ਵੈਸ਼ਾਲੀ ਰਮੇਸ਼ਬਾਬੂ ਨਾਰਵੇ ਸ਼ਤਰੰਜ ਮਹਿਲਾ 2025 ਵਿੱਚ ਲਵੇਗੀ ਹਿੱਸਾ
Tuesday, Nov 26, 2024 - 06:20 PM (IST)
ਸਟਵੇਂਗਰ (ਨਾਰਵੇ)- ਭਾਰਤ ਦੀ ਉਭਰਦੀ ਸਟਾਰ ਖਿਡਾਰਨ ਵੈਸ਼ਾਲੀ ਰਮੇਸ਼ਬਾਬੂ ਨਾਰਵੇ ਸ਼ਤਰੰਜ ਮਹਿਲਾ 2025 ਟੂਰਨਾਮੈਂਟ ਵਿਚ ਹਿੱਸਾ ਲਵੇਗੀ। ਵੈਸ਼ਾਲੀ ਦੀ ਨਜ਼ਰ ਇਸ ਟੂਰਨਾਮੈਂਟ 'ਚ ਚੋਟੀ ਦੇ ਤਿੰਨ ਸਥਾਨਾਂ 'ਤੇ ਰਹਿਣ 'ਤੇ ਹੋਵੇਗੀ।
ਵਿਸ਼ਵ ਦੀ 16ਵੇਂ ਨੰਬਰ ਦੀ ਖਿਡਾਰਨ ਵੈਸ਼ਾਲੀ ਦੀ ਲਾਈਵ ਰੇਟਿੰਗ 2475 ਅੰਕ (ਨਵੰਬਰ 2024) ਹੈ। ਉਸਨੇ 2023 ਵਿੱਚ FIDE ਵੂਮੈਨਜ਼ ਗ੍ਰੈਂਡ ਸਵਿਸ ਖਿਤਾਬ ਜਿੱਤਿਆ ਅਤੇ 2024 ਮਹਿਲਾ ਉਮੀਦਵਾਰ ਟੂਰਨਾਮੈਂਟ ਵਿੱਚ ਇੱਕ ਸਥਾਨ ਪ੍ਰਾਪਤ ਕੀਤਾ। ਵੈਸ਼ਾਲੀ 2023 ਵਿੱਚ ਭਾਰਤ ਦੀ ਤੀਜੀ ਮਹਿਲਾ ਗ੍ਰੈਂਡਮਾਸਟਰ ਬਣੀ ਅਤੇ ਅਰਜੁਨ ਐਵਾਰਡੀ ਨੇ ਇਸ ਸਾਲ ਸ਼ਤਰੰਜ ਓਲੰਪੀਆਡ ਵਿੱਚ ਭਾਰਤ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ।
