ਅੰਡਰ-19 ਵਿਸ਼ਵ ਕੱਪ : ਬੰਗਲਾਦੇਸ਼ ਨੂੰ ਹਰਾ ਕੇ ਪਾਕਿਸਤਾਨ ਪੰਜਵੇਂ ਸਥਾਨ ਨਾਲ ਪਲੇਆਫ ''ਚ ਪੁੱਜਾ
Tuesday, Feb 01, 2022 - 01:31 PM (IST)
ਕੂਲਿਜ- ਹਸੀਬੁੱਲ੍ਹਾ ਖ਼ਾਨ ਦੇ ਅਰਧ ਸੈਂਕੜੇ ਦੀ ਮਦਦ ਨਾਲ ਪਾਕਿਸਤਾਨ ਨੇ ਅੰਡਰ-19 ਵਿਸ਼ਵ ਕੱਪ ਦੇ ਮੁਕਾਬਲੇ 'ਚ ਬੰਗਲਾਦੇਸ਼ ਨੂੰ 6 ਵਿਕਟਾਂ ਨਾਲ ਹਰਾ ਦਿੱਤਾ ਜਦਕਿ ਬੰਗਲਾਦੇਸ਼ ਲਈ ਆਰਿਫੁਲ ਇਸਲਾਮ ਦਾ ਸੈਂਕੜਾ ਬੇਕਾਰ ਗਿਆ।
ਬੰਗਲਾਦੇਸ਼ ਦੀ ਪਾਰੀ ਦਾ ਆਕਰਸ਼ਣ ਇਸਲਾਮ ਰਹੇ ਜਿਨ੍ਹਾਂ ਨੇ 12 ਓਵਰ 'ਚ ਆ ਕੇ ਮੋਰਚਾ ਸੰਭਾਲਿਆ। ਉਸ ਸਮੇਂ ਟੀਮ ਨੇ 23 ਦੌੜਾਂ 'ਤੇ ਤਿੰਨ ਵਿਕਟਾਂ ਗੁਆ ਦਿੱਤੀਆਂ ਸਨ। ਪਿਛਲੀਆਂ ਦੋ ਪਾਰੀਆਂ 'ਚ ਇਸਲਾਮ ਦੋਹਰੇ ਅੰਕ ਤਕ ਵੀ ਨਹੀਂ ਪਹੁੰਚ ਸਕੇ ਸਨ ਪਰ ਇਸ ਮੈਚ 'ਚ ਉਨ੍ਹਾਂ ਵਾਪਸੀ ਕਰਦੇ ਹੋਏ ਛੱਕਾ ਲਾ ਕੇ ਅਰਧ ਸੈਂਕੜਾ ਪੂਰਾ ਕੀਤਾ। ਦੂਜੇ ਪਾਸੇ ਤੋਂ ਉਨ੍ਹਾਂ ਨੂੰ ਸਹਿਯੋਗ ਨਹੀਂ ਮਿਲ ਸਕਿਆ। ਪਾਕਿਸਤਾਨ ਲਈ ਮੇਹਰਾਨ ਮੁਮਤਾਜ ਨੇ 10 ਓਵਰ 'ਚ 16 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ।
ਇਸਲਾਮ ਨੇ ਅਵੈਸ ਅਲੀ ਨੂੰ ਇਕ ਓਵਰ 'ਚ ਤਿੰਨ ਛੱਕੇ ਜੜੇ। ਉਨ੍ਹਾਂ ਨੇ 49ਵੇਂ ਓਵਰ 'ਚ ਆਪਣਾ ਸੈਂਕੜਾ 118 ਗੇਂਦਾਂ 'ਤੇ ਪੂਰਾ ਕੀਤਾ। ਪਾਕਿਸਤਾਨ ਹੁਣ ਵੀਰਵਾਰ ਨੂੰ ਸ਼੍ਰੀਲੰਕਾ ਤੋਂ ਪੰਜਵੇਂ ਸਥਾਨ ਦਾ ਪਲੇਆਫ ਮੁਕਾਬਲਾ ਖੇਡੇਗਾ ਜਦਕਿ ਬੰਗਲਾਦੇਸ਼ ਸਤਵੇਂ ਸਥਾਨ ਦੇ ਮੁਕਾਬਲੇ 'ਚ ਦੱਖਣੀ ਅਫਰੀਕਾ ਦਾ ਸਾਹਮਣਾ ਕਰੇਗਾ। ਪਲੇਟ ਵਰਗ ਦੇ ਫਾਈਨਲ 'ਚ ਸੰਯੁਕਤ ਅਰਬ ਅਮੀਰਾਤ ਨੇ ਆਇਰਲੈਂਡ ਨੂੰ 8 ਵਿਕਟਾਂ ਨਾਲ ਹਰਾਇਆ।
