ਇਹ ਧਾਕੜ ਖਿਡਾਰੀ ਹੋਇਆ IPL ''ਚੋਂ ਬਾਹਰ, ਰਿਪਲੇਸਮੈਂਟ ਦਾ ਅਚਾਨਕ ਕਰਨਾ ਪਿਆ ਐਲਾਨ

ਸਪੋਰਟਸ ਡੈਸਕ- ਆਈਪੀਐਲ 2025 ਵਿੱਚ ਰਾਜਸਥਾਨ ਰਾਇਲਜ਼ ਦਾ ਪ੍ਰਦਰਸ਼ਨ ਬਹੁਤ ਨਿਰਾਸ਼ਾਜਨਕ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਟੀਮ ਪਲੇਆਫ ਦੀ ਦੌੜ ਤੋਂ ਬਾਹਰ ਹੋ ਗਈ ਹੈ। ਹੁਣ ਰਾਜਸਥਾਨ ਨੂੰ ਮੌਜੂਦਾ ਸੀਜ਼ਨ ਵਿੱਚ ਆਪਣੇ ਬਾਕੀ ਦੋ ਮੈਚ ਖੇਡਣੇ ਹਨ। ਇਸ ਤੋਂ ਪਹਿਲਾਂ ਟੀਮ ਲਈ ਬੁਰੀ ਖ਼ਬਰ ਆ ਗਈ ਹੈ। ਟੀਮ ਦੇ ਹਮਲਾਵਰ ਬੱਲੇਬਾਜ਼ ਨਿਤੀਸ਼ ਰਾਣਾ ਬਾਕੀ ਦੋ ਮੈਚਾਂ ਤੋਂ ਬਾਹਰ ਹਨ। ਸੱਟ ਕਾਰਨ ਰਾਣਾ ਰਾਜਸਥਾਨ ਲਈ ਅਗਲੇ ਦੋ ਮੈਚ ਨਹੀਂ ਖੇਡ ਸਕੇਗਾ।

ਇਹ ਵੀ ਪੜ੍ਹੋ : ਭਾਰਤ-ਪਾਕਿ ਤਣਾਅ ਵਿਚਾਲੇ IPL ਬਾਰੇ BCCI ਦਾ ਵੱਡਾ ਫ਼ੈਸਲਾ

ਨਿਤੀਸ਼ ਰਾਣਾ ਸੱਟ ਕਾਰਨ 4 ਮਈ ਨੂੰ ਖੇਡਿਆ ਗਿਆ ਰਾਜਸਥਾਨ ਬਨਾਮ ਕੋਲਕਾਤਾ ਮੈਚ ਨਹੀਂ ਖੇਡ ਸਕਿਆ। ਇਸ ਮੈਚ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਦੀ ਟੀਮ 1 ਦੌੜ ਨਾਲ ਜਿੱਤ ਗਈ। ਉਸਨੇ ਆਪਣਾ ਆਖਰੀ ਮੈਚ 1 ਮਈ ਨੂੰ ਮੁੰਬਈ ਇੰਡੀਅਨਜ਼ ਵਿਰੁੱਧ ਖੇਡਿਆ, ਜਿਸ ਵਿੱਚ ਉਸਨੇ 9 ਦੌੜਾਂ ਬਣਾਈਆਂ। ਇਸ ਸੀਜ਼ਨ ਵਿੱਚ, ਰਾਣਾ ਨੇ 11 ਮੈਚਾਂ ਵਿੱਚ 21.70 ਦੀ ਔਸਤ ਅਤੇ 161.94 ਦੇ ਸਟ੍ਰਾਈਕ ਰੇਟ ਨਾਲ 217 ਦੌੜਾਂ ਬਣਾਈਆਂ।

ਰਿਪਲੇਸਮੈਂਟ ਦਾ ਕੀਤਾ ਗਿਆ ਐਲਾਨ 
ਨਿਤੀਸ਼ ਰਾਣਾ ਦੇ ਬਾਹਰ ਹੋਣ ਤੋਂ ਬਾਅਦ, ਰਾਜਸਥਾਨ ਰਾਇਲਜ਼ ਨੇ ਹੁਣ ਉਨ੍ਹਾਂ ਦੀ ਰਿਪਲੇਸਮੈਂਟ ਦਾ ਐਲਾਨ ਕੀਤਾ ਹੈ। ਰਾਜਸਥਾਨ ਨੇ ਦੱਖਣੀ ਅਫਰੀਕਾ ਦੇ ਵਿਕਟਕੀਪਰ-ਬੱਲੇਬਾਜ਼ ਲੁਆਨ-ਡ੍ਰੇ ਪ੍ਰਿਟੋਰੀਅਸ ਨੂੰ ਰਿਪਲੇਸਮੈਂਟ ਵਜੋਂ ਸਾਈਨ ਕੀਤਾ ਹੈ। ਲੁਆਨ-ਡ੍ਰੇ ਪ੍ਰਿਟੋਰੀਅਸ ਨੇ 33 ਟੀ-20 ਮੈਚ ਖੇਡੇ ਹਨ ਅਤੇ 911 ਦੌੜਾਂ ਬਣਾਈਆਂ ਹਨ ਜਿਨ੍ਹਾਂ ਦਾ ਸਭ ਤੋਂ ਵੱਧ ਸਕੋਰ 97 ਹੈ। ਉਨ੍ਹਾਂ ਨੂੰ ਰਾਜਸਥਾਨ ਨੇ 30 ਲੱਖ ਰੁਪਏ ਦੇ ਬੇਸ ਪ੍ਰਾਈਸ 'ਤੇ ਸ਼ਾਮਲ ਕੀਤਾ ਹੈ। ਪ੍ਰੀਟੋਰੀਅਸ ਨੇ 5 ਪਹਿਲੀ ਸ਼੍ਰੇਣੀ ਮੈਚਾਂ ਵਿੱਚ 436 ਦੌੜਾਂ ਅਤੇ 14 ਲਿਸਟ ਏ ਮੈਚਾਂ ਵਿੱਚ 577 ਦੌੜਾਂ ਬਣਾਈਆਂ ਹਨ।

ਇਹ ਵੀ ਪੜ੍ਹੋ : ਕੀ ਬੰਦ ਹੋਵੇਗੀ Dream 11? ਰੋਹਿਤ-ਧੋਨੀ ਸਣੇ ਦਿੱਗਜ ਕ੍ਰਿਕਟਰ ਵੀ ਲਪੇਟ 'ਚ

19 ਸਾਲਾ ਪ੍ਰੀਟੋਰੀਅਸ ਨੇ ਜਨਵਰੀ 2025 ਵਿੱਚ SA20 ਵਿੱਚ ਪਾਰਲ ਰਾਇਲਜ਼ ਲਈ ਆਪਣਾ ਡੈਬਿਊ ਕੀਤਾ ਸੀ। ਉਸਨੇ ਪਾਰਲ ਰਾਇਲਜ਼ ਲਈ 12 ਮੈਚਾਂ ਵਿੱਚ 33.08 ਦੀ ਔਸਤ ਅਤੇ 166.80 ਦੇ ਸਟ੍ਰਾਈਕ ਰੇਟ ਨਾਲ 397 ਦੌੜਾਂ ਬਣਾਈਆਂ। ਉਸਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਦੇਖਣ ਤੋਂ ਬਾਅਦ, ਹੈਂਪਸ਼ਾਇਰ ਕਾਉਂਟੀ ਕ੍ਰਿਕਟ ਕਲੱਬ ਨੇ ਫਰਵਰੀ 2025 ਵਿੱਚ ਉਸਨੂੰ ਸਾਈਨ ਕੀਤਾ।

9ਵੇਂ ਸਥਾਨ 'ਤੇ ਰਾਜਸਥਾਨ
ਰਾਜਸਥਾਨ ਰਾਇਲਜ਼ ਦੀ ਟੀਮ 6 ਅੰਕਾਂ ਨਾਲ ਅੰਕ ਸੂਚੀ ਵਿੱਚ 9ਵੇਂ ਸਥਾਨ 'ਤੇ ਹੈ। ਇਸ ਸੀਜ਼ਨ ਵਿੱਚ, ਟੀਮ 12 ਵਿੱਚੋਂ ਸਿਰਫ਼ 3 ਮੈਚ ਜਿੱਤਣ ਵਿੱਚ ਕਾਮਯਾਬ ਰਹੀ ਹੈ ਜਦੋਂ ਕਿ 9 ਮੈਚਾਂ ਵਿੱਚ ਉਸਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਹੁਣ ਰਾਜਸਥਾਨ ਬਾਕੀ ਰਹਿੰਦੇ 2 ਮੈਚ ਜਿੱਤ ਕੇ ਆਪਣੀ ਮੁਹਿੰਮ ਦਾ ਅੰਤ ਕਰਨ ਦੀ ਕੋਸ਼ਿਸ਼ ਕਰੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8