IPL ਵਿਚਾਲੇ ਵੱਡਾ ਬਦਲਾਅ ! 156602325000 ਰੁਪਏ ''ਚ ਵਿਕ ਗਈ ਇਹ ਟੀਮ

ਸਪੋਰਟਸ ਡੈਸਕ : ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਡੇ ਸੌਦਿਆਂ ਵਿੱਚੋਂ ਇੱਕ ਦਾ ਐਲਾਨ ਹੋਇਆ ਹੈ। ਸਟੀਲ ਕਿੰਗ ਲਕਸ਼ਮੀ ਨਿਵਾਸ ਮਿੱਤਲ ਤੇ ਉਨ੍ਹਾਂ ਦੇ ਬੇਟੇ ਆਦਿਤਿਆ ਮਿੱਤਲ ਨੇ ਸੀਰਮ ਇੰਸਟੀਚਿਊਟ ਦੇ ਅਦਾਰ ਪੂਨਾਵਾਲਾ ਨਾਲ ਮਿਲ ਕੇ ਰਾਜਸਥਾਨ ਰਾਇਲਸ ਨੂੰ ਖਰੀਦਣ ਦਾ ਸਮਝੌਤਾ ਕੀਤਾ ਹੈ। ਇਹ ਡੀਲ ਲਗਭਗ 1.65 ਬਿਲੀਅਨ ਡਾਲਰ (ਕਰੀਬ 15,600 ਕਰੋੜ ਰੁਪਏ) ਵਿੱਚ ਹੋਈ ਹੈ, ਜੋ ਇਸ ਟੀਮ ਦੀ ਗਲੋਬਲ ਵੈਲਿਊ ਨੂੰ ਦਰਸਾਉਂਦੀ ਹੈ।

ਮਾਲਕੀ ਦਾ ਨਵਾਂ ਢਾਂਚਾ ਤੇ ਹਿੱਸੇਦਾਰੀ ਇਸ ਨਵੇਂ ਸਮਝੌਤੇ ਤੋਂ ਬਾਅਦ ਰਾਜਸਥਾਨ ਰਾਇਲਸ ਦੇ ਬੋਰਡ ਦਾ ਢਾਂਚਾ ਪੂਰੀ ਤਰ੍ਹਾਂ ਬਦਲ ਜਾਵੇਗਾ:
•ਮਿੱਤਲ ਪਰਿਵਾਰ: 75 ਫੀਸਦੀ ਹਿੱਸੇਦਾਰੀ ਦੇ ਨਾਲ ਟੀਮ ਦਾ ਨਵਾਂ ਮੁਖੀ ਹੋਵੇਗਾ।
•ਅਦਾਰ ਪੂਨਾਵਾਲਾ: 18 ਫੀਸਦੀ ਹਿੱਸੇਦਾਰੀ ਹੋਵੇਗੀ।
•ਮਨੋਜ ਬਡਾਲੇ ਅਤੇ ਹੋਰ ਨਿਵੇਸ਼ਕ: ਬਾਕੀ ਬਚੀ 7 ਫੀਸਦੀ ਹਿੱਸੇਦਾਰੀ ਇਨ੍ਹਾਂ ਕੋਲ ਰਹੇਗੀ। ਮੌਜੂਦਾ ਮਾਲਕ ਮਨੋਜ ਬਡਾਲੇ ਨਵੇਂ ਅਤੇ ਪੁਰਾਣੇ ਪ੍ਰਬੰਧਨ ਵਿਚਕਾਰ ਤਾਲਮੇਲ ਬਣਾਈ ਰੱਖਣ ਲਈ ਟੀਮ ਨਾਲ ਜੁੜੇ ਰਹਿਣਗੇ।
    
ਸਿਰਫ਼ IPL ਹੀ ਨਹੀਂ, ਪੂਰਾ 'ਰਾਇਲਸ ਪਰਿਵਾਰ' ਸ਼ਾਮਲ
ਇਹ 1.65 ਬਿਲੀਅਨ ਡਾਲਰ ਦੀ ਕੀਮਤ ਸਿਰਫ਼ ਭਾਰਤੀ IPL ਟੀਮ ਲਈ ਨਹੀਂ ਹੈ। ਇਸ ਸੌਦੇ ਵਿੱਚ ਰਾਜਸਥਾਨ ਰਾਇਲਸ ਦੀਆਂ ਦੋ ਹੋਰ ਵਿਦੇਸ਼ੀ ਟੀਮਾਂ — ਦੱਖਣੀ ਅਫਰੀਕਾ ਦੀ ਪਾਰਲ ਰਾਇਲਸ ਅਤੇ ਕੈਰੇਬੀਅਨ ਪ੍ਰੀਮੀਅਰ ਲੀਗ ਦੀ ਬਾਰਬਾਡੋਸ ਰਾਇਲਸ ਵੀ ਸ਼ਾਮਲ ਹਨ। ਇਸ ਸੌਦੇ ਨੂੰ ਪੂਰੀ ਤਰ੍ਹਾਂ ਲਾਗੂ ਹੋਣ ਲਈ BCCI ਅਤੇ IPL ਗਵਰਨਿੰਗ ਕੌਂਸਲ ਤੋਂ ਮਨਜ਼ੂਰੀ ਦੀ ਲੋੜ ਹੈ, ਜੋ 2026 ਦੇ ਅਖੀਰ ਤੱਕ ਮਿਲਣ ਦੀ ਉਮੀਦ ਹੈ।

ਪਿਛਲੀ ਡੀਲ ਕਿਉਂ ਟੁੱਟੀ?
 ਖਬਰਾਂ ਅਨੁਸਾਰ, ਇਸ ਤੋਂ ਪਹਿਲਾਂ ਕਾਲ ਸੋਮਾਨੀ ਦੀ ਅਗਵਾਈ ਵਾਲੇ ਕੰਸੋਰਟੀਅਮ ਨੇ ਟੀਮ ਖਰੀਦਣ ਲਈ ਸਫਲ ਬੋਲੀ ਲਗਾਈ ਸੀ ਪਰ ਆਖਰੀ ਸਮੇਂ 'ਤੇ ਫੰਡਾਂ (ਪੈਸਿਆਂ) ਦੇ ਪ੍ਰਬੰਧ ਵਿੱਚ ਦਿੱਕਤ ਆਉਣ ਕਾਰਨ ਉਹ ਡੀਲ ਪੂਰੀ ਨਹੀਂ ਹੋ ਸਕੀ, ਜਿਸ ਤੋਂ ਬਾਅਦ ਮਿੱਤਲ ਪਰਿਵਾਰ ਅਤੇ ਪੂਨਾਵਾਲਾ ਨੇ ਮੈਦਾਨ ਵਿੱਚ ਉਤਰ ਕੇ ਇਸ ਇਤਿਹਾਸਕ ਸੌਦੇ ਨੂੰ ਅੰਜਾਮ ਦਿੱਤਾ।

ਰਾਜਸਥਾਨ ਨਾਲ ਭਾਵੁਕ ਸਾਂਝ
 ਟੀਮ ਖਰੀਦਣ ਤੋਂ ਬਾਅਦ ਲਕਸ਼ਮੀ ਨਿਵਾਸ ਮਿੱਤਲ ਨੇ ਕਿਹਾ ਕਿ ਉਨ੍ਹਾਂ ਦਾ ਪਰਿਵਾਰ ਮੂਲ ਰੂਪ ਵਿੱਚ ਰਾਜਸਥਾਨ ਤੋਂ ਹੈ, ਇਸ ਲਈ ਰਾਜਸਥਾਨ ਰਾਇਲਸ ਉਨ੍ਹਾਂ ਲਈ ਸਿਰਫ਼ ਇੱਕ ਟੀਮ ਨਹੀਂ ਬਲਕਿ ਇੱਕ ਜਜ਼ਬਾਤ ਹੈ। ਆਦਿਤਿਆ ਮਿੱਤਲ ਨੇ ਕਿਹਾ ਕਿ ਉਹ ਟੀਮ ਦੀ ਨਵੀਂ ਪ੍ਰਤਿਭਾ ਨੂੰ ਨਿਖਾਰਨ ਵਾਲੀ ਵਿਰਾਸਤ ਨੂੰ ਹੋਰ ਅੱਗੇ ਲਿਜਾਣਾ ਚਾਹੁੰਦੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e