ਏਸ਼ੀਆ ਕੱਪ ''ਚ ਭਾਰਤ-ਪਾਕਿ ਮੈਚ ਤੋਂ ਪਹਿਲਾਂ ਮਿਲੀ ਧਮਕੀ, ਜਾਣੋ ਪੂਰਾ ਮਾਮਲਾ

ਸਪੋਰਟਸ ਡੈਸਕ- ਅੱਜ ਦੁਬਈ ਵਿੱਚ ਹੋਣ ਵਾਲੇ ਭਾਰਤ ਅਤੇ ਪਾਕਿਸਤਾਨ ਦੇ ਕ੍ਰਿਕਟ ਮੈਚ ਨੂੰ ਲੈ ਕੇ ਮਹਾਰਾਸ਼ਟਰ ਵਿੱਚ ਹੰਗਾਮਾ ਹੋ ਰਿਹਾ ਹੈ। ਇਸ ਦੌਰਾਨ, ਸ਼ਿਵ ਸੈਨਾ (ਊਧਵ ਬਾਲਾ ਸਾਹਿਬ ਠਾਕਰੇ) ਦੇ ਨੇਤਾ ਸ਼ਰਦ ਕੋਲੀ ਨੇ ਰਾਜ ਦੇ ਸਾਰੇ ਹੋਟਲ ਮਾਲਕਾਂ ਨੂੰ ਧਮਕੀ ਦਿੱਤੀ ਹੈ ਕਿ ਜੇਕਰ ਉਹ ਮੈਚ ਦੀ ਲਾਈਵ ਸਟ੍ਰੀਮਿੰਗ ਕਰਨਗੇ ਤਾਂ ਉਨ੍ਹਾਂ ਦੇ ਹੋਟਲ ਤੋੜ ਦਿੱਤੇ ਜਾਣਗੇ। ਇਹ ਧਮਕੀ ਇੱਕ ਵੀਡੀਓ ਰਾਹੀਂ ਦਿੱਤੀ ਗਈ ਹੈ, ਜਿਸ ਵਿੱਚ ਕੋਲੀ ਨੇ ਹੱਥ ਵਿੱਚ ਕ੍ਰਿਕਟ ਬੱਲਾ ਵੀ ਫੜਿਆ ਹੋਇਆ ਹੈ।

ਸ਼ਰਦ ਕੋਲੀ ਸੋਲਾਪੁਰ ਤੋਂ ਸ਼ਿਵ ਸੈਨਾ (ਯੂਬੀਟੀ) ਦੇ ਨੇਤਾ ਹਨ। ਉਨ੍ਹਾਂ ਦੀ ਧਮਕੀ ਭਰੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿੱਚ ਉਹ ਕਹਿ ਰਹੇ ਹਨ, "ਦੁਬਈ ਵਿੱਚ ਭਾਰਤ ਅਤੇ ਪਾਕਿਸਤਾਨ ਦਾ ਮੈਚ ਹੋਣ ਜਾ ਰਿਹਾ ਹੈ। ਮੈਚ ਉਸ ਪਾਪੀ ਪਾਕਿਸਤਾਨ ਨਾਲ ਹੋਣ ਜਾ ਰਿਹਾ ਹੈ, ਜਿਸਨੇ ਸਾਡੇ ਦੇਸ਼ ਅਤੇ ਮਹਾਰਾਸ਼ਟਰ ਦੀਆਂ ਭੈਣਾਂ ਦਾ ਸਿੰਦੂਰ ਪੂੰਝ ਦਿੱਤਾ ਹੈ।"

ਉਸਨੇ ਅੱਗੇ ਕਿਹਾ, "ਮੈਂ ਮਹਾਰਾਸ਼ਟਰ ਦੇ ਸਾਰੇ ਹੋਟਲ ਮਾਲਕਾਂ ਨੂੰ ਹੱਥ ਜੋੜ ਕੇ ਬੇਨਤੀ ਕਰਦਾ ਹਾਂ ਕਿ ਪਾਕਿਸਤਾਨ ਦਾ ਮੈਚ ਮਹਾਰਾਸ਼ਟਰ ਦੇ ਕਿਸੇ ਵੀ ਹੋਟਲ ਵਿੱਚ ਨਾ ਦਿਖਾਇਆ ਜਾਵੇ। ਜੇਕਰ ਤੁਸੀਂ ਦੇਸ਼ ਨੂੰ ਪਿਆਰ ਕਰਦੇ ਹੋ, ਤਾਂ ਤੁਸੀਂ ਇਸ ਮੈਚ ਨੂੰ ਆਪਣੇ ਹੋਟਲ ਵਿੱਚ ਲਾਈਵ ਸਟ੍ਰੀਮ ਨਹੀਂ ਕਰੋਗੇ।"

ਇਸ ਤੋਂ ਬਾਅਦ, ਕੋਹਲੀ ਨੇ ਧਮਕੀ ਭਰੇ ਲਹਿਜੇ ਵਿੱਚ ਚੇਤਾਵਨੀ ਦਿੱਤੀ, "ਜੇਕਰ ਕੋਈ ਹੋਟਲ ਮਾਲਕ ਜਾਂ ਸੰਚਾਲਕ ਭਾਰਤ-ਪਾਕਿਸਤਾਨ ਮੈਚ ਦਿਖਾਉਂਦਾ ਹੈ, ਤਾਂ ਯਾਦ ਰੱਖੋ, ਉਸਦਾ ਹੋਟਲ ਇਸ ਬੱਲੇ ਨਾਲ ਤੋੜ ਦਿੱਤਾ ਜਾਵੇਗਾ। ਅਤੇ ਹੋਟਲ ਮਾਲਕ ਅਤੇ ਨਿਰਦੇਸ਼ਕ ਖੁਦ ਇਸ ਲਈ ਜ਼ਿੰਮੇਵਾਰ ਹੋਣਗੇ।"

ਜ਼ਿਕਯੋਗ ਹੈ ਕਿ ਪਾਕਿਸਤਾਨ ਸਮਰਥਨ ਅੱਤਵਾਦੀਆਂ ਨੇ ਕਸ਼ਮੀਰ 'ਚ ਬੇਕਸੂਰ ਭਾਰਤੀ ਸੈਲਾਨੀਆਂ ਦੀਆਂ ਹੱਤਿਆਵਾਂ ਕਰ ਦਿੱਤੀਆਂ ਸਨ। ਇਸ ਕਾਰਨ ਪਾਕਿਸਤਾਨ ਖਿਲਾਫ ਉਦੋਂ ਤੋਂ ਦੇਸ਼ ਭਰ 'ਚ ਗੁੱਸੇ ਦਾ ਮਾਹੌਲ ਹੈ। ਕਈ ਲੋਕ ਇਸ ਕਾਰਨ ਭਾਰਤ-ਪਾਕਿ ਵਿਚਾਲੇ ਖੇਡ ਸਬੰਧਾਂ ਦੇ ਖਿਲਾਫ ਹਨ ਤੇ ਭਾਰਤ- ਪਾਕਿ ਮੈਚ ਦਾ ਵਿਰੋਧ ਕਰ ਰਹੇ ਹਨ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8