21 ਜਨਵਰੀ ਤੋਂ ਸ਼ੁਰੂ ਹੋਵੇਗੀ ਸੰਤੋਸ਼ ਟਰਾਫੀ

ਨਵੀਂ ਦਿੱਲੀ– 79ਵੀਂ ਰਾਸ਼ਟਰੀ ਫੁੱਟਬਾਲ ਚੈਂਪੀਅਨਸ਼ਿਪ ਸੰਤੋਸ਼ ਟਰਾਫੀ 2025-26 ਆਸਾਮ ਦੇ ਢਕੁਆਖਾਨਾ ਤੇ ਸਿਲਾਪਾਆਥਰ 'ਚ ਦੇਸ਼ ਭਰ ਦੀਆਂ 12 ਟੀਮਾਂ ਵਿਚਾਲੇ 21 ਜਨਵਰੀ ਤੋਂ 8 ਫਰਵਰੀ ਤੱਕ ਖੇਡੀ ਜਾਵੇਗੀ।

ਅਖਿਲ ਭਾਰਤੀ ਫੁੱਟਬਾਲ ਮਹਾਸੰਘ ਨੇ ਇਸ ਮਹੀਨੇ ਸ਼ੁਰੂ ਹੋਣ ਵਾਲੀ ਸੰਤੋਸ਼ ਟਰਾਫੀ ਦੇ ਫਾਈਨਲ ਡਰਾਅ ਦਾ ਐਲਾਨ ਕੀਤਾ ਹੈ। ਇਸ ਚੈਂਪੀਅਨਸ਼ਿਪ ਵਿਚ ਸ਼ਾਮਲ 12 ਟੀਮਾਂ ਨੂੰ ਏ ਤੇ ਬੀ ਗਰੁੱਪਾਂ ਵਿਚ ਵੰਡਿਆ ਗਿਆ ਹੈ। ਗਰੁੱਪ-ਏ ਵਿਚ ਆਸਾਮ, ਪੱਛਮੀ ਬੰਗਾਲ, ਤਾਮਿਲਨਾਡੂ, ਉੱਤਰਾਖੰਡ, ਨਾਗਾਲੈਂਡ ਤੇ ਰਾਜਸਥਾਨ ਹਨ ਜਦਕਿ ਗਰੁੱਪ-ਬੀ ਵਿਚ ਕੇਰਲ, ਸਰਵਿਸਿਜ਼, ਪੰਜਾਬ, ਓਡਿਸ਼ਾ, ਰੇਲਵੇ ਤੇ ਮੇਘਾਲਿਆ ਹਨ। ਇਸ ਟੂਰਨਾਮੈਂਟ ਦੀ ਸ਼ੁਰੂਆਤ 1941 ਵਿਚ ਹੋਈ ਸੀ ਤੇ ਪੱਛਮੀ ਬੰਗਾਲ ਨੇ ਸੰਤੋਸ਼ ਟਰਾਫੀ ਦਾ ਰਿਕਾਰਡ 32 ਵਾਰ ਖਿਤਾਬ ਜਿੱਤਿਆ ਹੈ।