ਨੇੜੇ ਦੀ ਹਾਰ ਨੂੰ ਹਜ਼ਮ ਕਰਨਾ ਔਖਾ, ਪਰ ਘਬਰਾਉਣ ਦੀ ਜ਼ਰੂਰਤ ਨਹੀਂ : ਬਹੁਤੂਲੇ

ਜੈਪੁਰ - ਰਾਜਸਥਾਨ ਰਾਇਲਜ਼ ਦੇ ਸਪਿਨ ਗੇਂਦਬਾਜ਼ੀ ਕੋਚ ਸਾਈਰਾਜ ਬਹੁਤੂਲੇ ਨੇ ਮੰਨਿਆ ਕਿ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ ਪੀ ਐੱਲ) ਵਿੱਚ ਲਗਾਤਾਰ ਦੋ ਨਜ਼ਦੀਕੀ ਮੈਚ ਹਾਰਨਾ ਟੀਮ ਲਈ ਮੁਸ਼ਕਲ ਰਿਹਾ ਹੈ ਪਰ ਉਨ੍ਹਾਂ ਕਿਹਾ ਕਿ ਇਸ ਨਾਲ ਟੀਮ ਵਿੱਚ ਕੋਈ ਘਬਰਾਹਟ ਦੀ ਭਾਵਨਾ ਨਹੀਂ ਹੈ। ਰਾਇਲਜ਼ ਸ਼ਨੀਵਾਰ ਰਾਤ ਨੂੰ ਲਖਨਊ ਸੁਪਰ ਜਾਇੰਟਸ ਤੋਂ ਦੋ ਦੌੜਾਂ ਨਾਲ ਹਾਰ ਗਈ, ਜਿਸ ਤੋਂ ਬਾਅਦ ਉਹ ਆਪਣਾ ਪਿਛਲਾ ਮੈਚ ਵੀ ਦਿੱਲੀ ਕੈਪੀਟਲਜ਼ ਤੋਂ ਸੁਪਰ ਓਵਰ ਵਿੱਚ ਹਾਰ ਗਈ ਸੀ। ਅੱਠ ਮੈਚਾਂ ਵਿੱਚ ਸਿਰਫ਼ ਦੋ ਜਿੱਤਾਂ ਨਾਲ, ਰਾਜਸਥਾਨ ਅੰਕ ਸੂਚੀ ਵਿੱਚ ਅੱਠਵੇਂ ਸਥਾਨ 'ਤੇ ਹੈ।  ਬਹੁਤੂਲੇ ਨੇ ਮੈਚ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ, "ਅਸੀਂ ਚੰਗੀ ਕ੍ਰਿਕਟ ਖੇਡ ਰਹੇ ਹਾਂ,"। ਇਹ ਸਿਰਫ਼ ਇੰਨਾ ਹੈ ਕਿ ਨਤੀਜੇ ਸਾਡੇ ਹੱਕ ਵਿੱਚ ਨਹੀਂ ਸਨ। ਰਾਹੁਲ (ਦ੍ਰਾਵਿੜ) ਦੇ ਨਾਲ ਡਗਆਊਟ ਵਿੱਚ ਬਹੁਤ ਸ਼ਾਂਤੀ ਹੈ। ਸਾਡੀ ਟੀਮ ਦੇ ਸਾਰਿਆਂ ਨੇ ਕਾਫ਼ੀ ਕ੍ਰਿਕਟ ਖੇਡੀ ਹੈ ਅਤੇ ਇਸ ਲਈ ਕਿਸੇ ਨੂੰ ਵੀ ਘਬਰਾਉਣ ਦੀ ਲੋੜ ਨਹੀਂ ਹੈ।
ਪਰ ਬਦਕਿਸਮਤੀ ਨਾਲ, ਅਸੀਂ ਇਹ ਮੈਚ ਦੋ ਦੌੜਾਂ ਨਾਲ ਹਾਰ ਗਏ ਅਤੇ ਆਖਰੀ ਮੈਚ ਸੁਪਰ ਓਵਰ ਵਿੱਚ। ਇੰਨੀ ਨੇੜਲੀ ਹਾਰ ਨੂੰ ਹਜ਼ਮ ਕਰਨਾ ਔਖਾ ਹੈ ਪਰ ਖੇਡ ਇਸ ਤਰ੍ਹਾਂ ਹੀ ਚੱਲਦੀ ਹੈ। ਬਹੁਤੂਲੇ ਨੇ ਕਿਹਾ ਕਿ "ਟੀ-20 ਇੱਕ ਅਜਿਹਾ ਫਾਰਮੈਟ ਹੈ ਜਿਸ ਵਿੱਚ ਬਹੁਤ ਜ਼ਿਆਦਾ ਜੋਖਮ ਹੁੰਦਾ ਹੈ।"ਉਹ ਮੈਦਾਨ 'ਤੇ ਗਲਤੀਆਂ ਨੂੰ ਘੱਟ ਤੋਂ ਘੱਟ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਸਨੇ ਕਿਹਾ, "ਸਾਡੀ ਕੋਸ਼ਿਸ਼ ਗਲਤੀਆਂ ਨੂੰ ਘਟਾਉਣ ਦੀ ਹੈ। ਜਦੋਂ ਸਾਡੀ ਸਾਂਝੇਦਾਰੀ ਚੱਲ ਰਹੀ ਸੀ, ਅਸੀਂ ਇਸਨੂੰ ਕੁਝ ਓਵਰ ਪਹਿਲਾਂ ਖਤਮ ਕਰ ਸਕਦੇ ਸੀ। ਪਰ ਆਵੇਸ਼ ਨੇ 18ਵੇਂ ਅਤੇ 20ਵੇਂ ਓਵਰ ਵਿੱਚ ਚੰਗੀ ਗੇਂਦਬਾਜ਼ੀ ਕੀਤੀ। ਸਾਨੂੰ ਕਪਤਾਨ ਸੰਜੂ ਸੈਮਸਨ ਦੀ ਵੀ ਘਾਟ ਮਹਿਸੂਸ ਹੋਈ, ਜੋ ਸੱਟ ਕਾਰਨ ਬਾਹਰ ਸੀ।"