੇ ਨਵੇਂ ਵਿਕਾਸ ਖੇਤਰਾਂ ਨੂੰ ਤਿਆਰ ਕਰਨ ਲਈ ਸੋਚ-ਸਮਝ ਕੇ ਕਦਮ ਚੁੱਕੇ ਹਨ। ਇਨ੍ਹਾਂ ਯਤਨਾਂ ਨਾਲ ਕੰਪਨੀ ਨੂੰ ਮਜ਼ਬੂਤ ਨਤੀਜੇ ਮਿਲੇ ਹਨ ਅਤੇ ਹੁਣ ਉਸ ਨੂੰ ਵਿੱਤੀ ਸੇਵਾਵਾਂ, ਡਾਟਾ ਕੇਂਦਰ ਅਤੇ ਏਅਰਟੈੱਲ ਕਲਾਊਡ ਖੇਤਰ ’ਚ ਅੱਗੇ ਵਧਣ ਦੀਆਂ ਚੰਗੀਆਂ ਸੰਭਾਵਨਾਵਾਂ ਦਿਸ ਰਹੀਆਂ ਹਨ।

ਉਨ੍ਹਾਂ ਕਿਹਾ ਕਿ ਭਾਰਤੀ ਏਅਰਟੈੱਲ ਨੇ ਆਪਣੀ ਗੈਰ-ਬੈਂਕਿੰਗ ਵਿੱਤੀ ਕੰਪਨੀ (ਐੱਨ. ਬੀ. ਐੱਫ. ਸੀ.) ਏਅਰਟੈੱਲ ਮਨੀ ’ਚ 20,000 ਕਰੋੜ ਰੁਪਏ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਹੈ। ਉੱਥੇ ਹੀ ਕੰਪਨੀ ਦੀ ਡਾਟਾ ਸੈਂਟਰ ਇਕਾਈ ਨੈਕਸਟ੍ਰਾ ਨੇ ਇਕ ਗੀਗਾਵਾਟ (ਜੀ. ਡਬਲਯੂ.) ਸਮਰੱਥਾ ਵਿਕਸਤ ਕਰਨ ਦੀ ਯੋਜਨਾ ਤਹਿਤ ਹਾਲ ਹੀ ’ਚ ਇਕ ਅਰਬ ਡਾਲਰ (ਕਰੀਬ 9,500 ਕਰੋੜ ਰੁਪਏ) ਇਕੱਠੇ ਕੀਤੇ ਹਨ।

ਇਹ ਵੀ ਪੜ੍ਹੋ :  4 ਦਿਨ ਬੰਦ ਰਹਿਣਗੇ Bank, ਜਾਣੋ ਕਿਹੜੇ ਸੂਬੇ 'ਚ ਕਦੋਂ ਹੋਵੇਗੀ ਛੁੱਟੀ

ਮਿੱਤਲ ਨੇ ਕਿਹਾ ਕਿ ਭਾਰਤੀ ਰਿਜ਼ਰਵ ਬੈਂਕ (ਆਰ. ਬੀ. ਆਈ.) ਨੇ ਏਅਰਟੈੱਲ ਮਨੀ ਨੂੰ ਗੈਰ-ਜਮ੍ਹਾ ਸਵੀਕਾਰ ਕਰਨ ਵਾਲੀ ਗੈਰ-ਬੈਂਕਿੰਗ ਵਿੱਤੀ ਕੰਪਨੀ ਦੇ ਰੂਪ ’ਚ ਕੰਮ ਕਰਨ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਉਨ੍ਹਾਂ ਕਿਹਾ,‘‘ਇਹ ਕੰਪਨੀ ਲਈ ਇਕ ਮਹੱਤਵਪੂਰਨ ਪ੍ਰਾਪਤੀ ਹੈ ਅਤੇ ਭਾਰਤ ’ਚ ਵਿੱਤੀ ਇਨੋਵੇਸ਼ਨ ਦਾ ਘੇਰਾ ਵਧਾਉਣ ਦੇ ਵਿਆਪਕ ਟੀਚੇ ਦੀ ਦਿਸ਼ਾ ’ਚ ਵੀ ਅਹਿਮ ਕਦਮ ਹੈ।

ਇਹ ਵੀ ਪੜ੍ਹੋ :  ਅਰਬਪਤੀ ਦੀ ਧੀ ਵਸੁੰਧਰਾ ਓਸਵਾਲ ਨਾਲ ਸਵਿੱਟਜ਼ਰਲੈਂਡ 'ਚ ਹੋਇਆ ਨਸਲੀ ਭੇਦਭਾਵ, Video

ਮਿੱਤਲ ਨੇ ਕਿਹਾ ਕਿ ਏਅਰਟੈੱਲ ਮਨੀ ਨੂੰ ਆਉਣ ਵਾਲੇ ਸਾਲਾਂ ’ਚ ਲੋੜੀਂਦੀ ਪੂੰਜੀ ਉਪਲੱਬਧ ਕਰਵਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਭਾਰਤ ’ਚ ਤੇਜ਼ੀ ਨਾਲ ਵਧਦੇ ਡਿਜੀਟਲੀਕਰਨ, ਕਲਾਊਡ ਸੇਵਾਵਾਂ ਦੀ ਵਧਦੀ ਵਰਤੋਂ ਅਤੇ ਡਾਟਾ ਨੂੰ ਦੇਸ਼ ’ਚ ਹੀ ਰੱਖਣ ਦੀਆਂ ਲੋੜਾਂ ਕਾਰਨ ਨੈਕਸਟ੍ਰਾ ਅਗਲੇ ਕੁਝ ਸਾਲਾਂ ’ਚ ਇਕ ਗੀਗਾਵਾਟ ਸਮਰੱਥਾ ਤਿਆਰ ਕਰਨ ਦੀ ਦਿਸ਼ਾ ’ਚ ਅੱਗੇ ਵਧ ਰਹੀ ਹੈ।

ਕਲਾਊਡ ਅਤੇ ਏ. ਆਈ. ਆਧਾਰਿਤ ਡਾਟਾ ਕੇਂਦਰਾਂ ’ਚ ਨਿਵੇਸ਼ ਲਈ ਸਰਕਾਰ ਵੱਲੋਂ ਦਿੱਤੀ ਲੰਮੀ ਮਿਆਦ ਦੀ ਟੈਕਸ ਛੋਟ ਇਕ ਸਮੇਂ ਦੇ ਅਨੁਕੂਲ ਪਹਿਲ ਹੈ। ਇਸ ਨਾਲ ਡਿਜੀਟਲ ਬੁਨਿਆਦੀ ਢਾਂਚੇ ’ਚ ਲਗਾਤਾਰ ਪੂੰਜੀ ਨਿਵੇਸ਼ ਨੂੰ ਉਤਸ਼ਾਹ ਮਿਲੇਗਾ ਅਤੇ ਦੇਸ਼ ’ਚ ਸੁਰੱਖਿਅਤ ਤੇ ਖੁਦਮੁਖਤਿਆਰ ਡਾਟਾ ਪ੍ਰਵਾਹ ਯਕੀਨੀ ਹੋਵੇਗਾ।’’ ਸਰਕਾਰ ਨੂੰ ਉਮੀਦ ਹੈ ਕਿ ਇਸ ਸਾਲ ਡਾਟਾ ਕੇਂਦਰ ਖੇਤਰ ’ਚ ਨਿਵੇਸ਼ 200 ਅਰਬ ਡਾਲਰ (18 ਲੱਖ ਕਰੋੜ ਰੁਪਏ ਤੋਂ ਵੱਧ) ਨੂੰ ਪਾਰ ਕਰ ਸਕਦਾ ਹੈ।

ਮਿੱਤਲ ਨੇ ਕਿਹਾ ਕਿ ਪਿਛਲੇ 10 ਸਾਲਾਂ ’ਚ ਕੰਪਨੀ ਨੇ ਭਾਰਤ ਦੇ ਸਭ ਤੋਂ ਮਜ਼ਬੂਤ ਡਿਜੀਟਲ ਬੁਨਿਆਦੀ ਢਾਂਚਾ ਮੰਚਾਂ ’ਚੋਂ ਇਕ ਤਿਆਰ ਕਰਨ ਲਈ 3.3 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨਿਵੇਸ਼ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ 5ਜੀ ਅਰਥਵਿਵਸਥਾ ਦਾ ਉਭਰਨਾ ਕੰਪਨੀ ਦੇ ਵਾਧੇ ਦੇ ਅਗਲੇ ਪੜਾਅ ਨੂੰ ਤੈਅ ਕਰ ਰਿਹਾ ਹੈ ਅਤੇ ਇਸ ਨਾਲ ਵੱਖ-ਵੱਖ ਉਦਯੋਗਾਂ ’ਚ ਨਵੇਂ ਉਪਯੋਗ ਦੇ ਮੌਕੇ ਪੈਦਾ ਹੋ ਰਹੇ ਹਨ।

ਇਹ ਵੀ ਪੜ੍ਹੋ : ਪੁਰਾਣੇ ਨੋਟ ਕਰਵਾ ਸਕਦੇ ਹਨ ਮੋਟੀ ਕਮਾਈ! ਡੀਲਿੰਗ ਤੋਂ ਪਹਿਲਾਂ ਰੱਖੋ ਇਨ੍ਹਾਂ ਗੱਲਾਂ ਦਾ ਖ਼ਾਸ ਧਿਆਨ
ਇਹ ਵੀ ਪੜ੍ਹੋ :    RBI ਨੇ ਦਿੱਤੀ ਵੱਡੀ ਰਾਹਤ ; ਅਜੇ ਵੀ 2000 ਰੁਪਏ ਦੇ ਨੋਟ ਦੀ ਮਿਲ ਸਕਦੀ ਹੈ ਪੂਰੀ ਕੀਮਤ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt