ਮੁੰਬਈ ਨੂੰ ਹਰਾਉਣ ਮਗਰੋਂ ਪੰਜਾਬ ਦੇ ਇਸ ਖਿਡਾਰੀ ''ਤੇ ਭੜਕੇ ''ਸਰਪੰਚ ਸਾਬ੍ਹ'' ! ਵੀਡੀਓ ਹੋ ਰਹੀ ਵਾਇਰਲ

ਸਪੋਰਟਸ ਡੈਸਕ- ਆਈ.ਪੀ.ਐੱਲ. 2025 ਦੇ ਦੂਜੇ ਕੁਆਲੀਫਾਇਰ 'ਚ ਪੰਜਾਬ ਕਿੰਗਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਸ਼ਾਨ ਨਾਲ ਟੂਰਨਾਮੈਂਟ ਦੇ ਫਾਈਨਲ 'ਚ ਜਗ੍ਹਾ ਬਣਾ ਲਈ ਹੈ। ਇਸ ਮੁਕਾਬਲੇ 'ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਮੁੰਬਈ ਇੰਡੀਅਨਜ਼ ਨੇ 20 ਓਵਰਾਂ 'ਚ 6 ਵਿਕਟਾਂ ਗੁਆ ਕੇ 203 ਦੌੜਾਂ ਬਣਾਈਆਂ ਸਨ, ਜਿਸ ਦਾ ਪਿੱਛਾ ਕਰਦੇ ਹੋਏ ਪੰਜਾਬ ਨੇ ਕਪਤਾਨ ਸ਼੍ਰੇਅਸ ਅਈਅਰ ਦੀ 87 ਦੌੜਾਂ ਦੀ ਧਮਾਕੇਦਾਰ ਪਾਰੀ ਦੀ ਬਦੌਲਤ 5 ਵਿਕਟਾਂ ਗੁਆ ਕੇ ਸਿਰਫ਼ 19 ਓਵਰਾਂ 'ਚ ਹੀ ਟੀਚਾ ਹਾਸਲ ਕਰ ਲਿਆ ਤੇ ਫਾਈਨਲ 'ਚ ਜਗ੍ਹਾ ਪੱਕੀ ਕੀਤੀ। 

ਇਸ ਮੈਚ ਦੌਰਾਨ ਅਈਅਰ ਦੀ ਧਮਾਕੇਦਾਰ ਪਾਰੀ ਤੋਂ ਇਲਾਵਾ ਇਕ ਹੋਰ ਘਟਨਾ ਵੀ ਵਾਪਰੀ, ਜਿਸ ਨੇ ਹਰ ਕਿਸੇ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਇਹ ਘਟਨਾ ਪੰਜਾਬ ਕਿੰਗਜ਼ ਦੀ ਪਾਰੀ ਦੇ 17ਵੇਂ ਓਵਰ 'ਚ ਵਾਪਰੀ, ਜਦੋਂ ਪੰਜਾਬ ਨੂੰ 21 ਗੇਂਦਾਂ 'ਚ ਸਿਰਫ਼ 34 ਦੌੜਾਂ ਦੀ ਲੋੜ ਸੀ ਤੇ ਟੀਮ ਬਿਨਾਂ ਕੋਈ ਰਿਸਕ ਲਏ ਆਸਾਨੀ ਨਾਲ ਜਿੱਤ ਵੱਲ ਵਧ ਰਹੀ ਸੀ। 

ਇਸੇ ਦੌਰਾਨ ਸ਼ਸ਼ਾਂਕ ਨੇ ਮਿਡ-ਆਨ ਵੱਲ ਇਕ ਸ਼ਾਟ ਖੇਡਿਆ ਤੇ ਉਸ ਨੇ ਅਈਅਰ ਨੂੰ ਸਿੰਗਲ ਲੈਣ ਦੀ ਕਾਲ ਕੀਤੀ। ਇਸ ਮਗਰੋਂ ਮੁੰਬਈ ਦੇ ਕਪਤਾਨ ਹਾਰਦਿਕ ਪੰਡਯਾ ਨੇ ਫੁਰਤੀ ਦਿਖਾਉਂਦੇ ਹੋਏ ਡਾਇਰੈਕਟ ਥ੍ਰੋ ਮਾਰੀ, ਜੋ ਕਿ ਵਿਕਟਾਂ 'ਤੇ ਜਾ ਵੱਜੀ। ਹਾਰਦਿਕ ਵੱਲ ਗੇਂਦ ਜਾਂਦੀ ਦੇਖ ਕੇ ਵੀ ਸ਼ਸ਼ਾਂਕ ਨੇ ਤੇਜ਼ੀ ਨਹੀਂ ਦਿਖਾਈ ਤੇ ਉਹ ਹੌਲੀ-ਹੌਲੀ ਭੱਜਦੇ ਰਹੇ, ਜਿਸ ਕਾਰਨ ਉਹ ਰਨ ਆਊਟ ਹੋ ਗਏ। ਸ਼ਸ਼ਾਂਕ ਨੇ ਇਸ ਦੌਰਾਨ ਤੇਜ਼ ਭੱਜਣ ਜਾਂ ਡਾਈਵ ਲਗਾਉਣ ਦੀ ਕੋਸ਼ਿਸ਼ ਨਹੀਂ ਕੀਤੀ, ਜਿਸ ਦਾ ਨਤੀਜਾ ਇਹ ਹੋਇਆ ਕਿ ਇਸ ਮੌਕੇ ਪੰਜਾਬ ਕਿੰਗਜ਼ ਨੂੰ ਇਕ ਵਿਕਟ ਦਾ ਨੁਕਸਾਨ ਹੋ ਗਿਆ। 

ਇਸ ਘਟਨਾ ਕਾਰਨ ਕਪਤਾਨ ਅਈਅਰ ਵੀ ਗੁੱਸੇ 'ਚ ਆ ਗਏ। ਜਦੋਂ ਮੈਚ ਜਿੱਤ ਕੇ ਦੋਵਾਂ ਟੀਮਾਂ ਦੇ ਖਿਡਾਰੀ ਇਕ ਦੂਜੇ ਨਾਲ ਮਿਲ ਰਹੇ ਸਨ ਤਾਂ ਸ਼੍ਰੇਅਸ ਨੇ ਸ਼ਸ਼ਾਂਕ ਨੂੰ ਇਕ ਵਾਰ ਫ਼ਿਰ ਤੋਂ ਗੁੱਸੇ ਨਾਲ ਕੁਝ ਕਿਹਾ ਤੇ ਉਸ ਨਾਲ ਹੱਥ ਵੀ ਨਹੀਂ ਮਿਲਾਇਆ। ਇਸ ਮਾਮਲੇ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਅੰਦਾਜ਼ੇ ਮੁਤਾਬਕ ਅਈਅਰ ਨੇ ਸ਼ਸ਼ਾਂਕ ਨੂੰ ਕਿਹਾ ਕਿ ਮੇਰੇ ਕੋਲ ਨਾ ਆਵੀਂ, ਜਾਂ ਮੇਰੇ ਮੂੰਹ ਨਾ ਲੱਗ ਜਾਵੀਂ...।

After the match is over, Shreyas Iyer is saying something angrily to Shashank Singh, tell me what is he saying?#shreyashiyar |#ShashankSingh #IPLPlayoffs |#PBKSvsMI pic.twitter.com/Eo7s7YHSgn

— Irfan isak shaikh (@irfan_speak786) June 1, 2025

ਟੀਮ ਦੇ ਪ੍ਰਸ਼ੰਸਕ ਉਮੀਦ ਕਰ ਰਹੇ ਹਨ ਕਿ ਇਹ ਗੁੱਸਾ ਵਕਤੀ ਹੋਵੇ ਤੇ ਦੋਵਾਂ ਵਿਚਾਲੇ ਸਭ ਕੁਝ ਠੀਕ ਹੋਵੇ। ਜ਼ਿਕਰਯੋਗ ਹੈ ਕਿ ਦੂਜਾ ਕੁਆਲੀਫਾਇਰ ਜਿੱਤਣ ਮਗਰੋਂ ਪੰਜਾਬ ਕਿੰਗਜ਼ ਫਾਈਨਲ 'ਚ ਪੁੱਜ ਗਈ ਹੈ ਤੇ 3 ਜੂਨ ਨੂੰ ਉਹ ਰਾਇਲ ਚੈਲੰਜਰਜ਼ ਬੰਗਲੁਰੂ ਨਾਲ ਖ਼ਿਤਾਬੀ ਮੁਕਾਬਲੇ 'ਚ ਭਿੜੇਗੀ। ਟੂਰਨਾਮੈਂਟ ਦਾ ਫਾਈਨਲ ਮੁਕਾਬਲਾ 3 ਜੂਨ ਸ਼ਾਮ 7.30 ਵਜੇ ਗੁਜਰਾਤ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। 

ਇਹ ਵੀ ਪੜ੍ਹੋ- IPL 2025 ; ਫਾਈਨਲ 'ਚ ਧਮਾਕੇਦਾਰ ਐਂਟਰੀ ਮਗਰੋਂ ਪੰਜਾਬ ਕਿੰਗਜ਼ ਨੂੰ ਪੈ ਗਿਆ ਵੱਡਾ ਘਾਟਾ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e