IPL ਕੁਆਲੀਫਾਇਰ : ਗੁਜਰਾਤ ਅਤੇ ਮੁੰਬਈ ਵਿਚਾਲੇ ਰੋਮਾਂਚਕ ਮੁਕਾਬਲੇ ਦੀ ਉਮੀਦ

ਮੁੱਲਾਂਪੁਰ- ਖਿਤਾਬ ਦੇ ਦਾਅਵੇਦਾਰ ਦੇ ਰੂਪ ’ਚ ਸ਼ੁਰੂਆਤ ਕਰਨ ਤੋਂ ਬਾਅਦ ਲੜਖੜਾਉਣ ਵਾਲੀ ਸ਼ੁੱਭਮਨ ਗਿੱਲ ਦੀ ਅਗਵਾਈ ਵਾਲੀ ਗੁਜਰਾਤ ਟਾਈਟਨਸ ਦੀ ਟੀਮ ਟੀਮ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਕੁਆਲੀਫਾਇਰ ’ਚ ਸ਼ੁੱਕਰਵਾਰ ਨੂੰ ਇਥੇ 5 ਵਾਰ ਦੇ ਚੈਂਪੀਅਨ ਮੁੰਬਈ ਇੰਡੀਅਨਸ ਨਾਲ ਭਿੜੇਗੀ। ਪਹਿਲੇ ਕੁਆਲੀਫਾਇਰ ’ਚ ਹਾਰਨ ਵਾਲੀ ਟੀਮ ਪ੍ਰਤੀਯੋਗਿਤਾ ’ਚੋਂ ਬਾਹਰ ਹੋ ਜਾਵੇਗੀ, ਜਦਕਿ ਜੇਤੂ ਟੀਮ ਨੂੰ ਦੂਜਾ ਕੁਆਲੀਫਾਇਰ ਖੇਡਣ ਦਾ ਮੌਕਾ ਮਿਲੇਗਾ।
ਖਰਾਬ ਸ਼ੁਰੂਆਤ ਦੇ ਬਾਵਜੂਦ ਮੁੰਬਈ ਇੰਡੀਅਨਸ ਦੀ ਟੀਮ ਪਲੇਆਫ ’ਚ ਥਾਂ ਬਣਾਉਣ ’ਚ ਸਫਲ ਰਹੀ। ਟਾਈਟਨਸ ਨੇ ਪਿਛਲੇ 4 ਸੈਸ਼ਨ ’ਚ ਤੀਸਰੀ ਵਾਰ ਪਲੇਆਫ ’ਚ ਥਾਂ ਬਣਾਈ ਹੈ। ਇਸ ਦੌਰਾਨ 2022 ’ਚ ਡੈਬਿਊ ਕਰਦਿਆਂ ਖਿਤਾਬ ਵੀ ਜਿੱਤਿਆ। ਹਾਲਾਂਕਿ ਗਿੱਲ ਅਤੇ ਹਾਰਦਿਕ ਦੋਨਾਂ ਨੂੰ ਹੀ ਕਾਫੀ ਕੁਝ ਸਾਬਿਤ ਕਰਨਾ ਹੋਵੇਗਾ। ਜੇਕਰ ਟਾਈਟਨਸ ਖਿਤਾਬ ਜਿੱਤਦਾ ਹੈ ਤਾਂ ਭਾਰਤ ਦੇ ਨਵ-ਨਿਯੁਕਤ ਕਪਤਾਨ ਗਿੱਲ ਦੀ ਕਪਤਾਨ ਦੇ ਰੂਪ ’ਚ ਸਾਖ ਮਜ਼ਬੂਤ ਹੋਵੇਗੀ।

ਹਾਰਦਿਕ ਨੂੰ ਪਿਛਲੇ ਸਾਲ ਟੀਮ ’ਚ ਵਾਪਸੀ ’ਤੇ ਹੂਟਿੰਗ ਦਾ ਸਾਹਮਣਾ ਕਰਨ ਦੇ ਬਾਅਦ ਪ੍ਰਸ਼ੰਸਕਾਂ ਦਾ ਪਿਆਰ ਵਾਪਸ ਮਿਲ ਗਿਆ ਹੈ ਅਤੇ ਆਈ. ਪੀ. ਐੱਲ. ਟਰਾਫੀ ਨਾਲ ਉਹ ਫ੍ਰੈਂਚਾਈਜ਼ੀ ਦੇ ਮਹਾਨ ਖਿਡਾਰੀਆਂ ਦੀ ਸੂਚੀ ’ਚ ਆਪਣੀ ਜਗ੍ਹਾ ਪੱਕੀ ਕਰ ਲਵੇਗਾ। ਹਾਲਾਂਕਿ ਦੋਨੋਂ ਕਪਤਾਨਾਂ ਨੂੰ ਖਿਤਾਬ ਦੀ ਭਾਲ ’ਚ ਆਪਣੇ ਸਾਹਮਣੇ ਮੌਜੂਦ ਮੁੱਦਿਆਂ ਦਾ ਹੱਲ ਲੱਭਣਾ ਹੋਵੇਗਾ। ਟਾਈਟਨਸ ਦੀ ਟੀਮ ਜ਼ਿਆਦਾ ਚਿੰਤਤ ਹੋਵੇਗੀ ਕਿਉਂਕਿ ਉਸ ਨੇ ਪਲੇਆਫ ਤੋਂ ਪਹਿਲਾਂ ਲੈਅ ਗੁਆ ਦਿੱਤੀ ਹੈ।

ਟੀਮ ਨੇ ਆਪਣੇ ਪਿਛਲੇ 2 ਮੈਚਾਂ ’ਚ ਹਾਰ ਦੌਰਾਨ ਵਿਰੋਧੀ ਟੀਮ ਨੂੰ 465 ਦੌੜਾਂ ਬਣਾਉਣ ਦਿੱਤੀਆਂ ਅਤੇ ਪਲੇਆਫ ’ਚ ਉਸੇ ਗੇਂਦ ਨਾਲ ਬਿਹਤਰ ਪ੍ਰਦਰਸ਼ਨ ਕਰਨਾ ਹੋਵੇਗਾ। ਟੀਮ ਦੇ ਤੇਜ਼ ਗੇਂਦਬਾਜ਼ੀ ਹਮਲੇ ਦੀ ਅਗਵਾਈ ਕਰਨ ਵਾਲੇ ਮੁਹੰਮਦ ਸਿਰਾਜ ਨੂੰ ਪਾਵਰ ਪਲੇਅ ’ਚ ਟੀਮ ਨੂੰ ਸਫਲਤਾ ਦੁਆਉਣੀ ਹੋਵੇਗੀ। ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਅਰਸ਼ਦ ਖਾਨ ਨੂੰ ਨਵੀਂ ਗੇਂਦ ਨਾਲ ਸੰਘਰਸ਼ ਕਰਨਾ ਪਿਆ, ਜਿਸ ਨਾਲ ਟਾਈਟਨਸ ਦੀਆਂ ਸਮੱਸਿਆਵਾਂ ਵਧ ਗਈਆਂ ਹਨ। ਪ੍ਰਸਿੱਧ ਕ੍ਰਿਸ਼ਣਾ ਵਰਗੇ ਗੇਂਦਬਾਜ਼ਾਂ ’ਤੇ ਦਬਾਅ ਵਧ ਗਿਆ ਹੈ, ਜੋ ਮੌਜੂਦਾ ਸੈਸ਼ਨ ’ਚ 23 ਵਿਕਟਾਂ ਨਾਲ ਟੀਮ ਲਈ ਟਰੰਪ ਕਾਰਡ ਸਾਬਿਤ ਹੋਇਆ ਹੈ।

ਤੇਜ਼ ਗੇਂਦਬਾਜ਼ੀ ਵਿਭਾਗ ਦੀਆਂ ਕਮਜ਼ੋਰੀਆਂ ਤੋਂ ਇਲਾਵਾ ਸਪਿਨ ਆਲਰਾਊਂਡਰ ਰਾਸ਼ਿਦ ਖਾਨ ਦੀ ਪ੍ਰਭਾਵਹੀਣਤਾ ਨੇ ਗੇਂਦਬਾਜ਼ੀ ’ਚ ਟੀਮ ਦੀਆਂ ਮੁਸੀਬਤਾਂ ਨੂੰ ਹੋਰ ਵਧਾ ਦਿੱਤਾ ਹੈ। ਬੱਲੇਬਾਜ਼ੀ ਵਿਭਾਗ ’ਚ ਟਾਪ 3 ਬੱਲੇਬਾਜ਼ਾਂ ਸਾਈਂ ਸੁਦਰਸ਼ਨ, ਗਿੱਲ ਅਤੇ ਜੋਸ ਬਟਲਰ ਨੇ ਟੀਮ ਨੂੰ ਪਲੇਆਫ ’ਚ ਥਾਂ ਦੁਆਉਣ ’ਚ ਅਹਿਮ ਭੂਮਿਕਾ ਨਿਭਾਈ ਹੈ। ਬਟਲਰ ਲੀਗ ਪੜਾਅ ਤੋਂ ਬਾਅਦ ਰਾਸ਼ਟਰੀ ਟੀਮ ਨਾਲ ਜੁੜਨ ਲਈ ਵਤਨ ਰਵਾਨਾ ਹੋ ਚੁੱਕਾ ਹੈ ਅਤੇ ਪਲੇਆਫ ’ਚ ਟੀਮ ਨੂੰ ਉਸ ਦੀ ਕਮੀ ਰੜਕੇਗੀ। ਬਟਲਰ ਦੇ ਬਦਲ ਦੇ ਤੌਰ ’ਤੇ ਟੀਮ ਨੇ ਕੁਸਾਲ ਮੈਂਡਿਸ ਨੂੰ ਟੀਮ ’ਚ ਸ਼ਾਮਿਲ ਕੀਤਾ ਹੈ ਪਰ ਦੇਖਣਾ ਹੋਵੇਗਾ ਕਿ ਉਹ ਇੰਗਲੈਂਡ ਦੇ ਇਸ ਸਟਾਰ ਬੱਲੇਬਾਜ਼ ਦੀ ਕਮੀ ਨੂੰ ਪੂਰਾ ਕਰ ਸਕਦੇ ਹਨ ਜਾਂ ਨਹੀਂ। ਟਾਈਟਨਸ ਦੇ ਮੱਧਕ੍ਰਮ ’ਚ ਮੌਜੂਦ ਸ਼ਾਹਰੁਖ ਖਾਨ ਅਤੇ ਸ਼ੇਰਫੇਨ ਰਦਰਫੋਰਡ ਸਭ ਤੋਂ ਵੱਧ ਭਰੋਸੇਮੰਦ ਖਿਡਾਰੀਆਂ ’ਚ ਸ਼ਾਮਿਲ ਨਹੀਂ ਹੈ, ਜਿਸ ਨਾਲ ਮੁੰਬਈ ਖਿਲਾਫ ਟਾਈਟਨਸ ਦੀ ਰਾਹ ਸੋਖੀ ਨਹੀਂ ਹੋਵੇਗੀ। ਟਾਈਨਸ ਦੀ ਤਰ੍ਹਾਂ ਮੁੰਬਈ ਨੂੰ ਵੀ ਵਿਦੇਸ਼ੀ ਖਿਡਾਰੀਆਂ ਦੇ ਜਾਣ ਨਾਲ ਨੁਕਸਾਨ ਹੋਇਆ ਹੈ। ਟਾਪ ਕ੍ਰਮ ’ਚ ਰੋਹਿਤ ਸ਼ਰਮਾ ਨਾਲ ਰਿਆਨ ਰਿਕਟਲਟਨ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਪਰ ਦੱਖਣੀ ਅਫਰੀਕਾ ਦਾ ਇਹ ਬੱਲੇਬਾਜ਼ ਹੁਣ ਰਾਸ਼ਟਰੀ ਟੀਮ ਨਾਲ ਜੁੜ ਚੁੱਕਾ ਹੈ।

ਇੰਗਲੈਂਡ ਦੇ ਬੱਲੇਬਾਜ਼ ਵਿੱਲ ਜੈਕਸ ਨਾਲ ਵੀ ਇਸੇ ਤਰ੍ਹਾਂ ਹੀ ਹੋਇਆ ਹੈ। ਇੰਗਲੈਂਡ ਦੀ ਟੀਮ ’ਚੋਂ ਬਾਹਰ ਚੱਲ ਰਹੇ ਬੱਲੇਬਾਜ਼ ਜਾਨੀ ਬੇਯਰਸਟੋ ਦੇ ਇਲਾਵਾ ਰਿਚਰਡ ਗਲੀਸਨ ਅਤੇ ਚਰਿਤ ਅਸਲੰਕਾ ਨੂੰ ਮੁੰਬਈ ਨੇ ਆਪਣੇ ਨਾਲ ਜੋੜਿਆ ਹੈ। ਕੁਆਲੀਫਾਇਰ ’ਚ ਰੋਹਿਤ ਨਾਲ ਬੇਯਰਸਟੋ ਪਾਰੀ ਦਾ ਆਗਾਜ਼ ਕਰ ਸਕਦਾ ਹੈ। ਮੱਧਕ੍ਰਮ ’ਚ ਤਿਕਲ ਵਰਮਾ ਦਾ ਖਰਾਬ ਪ੍ਰਦਰਸ਼ਨ ਵੀ ਮੁੰਬਈ ਲਈ ਚਿੰਤਾ ਦਾ ਸਬਬ ਹੈ। ਸੂਰਿਯਾਕੁਮਾਰ ਨੇ ਬੱਲੇਬਾਜ਼ੀ ’ਚ ਮੁੰਬਈ ਲਈ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਅਤੇ ਉਹ ਮੌਜੂਦਾ ਸੈਸ਼ਨ ’ਚ 640 ਦੌੜਾਂ ਬਣਾ ਚੁੱਕਾ ਹੈ। ਜਸਪ੍ਰੀਤ ਬੁਮਰਾਹ ਅਤੇ ਟ੍ਰੇਂਟ ਬੋਲਟ ਵਰਗੇ ਗੇਂਦਬਾਜ਼ਾਂ ਦੀ ਅਗਵਾਈ ’ਚ ਮੁੰਬਈ ਦੇ ਗੇਂਦਬਾਜ਼ ਵਿਰੋਧੀ ਟੀਮ ਨੂੰ ਜ਼ਿਆਦਾ ਪ੍ਰੇਸ਼ਾਨ ਕਰ ਰਹੇ ਹਨ।