ਧੋਨੀ ਦੇ ਦਸਤਾਨਿਆਂ 'ਤੇ ਪਾਕਿ ਮੰਤਰੀ ਦਾ ਬਿਆਨ, 'ਕ੍ਰਿਕਟ ਖੇਡਣ ਗਏ ਹਨ ਮਹਾਭਾਰਤ ਲਈ ਨਹੀਂ'
06/07/2019 1:24:32 PM
ਸਪੋਰਟਸ ਡੈਸਕ—ਆਈ. ਸੀ. ਸੀ ਵਲੋਂ ਭਾਰਤੀ ਕ੍ਰਿਕਟ ਟੀਮ ਦੇ ਵਿਕਟਕੀਪਰ ਮਹਿੰਦਰ ਸਿੰਘ ਧੋਨੀ ਨੂੰ ਆਪਣੇ ਦਸਤਾਨਿਆਂ 'ਤੇ ਬਣੇ ਭਾਰਤੀ ਫੌਜ ਦੇ ਬਲੀਦਾਨ ਚਿੰਨ੍ਹ ਨੂੰ ਹਟਾਉਣ ਦਾ ਨਿਰਦੇਸ਼ ਦਿੱਤੇ ਜਾਣ ਤੋਂ ਬਾਅਦ ਪਾਕਿਸਤਾਨ ਦੇ ਇਕ ਮੰਤਰੀ ਨੇ ਉਨ੍ਹਾਂ ਨੂੰ ਨਿਸ਼ਾਨੇ 'ਤੇ ਲਿਆ ਹੈ। ਪਾਕਿਸਤਾਨ ਸਰਕਾਰ 'ਚ ਵਿਗਿਆਨ ਤੇ ਤਕਨੀਕੀ ਮੰਤਰੀ ਫਵਾਦ ਚੌਧਰੀ ਨੇ ਟਵੀਟ ਕੀਤਾ ਹੈ, ਧੋਨੀ ਇੰਗਲੈਂਡ 'ਚ ਕ੍ਰਿਕਟ ਖੇਡਣ ਗਏ ਹਨ ਮਹਾਭਾਰਤ ਕਰਨ ਲਈ ਨਹੀਂ। ਭਾਰਤੀ ਮੀਡੀਆ 'ਚ ਕੀ ਬੇਹੁਦਾ ਡਿਬੇਟ ਚੱਲ ਰਿਹਾ ਹੈ। ਭਾਰਤੀ ਮੀਡੀਆ ਦਾ ਇਕ ਧੱੜਾ ਲੜਾਈ ਦੇ ਪ੍ਰਤੀ ਇੰਨਾ ਜ਼ਿਆਦਾ ਮੋਹਿਤ ਹੈ ਕਿ ਉਨ੍ਹਾਂ ਨੂੰ ਸੀਰੀਆ, ਅਫਗਾਨਿਸਤਾਨ ਜਾਂ ਰਵਾਂਡਾ ਮਰਸਨੇਰੀ (ਕਿਰਾਏ ਦੇ ਫੌਜੀ) ਬਣਾ ਕੇ ਭੇਜ ਦੇਣਾ ਚਾਹੀਦਾ ਹੈ। ਮੂਰਖ।
Dhoni is in England to play cricket not to for MahaBharta , what an idiotic debate in Indian Media,a section of Indian media is so obsessed with War they should be sent to Syria, Afghanistan Or Rawanda as mercenaries.... #Idiots https://t.co/WIcPdK5V8g
— Ch Fawad Hussain (@fawadchaudhry) June 6, 2019
ਸਾਲ 2011 'ਚ ਧੋਨੀ ਨੂੰ ਮਿਲੀ ਸੀ ਲੈਫਟਿਨੇਂਟ ਕਰਨਲ ਦੀ ਆਨਰੇਰੀ ਟਾਈਟਲ
ਧਿਆਨ ਯੋਗ ਹੈ ਕਿ ਭਾਰਤ ਦੇ ਖੇਡ ਮੰਤਰੀ ਕਿਰਨ ਰਿਜਿਜੂ ਨੇ ਕਿਹਾ ਹੈ ਕਿ ਉਨ੍ਹਾਂ ਦਾ ਮੰਤਰਾਲਾ ਇਸ ਮਾਮਲੇ 'ਚ ਤਫਤੀਸ਼ ਕਰੇਗਾ। ਭਾਰਤ ਦੀ ਟੈਰੀਟੋਰੀਅਲ ਆਰਮੀ) ਨੇ ਸਾਲ 2011 'ਚ ਵਰਲਡ ਕੱਪ ਜਿੱਤਣ ਦੇ ਤੁਰੰਤ ਬਾਅਦ ਮਹਿੰਦਰਪ ਸਿੰਘ ਧੋਨੀ ਨੂੰ ਲੈਫਟਿਨੇਂਟ ਕਰਨਲ ਦੀ ਆਨਰੇਰੀ ਟਾਈਟਲ ਨਾਲ ਨਵਾਜਿਆ ਸੀ।