ਮੇਦਵੇਦੇਵ, ਜੋਕੋਵਿਚ ਤੇ ਜ਼ਵੇਰੇਵ ਪੈਰਿਸ ਮਾਸਟਰਸ ਦੇ ਕੁਆਰਟਰ ਫ਼ਾਈਨਲ 'ਚ ਪਹੁੰਚੇ

ਪੈਰਿਸ- ਸਾਬਕਾ ਚੈਂਪੀਅਨ ਡੇਨੀਅਲ ਮੇਦਵੇਦੇਵ ਨੇ ਅਮਰੀਕਾ ਦੇ ਗ਼ੈਰ ਦਰਜਾ ਪ੍ਰਾਪਤ ਟੈਨਿਸ ਖਿਡਾਰੀ ਸੇਬੇਸਟੀਅਨ ਕੋਰਡਾ ਨੂੰ 4-6, 6-1, 6-3 ਨਾਲ ਹਰਾ ਕੇ ਪੈਰਿਸ ਮਾਸਟਰਸ ਕੁਆਰਟਰ ਫ਼ਾਈਨਲ 'ਚ ਜਗ੍ਹਾ ਬਣਾਈ। ਸੈਮੀਫ਼ਾਈਨਲ 'ਚ ਪਹੁੰਚਣ ਲਈ ਉਨ੍ਹਾਂ ਨੂੰ ਫ਼ਰਾਂਸ ਦੇ ਕੁਆਲੀਫਾਇਰ ਖਿਡਾਰੀ ਗੈਸਟਨ ਦੀ ਚੁਣੌਤੀ ਤੋਂ ਪਾਰ ਪਾਉਣਾ ਹੋਵੇਗਾ। 

ਨੋਵਾਕ ਜੋਕੋਵਿਚ ਨੇ ਬਿਨਾ ਚੁਣੌਤੀ ਪੇਸ਼ ਕੀਤੇ ਹੀ ਆਖ਼ਰੀ ਅੱਠ 'ਚ ਜਗ੍ਹਾ ਪੱਕੀ ਕਰ ਲਈ। ਉਸ ਦੇ ਵਿਰੋਧੀ ਖਿਡਾਰੀ ਗੇਲ ਮੋਨਫਿਲਸ ਸੱਟ ਕਾਰਨ ਮੈਚ ਤੋਂ ਪਿੱਛੇ ਹੱਟ ਗਏ। ਚੌਥਾ ਦਰਜਾ ਪ੍ਰਾਪਤ ਅਲੈਕਜ਼ੈਂਡਰ ਜਵੇਰੇਵ ਨੇ ਗ੍ਰਿਗੋਰ ਦਿਮਿਤ੍ਰੋਵ ਨੂੰ 7-6, 6-7, 6-3 ਨਾਲ ਦੋ ਘੰਟੇ 45 ਮਿੰਟ ਤਕ ਚਲੇ ਸਖ਼ਤ ਮੁਕਾਬਲੇ 'ਚ ਹਰਾ ਕੇ ਆਖ਼ਰੀ ਅੱਠ 'ਚ ਪ੍ਰਵੇਸ਼ ਕੀਤਾ।