WCL ਦੇ ਤੀਜੇ ਸੈਸ਼ਨ ਦਾ ਆਯੋਜਨ 3 ਤੋਂ 18 ਅਕਤੂਬਰ ਤੱਕ UAE ’ਚ ਹੋਵੇਗਾ
Thursday, Aug 27, 2026 - 04:32 PM (IST)
ਨਵੀਂ ਦਿੱਲੀ– ‘ਵਿਸ਼ਵ ਚੈਂਪੀਅਨਸ਼ਿਪ ਆਫ ਲੀਜੈਂਡਜ਼’ (ਡਬਲਯੂ. ਸੀ. ਐੱਲ.) ਦੇ ਤੀਜੇ ਸੈਸ਼ਨ ਦਾ ਆਯੋਜਨ 3 ਤੋਂ 18 ਅਕਤੂਬਰ ਤੱਕ ਸੰਯੁਕਤ ਅਰਬ ਅਮੀਰਾਤ (ਯੂ. ਏ. ਈ.) ’ਚ ਕੀਤਾ ਜਾਵੇਗਾ। ਪਹਿਲੀ ਵਾਰ ਇਹ ਟੂਰਨਾਮੈਂਟ ਬ੍ਰਿਟੇਨ ਤੋਂ ਬਾਹਰ ਆਯੋਜਿਤ ਕੀਤਾ ਜਾਵੇਗਾ। ਟੂਰਨਾਮੈਂਟ ਨੂੰ ਯੂ. ਏ. ਈ. ’ਚ ਟਰਾਂਸਫਰ ਕਰਨ ਦੇ ਨਾਲ ਆਯੋਜਕਾਂ ਦਾ ਟੀਚਾ ਗਲੋਬਲ ਪੱਧਰ ’ਚ ਵੱਡੇ ਦਰਸ਼ਕ ਵਰਗ ਤੱਕ ਪਹੁੰਚ ਬਣਾਉਣਾ ਹੈ, ਨਾਲ ਹੀ ਉਨ੍ਹਾਂ ਨੇ ਤੀਜੇ ਸੈਸ਼ਨ ’ਚ ਜ਼ਿਆਦਾਤਰ ਧਾਕੜ ਖਿਡਾਰੀਆਂ, ਰੋਮਾਂਚਕ ਪੁਰਾਣੇ ਵਿਰੋਧੀਆਂ ਤੇ ਮਨੋਰੰਜਨ ਦਾ ਵਾਅਦਾ ਕੀਤਾ ਹੈ।
‘ਲੀਜੈਂਡਜ਼’ ਕ੍ਰਿਕਟ ਲੀਗ ਦੇ ਤੀਜੇ ਸੈਸ਼ਨ ’ਚ ਕਈ ਸਾਬਕਾ ਕੌਮਾਂਤਰੀ ਸਿਤਾਰੇ ਹਿੱਸਾ ਲੈਣ ਵਾਲੇ ਹਨ। ਇਨ੍ਹਾਂ ’ਚ ਯੁਵਰਾਜ ਸਿੰਘ, ਏ. ਬੀ. ਡਿਵਿਲੀਅਰਜ਼, ਡਵੇਨ ਬ੍ਰਾਵੋ, ਸ਼ਾਹਿਦ ਅਫਰੀਦੀ, ਮੋਈਨ ਅਲੀ, ਡੇਵਿਡ ਵਾਰਨਰ ਤੇ ਮੁਹੰਮਦ ਮਹਿਮੂਦਉੱਲ੍ਹਾ ਸ਼ਾਮਲ ਹਨ। ਡਬਲਯੂ. ਸੀ. ਐੱਲ. ਨੇ ਤੀਜੇ ਸੈਸ਼ਨ ਲਈ ਬੰਗਲਾਦੇਸ਼ ਚੈਂਪੀਅਨਜ਼ ਨੂੰ ਸ਼ਾਮਲ ਕਰਕੇ ਆਪਣੀ ਕੌਮਾਂਤਰੀ ਹਿੱਸੇਦਾਰੀ ਦਾ ਵੀ ਵਿਸਥਾਰ ਕੀਤਾ ਹੈ।
ਇਹ ਟੂਰਨਾਮੈਂਟ ਸੰਨਿਆਸ ਲੈ ਚੁੱਕੇ ਕ੍ਰਿਕਟ ਸਿਤਾਰਿਆਂ ਲਈ ਮੁਕਾਬਲੇਬਾਜ਼ੀ ਕ੍ਰਿਕਟ ’ਚ ਵਾਪਸੀ ਦਾ ਇਕ ਪ੍ਰਮੁੱਖ ਮੰਚ ਬਣ ਕੇ ਉੱਭਰਿਆ ਹੈ। ਪਹਿਲੇ ਸੈਸ਼ਨ ਦਾ ਖਿਤਾਬ ਇੰਡੀਆ ਚੈਂਪੀਅਨਜ਼ ਨੇ ਪਾਕਿਸਤਾਨ ਚੈਂਪੀਅਨਜ਼ ਨੂੰ ਹਰਾ ਕੇ ਜਿੱਤਿਆ ਸੀ ਜਦਕਿ ਸਾਊਥ ਅਫਰੀਕਾ ਚੈਂਪੀਅਨਜ਼ ਨੇ ਦੂਜੇ ਸੈਸ਼ਨ ਦੇ ਫਾਈਨਲ ’ਚ ਪਾਕਿਸਤਾਨ ਚੈਂਪੀਅਨਜ਼ ਨੂੰ ਹਰਾ ਕੇ ਖਿਤਾਬ ਆਪਣੇ ਨਾਂ ਕੀਤਾ ਸੀ।
