GT vs RR : ਸਾਈਂ ਸੁਦਰਸ਼ਨ ਦੀ ਤੂਫਾਨੀ ਪਾਰੀ, ਗੁਜਰਾਤ ਨੇ ਰਾਜਸਥਾਨ ਨੂੰ ਦਿੱਤਾ 218 ਦੌੜਾਂ ਦਾ ਟੀਚਾ

ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦਾ 23ਵਾਂ ਮੈਚ ਅੱਜ ਯਾਨੀ 9 ਅਪ੍ਰੈਲ ਨੂੰ ਗੁਜਰਾਤ ਟਾਈਟਨਜ਼ ਅਤੇ ਰਾਜਸਥਾਨ ਰਾਇਲਜ਼ ਵਿਚਕਾਰ ਖੇਡਿਆ ਜਾ ਰਿਹਾ ਹੈ। ਇਹ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਹੋ ਰਿਹਾ ਹੈ। ਇਸ ਮੈਚ ਵਿੱਚ ਰਾਜਸਥਾਨ ਦੇ ਕਪਤਾਨ ਸੰਜੂ ਸੈਮਸਨ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਚੁਣੀ। ਗੁਜਰਾਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਸਾਈਂ ਸੁਦਰਸ਼ਨ ਦੀ 82 ਦੌੜਾਂ ਦੀ ਤੂਫਾਨੀ ਪਾਰੀ ਦੀ ਬਦੌਲਤ ਰਾਜਸਥਾਨ ਸਾਹਮਣੇ 218 ਦੌੜਾਂ ਦਾ ਟੀਚਾ ਰੱਖਿਆ ਹੈ। 

ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਗੁਜਰਾਤ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ। ਤੀਜੇ ਓਵਰ ਵਿੱਚ ਹੀ ਜੋਫਰਾ ਆਰਚਰ ਨੇ ਗੁਜਰਾਤ ਦੇ ਕਪਤਾਨ ਗਿੱਲ ਨੂੰ ਕਲੀਨ ਬੋਲਡ ਕਰ ਦਿੱਤਾ। ਉਸ ਸਮੇਂ ਗੁਜਰਾਤ ਦਾ ਸਕੋਰ ਸਿਰਫ਼ 14 ਦੌੜਾਂ ਸੀ। ਇਸ ਤੋਂ ਬਾਅਦ ਸਾਈਂ ਸੁਦਰਸ਼ਨ ਅਤੇ ਜੋਸ਼ ਬਟਲਰ ਵਿਚਕਾਰ ਇੱਕ ਸ਼ਾਨਦਾਰ ਸਾਂਝੇਦਾਰੀ ਹੋਈ। ਬਟਲਰ ਨੇ ਵੀ ਧਮਾਕੇਦਾਰ ਬੱਲੇਬਾਜ਼ੀ ਕੀਤੀ। ਬਟਲਰ ਦੀ ਵਿਕਟ 10ਵੇਂ ਓਵਰ ਵਿੱਚ ਡਿੱਗੀ ਜਦੋਂ ਗੁਜਰਾਤ ਦਾ ਸਕੋਰ 94 ਦੌੜਾਂ ਸੀ। ਸਾਈਂ ਸੁਦਰਸ਼ਨ ਦੂਜੇ ਸਿਰੇ 'ਤੇ ਡਟੇ ਰਹੇ। ਸਾਈਂ ਸੁਦਰਸ਼ਨ ਨੇ 82 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਸ਼ਾਹਰੁਖ ਖਾਨ ਨੇ ਵੀ 36 ਦੌੜਾਂ ਬਣਾਈਆਂ। ਬਾਅਦ ਵਿੱਚ ਰਾਹੁਲ ਤੇਵਤੀਆ ਨੇ ਇੱਕ ਛੋਟੀ ਪਾਰੀ ਖੇਡੀ ਜਿਸ ਨਾਲ ਗੁਜਰਾਤ ਨੇ ਰਾਜਸਥਾਨ ਸਾਹਮਣੇ 218 ਦੌੜਾਂ ਦਾ ਟੀਚਾ ਰੱਖਿਆ।