T20 World Cup ''ਚ ਟੀਮ ਨੂੰ ਲੱਗਾ ਵੱਡਾ ਝਟਕਾ; ਕਪਤਾਨ ਨੂੰ ਲੱਗੀ ਗੰਭੀਰ ਸੱਟ

ਸਪੋਰਟਸ ਡੈਸਕ : ਟੀ-20 ਵਿਸ਼ਵ ਕੱਪ 2026 ਵਿੱਚ ਪਹਿਲੀ ਵਾਰ ਹਿੱਸਾ ਲੈ ਰਹੀ ਇਟਲੀ ਦੀ ਟੀਮ ਲਈ ਅੱਜ ਦਾ ਦਿਨ ਬੇਹੱਦ ਮੰਦਭਾਗਾ ਰਿਹਾ। ਕੋਲਕਾਤਾ ਦੇ ਇਤਿਹਾਸਕ ਈਡਨ ਗਾਰਡਨ ਵਿੱਚ ਸਕਾਟਲੈਂਡ ਵਿਰੁੱਧ ਖੇਡੇ ਜਾ ਰਹੇ ਆਪਣੇ ਪਹਿਲੇ ਹੀ ਮੁਕਾਬਲੇ ਦੌਰਾਨ ਇਟਲੀ ਦੇ ਕਪਤਾਨ ਵੇਨ ਮੈਡਸਨ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ ਹਨ। ਟੂਰਨਾਮੈਂਟ ਵਿੱਚ ਡੈਬਿਊ ਕਰ ਰਹੀ ਟੀਮ ਲਈ ਆਪਣੇ ਕਪਤਾਨ ਦਾ ਇਸ ਤਰ੍ਹਾਂ ਬਾਹਰ ਹੋਣਾ ਇੱਕ ਬਹੁਤ ਵੱਡਾ ਝਟਕਾ ਮੰਨਿਆ ਜਾ ਰਿਹਾ ਹੈ।

ਫੀਲਡਿੰਗ ਦੌਰਾਨ ਮੋਢਾ ਹੋਇਆ ਡਿਸਲੋਕੇਟ 
ਮੈਚ ਦੌਰਾਨ ਚੌਥੇ ਓਵਰ ਵਿੱਚ ਜਦੋਂ ਮੈਡਸਨ ਇੱਕ ਸ਼ਾਨਦਾਰ ਡਾਈਵ ਲਗਾ ਕੇ ਗੇਂਦ ਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਤਾਂ ਉਹ ਆਪਣੇ ਖੱਬੇ ਮੋਢੇ ਦੇ ਭਾਰ ਜ਼ੋਰ ਨਾਲ ਪਿੱਚ 'ਤੇ ਡਿੱਗ ਪਏ। 42 ਸਾਲਾ ਕਪਤਾਨ ਦਰਦ ਨਾਲ ਕਰਾਹੁੰਦੇ ਹੋਏ ਮੈਦਾਨ ਤੋਂ ਬਾਹਰ ਚਲੇ ਗਏ ਅਤੇ ਬਾਅਦ ਵਿੱਚ ਪੁਸ਼ਟੀ ਹੋਈ ਕਿ ਉਨ੍ਹਾਂ ਦਾ ਖੱਬਾ ਮੋਢਾ ਡਿਸਲੋਕੇਟ (ਹਿੱਲ) ਹੋ ਗਿਆ ਹੈ। ਇਸ ਸੱਟ ਕਾਰਨ ਉਹ ਹੁਣ ਇਸ ਮੈਚ ਵਿੱਚ ਅੱਗੇ ਨਹੀਂ ਖੇਡ ਸਕਣਗੇ ਅਤੇ ਉਨ੍ਹਾਂ ਦਾ ਅਗਲੇ ਮੈਚਾਂ ਵਿੱਚ ਖੇਡਣਾ ਵੀ ਸ਼ੱਕੀ ਹੈ।