ਰੋਨਾਲਡੋ ਨੇ 2 ਗੋਲ ਕਰ ਕੇ ਸਊਦੀ ਅਰਬ ’ਚ ਖਿਤਾਬ ਦਾ ਸੋਕਾ ਕੀਤਾ ਖਤਮ

ਰਿਆਦ- ਧਾਕੜ ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਆਖਿਰ ’ਚ ਸਊਦੀ ਅਰਬ ’ਚ ਕੋਈ ਵੱਡੀ ਟਰਾਫੀ ਜਿੱਤਣ ’ਚ ਸਫਲ ਰਿਹਾ। ਪੁਰਤਗਾਲ ਦੇ ਇਸ 41 ਸਾਲਾ ਸਟਾਰ ਖਿਡਾਰੀ ਦੇ 2 ਗੋਲ ਦੀ ਮਦਦ ਨਾਲ ਅਲ ਨਾਸਰ ਨੇ ਦਮਾਕ ਵਿਰੁੱਧ 4-1 ਨਾਲ ਜਿੱਤ ਹਾਸਲ ਕੀਤੀ ਅਤੇ ਇਸ ਤਰ੍ਹਾਂ ਨਾਲ ਸਊਦੀ ਪ੍ਰੋ ਲੀਗ ਦਾ ਖਿਤਾਬ ਆਪਣੇ ਨਾਂ ਕੀਤਾ।

ਰੋਨਾਲਡੋ ਦੇ ਅਲ ਨਾਸਰ ਕਲੱਬ ’ਚ ਸ਼ਾਮਿਲ ਹੋਣ ਦੇ 3 ਸਾਲ ਤੋਂ ਵੱਧ ਸਮੇਂ ਬਾਅਦ ਇਹ ਟੀਮ ਦੀ ਪਹਿਲੀ ਵੱਡੀ ਟਰਾਫੀ ਹੈ। ਪੁਰਤਗਾਲ ਦੀ ਵਿਸ਼ਵ ਕੱਪ ਟੀਮ ’ਚ ਸ਼ਾਮਿਲ ਕੀਤੇ ਜਾਣ ਦੇ ਠੀਕ 2 ਦਿਨ ਬਾਅਦ ਰੋਨਾਲਡੋ ਨੇ ਟਰਾਫੀ ਚੁੱਕੀ। ਰੋਨਾਲਡੋ ਰਿਕਾਰਡ 6ਵੀਂ ਵਾਰ ਵਿਸ਼ਵ ਕੱਪ ’ਚ ਹਿੱਸਾ ਲੈਵੇਗਾ।

ਇਸ ਜਿੱਤ ਨੇ ਅਲ ਨਾਸਰ ਨੂੰ ਲੀਗ ’ਚ ਚੋਟੀ ਸਥਾਨ ਦੁਆ ਦਿੱਤਾ। ਉਹ ਅਲ-ਹਿਲਾਲ ਤੋਂ 2 ਅੰਕ ਅੱਗੇ ਰਿਹਾ। ਅਲ-ਹਿਲਾਲ ਨੇ 34 ਮੈਚਾਂ ਦੇ ਸੈਸ਼ਨ ’ਚ ਅਜੇਤੂ ਰਹਿਣ ਦੇ ਬਾਵਜੂਦ ਦੂਜਾ ਸਥਾਨ ਹਾਸਲ ਕੀਤਾ। ਸਾਦਿਓ ਮਾਨੇ ਤੇ ਕਿੰਗਸਲੇ ਕੋਮਨ ਦੇ ਗੋਲ ਨਾਲ ਅਲ ਨਾਸਰ ਨੇ ਦੂਜੇ ਹਾਫ਼ ’ਚ ਬੜ੍ਹਤ ਬਣਾ ਲਈ, ਜਿਸ ਤੋਂ ਬਾਅਦ ਰੋਨਾਲਡੋ ਨੇ ਸੈਸ਼ਨ ਦੇ ਲੀਗ ’ਚ ਆਪਣੇ 27ਵੇਂ ਤੇ 28ਵੇਂ ਗੋਲ ਕੀਤੇ।