LSG ਖਿਲਾਫ ਮੈਚ ''ਚ ਵੱਡਾ ਰਿਕਾਰਡ ਬਣਾ ਸਕਦੈ ਅਈਅਰ, ਸਿਰਫ 66 ਦੌੜਾਂ ਦੂਰ

ਮੁੱਲਾਂਪੁਰ : ਆਈ.ਪੀ.ਐੱਲ. 2026 ਦੇ ਇੱਕ ਅਹਿਮ ਮੁਕਾਬਲੇ ਵਿੱਚ ਅੱਜ, 19 ਅਪ੍ਰੈਲ ਨੂੰ ਪੰਜਾਬ ਕਿੰਗਜ਼ (PBKS) ਆਪਣੇ ਘਰੇਲੂ ਮੈਦਾਨ ਮੁੱਲਾਂਪੁਰ ਵਿਖੇ ਲਖਨਊ ਸੁਪਰ ਜਾਇੰਟਸ (LSG) ਦਾ ਸਾਹਮਣਾਕਰੇਗੀ। ਪੰਜਾਬ ਦੀ ਟੀਮ ਇਸ ਸੀਜ਼ਨ ਵਿੱਚ ਹੁਣ ਤੱਕ ਬੇਹੱਦ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ ਅਤੇ ਬਿਨਾਂ ਕੋਈ ਮੈਚ ਹਾਰੇ ਅੱਗੇ ਵਧ ਰਹੀ ਹੈ।

ਸ਼੍ਰੇਅਸ ਅਈਅਰ ਦੇ ਨਾਮ ਹੋ ਸਕਦੀ ਹੈ ਵੱਡੀ ਉਪਲਬਧੀ 
ਪੰਜਾਬ ਕਿੰਗਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਅੱਜ ਦੇ ਮੈਚ ਵਿੱਚ ਆਈ.ਪੀ.ਐੱਲ. ਕਰੀਅਰ ਦੇ 4000 ਦੌੜਾਂ ਪੂਰੀਆਂ ਕਰਨ ਦੇ ਇਤਿਹਾਸਕ ਅੰਕੜੇ ਨੂੰ ਛੂਹ ਸਕਦੇ ਹਨ। ਅਈਅਰ ਇਸ ਮੀਲ ਪੱਥਰ ਤੋਂ ਮਹਿਜ਼ 66 ਦੌੜਾਂ ਦੂਰ ਹਨ। ਅਈਅਰ ਨੇ ਹੁਣ ਤੱਕ ਆਪਣੇ ਆਈ.ਪੀ.ਐੱਲ. ਕਰੀਅਰ ਦੇ 138 ਮੈਚਾਂ ਵਿੱਚ 35.12 ਦੀ ਔਸਤ ਨਾਲ ਕੁੱਲ 3,934 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ 30 ਅਰਧ-ਸੈਂਕੜੇ ਸ਼ਾਮਲ ਹਨ।

ਇਸ ਸੀਜ਼ਨ ਵਿੱਚ ਬੱਲੇ ਨਾਲ ਮਚਾਈ ਤਬਾਹੀ 
ਮੌਜੂਦਾ ਸੀਜ਼ਨ ਵਿੱਚ ਅਈਅਰ ਦੀ ਫਾਰਮ ਬੇਮਿਸਾਲ ਰਹੀ ਹੈ। ਉਨ੍ਹਾਂ ਨੇ ਹੁਣ ਤੱਕ ਖੇਡੀਆਂ 4 ਪਾਰੀਆਂ ਵਿੱਚ 67.66 ਦੀ ਔਸਤ ਅਤੇ 187.96 ਦੇ ਤੂਫਾਨੀ ਸਟ੍ਰਾਈਕ ਰੇਟ ਨਾਲ 203 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਨ੍ਹਾਂ ਦੇ ਬੱਲੇ ਤੋਂ 3 ਅਰਧ-ਸੈਂਕੜੇ ਵੀ ਨਿਕਲੇ ਹਨ। ਜੇਕਰ ਪੰਜਾਬ ਕਿੰਗਜ਼ ਲਈ ਉਨ੍ਹਾਂ ਦੇ ਸਮੁੱਚੇ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 22 ਮੈਚਾਂ ਵਿੱਚ 807 ਦੌੜਾਂ ਬਣਾਈਆਂ ਹਨ।

ਦੋਵਾਂ ਟੀਮਾਂ ਦੇ ਸੰਭਾਵਿਤ ਖਿਡਾਰੀ:

ਪੰਜਾਬ ਕਿੰਗਜ਼ (PBKS): ਪ੍ਰਿਆਂਸ਼ ਆਰੀਆ, ਪ੍ਰਭਸਿਮਰਨ ਸਿੰਘ (ਵਿਕਟਕੀਪਰ), ਕੂਪਰ ਕੋਨੋਲੀ, ਸ਼੍ਰੇਅਸ ਅਈਅਰ (ਕਪਤਾਨ), ਮਾਰਕਸ ਸਟੋਇਨਿਸ, ਸ਼ਸ਼ਾਂਕ ਸਿੰਘ, ਮਾਰਕੋ ਯਾਨਸਨ, ਜ਼ੇਵੀਅਰ ਬਾਰਟਲੇਟ, ਵਿਜੇਕੁਮਾਰ ਵਿਸ਼ਾਕ, ਅਰਸ਼ਦੀਪ ਸਿੰਘ, ਯੁਜ਼ਵੇਂਦਰ ਚਾਹਲ, ਨੇਹਲ ਵਢੇਰਾ।

ਲਖਨਊ ਸੁਪਰ ਜਾਇੰਟਸ (LSG): ਏਡਨ ਮਾਰਕਰਮ, ਮਿਚੇਲ ਮਾਰਸ਼, ਰਿਸ਼ਭ ਪੰਤ (ਕਪਤਾਨ), ਨਿਕੋਲਸ ਪੂਰਨ, ਆਯੂਸ਼ ਬਡੋਨੀ, ਅਬਦੁਲ ਸਮਦ, ਮੁਕੁਲ ਚੌਧਰੀ (ਵਿਕਟਕੀਪਰ), ਮੁਹੰਮਦ ਸ਼ੰਮੀ, ਆਵੇਸ਼ ਖਾਨ, ਦਿਗਵੇਸ਼ ਸਿੰਘ ਰਾਠੀ, ਪ੍ਰਿੰਸ ਯਾਦਵ।