ਉਜ਼ਬੇਕਿਸਤਾਨ ਤੇ ਜਾਰਡਨ ਨੇ ਪਹਿਲੀ ਵਾਰ ਫੁੱਟਬਾਲ ਵਿਸ਼ਵ ਕੱਪ ਲਈ ਕੀਤਾ ਕੁਆਲੀਫਾਈ

ਸਪੋਰਟਸ ਡੈਸਕ- ਉਜ਼ਬੇਕਿਸਤਾਨ ਅਤੇ ਜਾਰਡਨ ਨੇ ਵੀਰਵਾਰ ਨੂੰ ਪਹਿਲੀ ਵਾਰ ਪੁਰਸ਼ ਵਿਸ਼ਵ ਕੱਪ ਫੁੱਟਬਾਲ ਟੂਰਨਾਮੈਂਟ ਲਈ ਕੁਆਲੀਫਾਈ ਕਰ ਲਿਆ ਹੈ, ਜਦੋਂ ਕਿ ਦੱਖਣੀ ਕੋਰੀਆ ਨੇ ਲਗਾਤਾਰ 11ਵੀਂ ਵਾਰ ਟੂਰਨਾਮੈਂਟ 'ਚ ਆਪਣੀ ਜਗ੍ਹਾ ਪੱਕੀ ਕੀਤੀ। 

ਅਬੂ ਧਾਬੀ ਵਿੱਚ ਸੰਯੁਕਤ ਅਰਬ ਅਮੀਰਾਤ ਵਿਰੁੱਧ ਗੋਲ ਰਹਿਤ ਡਰਾਅ ਉਜ਼ਬੇਕਿਸਤਾਨ ਲਈ ਈਰਾਨ ਤੋਂ ਬਾਅਦ ਗਰੁੱਪ ਏ ਵਿੱਚ ਦੂਜਾ ਆਟੋਮੈਟਿਕ ਕੁਆਲੀਫਾਈ ਸਥਾਨ ਪੱਕਾ ਕਰਨ ਲਈ ਕਾਫ਼ੀ ਸੀ। ਗਰੁੱਪ ਬੀ ਵਿੱਚ, ਦੱਖਣੀ ਕੋਰੀਆ ਨੇ ਇਰਾਕ ਨੂੰ 2-0 ਨਾਲ ਹਰਾ ਕੇ ਵਿਸ਼ਵ ਕੱਪ ਵਿੱਚ ਆਪਣੀ ਜਗ੍ਹਾ ਪੱਕੀ ਕੀਤੀ। 

ਇਹ ਵੀ ਪੜ੍ਹੋ- ਵਿਕਟਰੀ ਪਰੇਡ ਦੌਰਾਨ ਭਾਜੜ ਦੇ ਮਾਮਲੇ 'ਚ RCB ਖ਼ਿਲਾਫ਼ ਪੁਲਸ ਦੀ ਵੱਡੀ ਕਾਰਵਾਈ

ਦੱਖਣੀ ਕੋਰੀਆ ਦੀ ਦੋ ਗੋਲਾਂ ਦੇ ਫਰਕ ਨਾਲ ਜਿੱਤ ਜੌਰਡਨ ਲਈ ਪਹਿਲੀ ਵਾਰ ਵਿਸ਼ਵ ਕੱਪ ਵਿੱਚ ਜਗ੍ਹਾ ਬਣਾਉਣ ਲਈ ਕਾਫ਼ੀ ਸੀ। ਇਸ ਤੋਂ ਪਹਿਲਾਂ ਉਸ ਨੇ ਓਮਾਨ ਨੂੰ 3-0 ਨਾਲ ਹਰਾ ਕੇ ਟਾਪ-2 'ਚ ਜਗ੍ਹਾ ਬਣਾਈ ਸੀ। ਅਲੀ ਓਲਵਾਨ ਨੇ ਜਾਰਡਨ ਲਈ ਤਿੰਨੋਂ ਗੋਲ ਕੀਤੇ। ਗਰੁੱਪ ਸੀ ਵਿੱਚ, ਚੀਨ ਜਕਾਰਤਾ ਵਿੱਚ ਇੰਡੋਨੇਸ਼ੀਆ ਤੋਂ 1-0 ਨਾਲ ਹਾਰ ਗਿਆ। 

ਇਸ ਗਰੁੱਪ ਦੇ ਇੱਕ ਹੋਰ ਮੈਚ ਵਿੱਚ, ਆਸਟ੍ਰੇਲੀਆ ਨੇ ਪਰਥ ਵਿੱਚ ਪਹਿਲਾਂ ਹੀ ਕੁਆਲੀਫਾਈ ਕੀਤੀ ਜਾਪਾਨ ਟੀਮ ਨੂੰ ਅਜ਼ੀਜ਼ ਬੇਹਿਚ ਦੇ ਆਖਰੀ ਮਿੰਟ ਦੇ ਗੋਲ ਨਾਲ 1-0 ਨਾਲ ਹਰਾਇਆ। ਇਸ ਨਾਲ ਆਸਟ੍ਰੇਲੀਆ ਲਗਾਤਾਰ ਛੇਵੀਂ ਵਾਰ ਵਿਸ਼ਵ ਕੱਪ ਵਿੱਚ ਖੇਡਣ ਦੇ ਨੇੜੇ ਪਹੁੰਚ ਗਿਆ। ਇਹ 16 ਸਾਲਾਂ ਵਿੱਚ ਜਾਪਾਨ ਵਿਰੁੱਧ ਆਸਟ੍ਰੇਲੀਆ ਦੀ ਪਹਿਲੀ ਜਿੱਤ ਸੀ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e