DC vs LSG : ਆਸ਼ੂਤੋਸ਼ ਦੀ ਜਾਦੁਈ ਪਾਰੀ, ਦਿੱਲੀ ਨੇ ਆਖਰੀ ਓਵਰ ''ਚ 1 ਵਿਕਟ ਨਾਲ ਜਿੱਤਿਆ ਮੈਚ

ਸਪੋਰਟਸ ਡੈਸਕ- ਦਿੱਲੀ ਕੈਪੀਟਲਜ਼ (DC) ਨੇ ਅਕਸ਼ਰ ਪਟੇਲ ਦੀ ਕਪਤਾਨੀ ਹੇਠ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਇੰਡੀਅਨ ਪ੍ਰੀਮੀਅਰ ਲੀਗ (IPL) 2025 ਸੀਜ਼ਨ ਵਿੱਚ ਦਿੱਲੀ ਨੇ ਆਪਣਾ ਪਹਿਲਾ ਮੈਚ ਸੋਮਵਾਰ (24 ਮਾਰਚ) ਨੂੰ ਵਿਸ਼ਾਖਾਪਟਨਮ ਵਿੱਚ ਲਖਨਊ ਸੁਪਰ ਜਾਇੰਟਸ (LSG) ਵਿਰੁੱਧ ਖੇਡਿਆ, ਜਿਸ ਵਿੱਚ 1 ਵਿਕਟ ਨਾਲ ਜਿੱਤ ਪ੍ਰਾਪਤ ਕੀਤੀ।

ਵਿਸ਼ਾਖਾਪਟਨਮ ਦੇ ਮੈਦਾਨ 'ਤੇ ਖੇਡੇ ਗਏ ਇੱਕ ਰੋਮਾਂਚਕ ਮੈਚ ਵਿੱਚ ਦਿੱਲੀ ਕੈਪੀਟਲਜ਼ ਨੇ 1 ਵਿਕਟ ਨਾਲ ਰੋਮਾਂਚਕ ਜਿੱਤ ਹਾਸਲ ਕੀਤੀ। 7 ਦੌੜਾਂ 'ਤੇ ਤਿੰਨ ਵਿਕਟਾਂ ਗੁਆਉਣ ਵਾਲੀ ਦਿੱਲੀ ਨੂੰ ਮੱਧਕ੍ਰਮ ਵਿੱਚ ਆਸ਼ੂਤੋਸ਼ ਸ਼ਰਮਾ ਅਤੇ ਵਿਪਰਾਜ ਦਾ ਸਮਰਥਨ ਮਿਲਿਆ। ਆਖਰੀ ਓਵਰ ਬਹੁਤ ਰੋਮਾਂਚਕ ਸੀ ਜਿੱਥੇ ਇੱਕ ਅਸਫਲ LBW ਅਪੀਲ ਤੋਂ ਬਾਅਦ ਆਸ਼ੂਤੋਸ਼ ਨੇ ਛੱਕਾ ਮਾਰ ਕੇ ਆਪਣੀ ਟੀਮ ਨੂੰ ਜਿੱਤ ਦਿਵਾਈ। 

ਇਸ ਤੋਂ ਪਹਿਲਾਂ, ਦਿੱਲੀ ਦੇ ਕਪਤਾਨ ਅਕਸ਼ਰ ਪਟੇਲ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਲਖਨਊ ਲਈ ਮਾਰਸ਼ ਨੇ 72 ਅਤੇ ਨਿਕੋਲਸ ਪੂਰਨ ਨੇ 75 ਦੌੜਾਂ ਬਣਾਈਆਂ। ਅੰਤ ਵਿੱਚ ਮਿਲਰ ਨੇ 27 ਦੌੜਾਂ ਬਣਾ ਕੇ ਸਕੋਰ 8 ਵਿਕਟਾਂ 'ਤੇ 209 ਦੌੜਾਂ ਤੱਕ ਪਹੁੰਚਾਇਆ। 

ਜਵਾਬ ਵਿੱਚ ਖੇਡ ਰਹੀ ਦਿੱਲੀ ਦੀ ਸ਼ੁਰੂਆਤ ਮਾੜੀ ਰਹੀ। ਪਰ ਮੱਧ ਕ੍ਰਮ ਵਿੱਚ ਟ੍ਰਿਸਟਨ, ਵਿਪਰਾਜ ਅਤੇ ਫਾਫ ਨੇ ਉਪਯੋਗੀ ਦੌੜਾਂ ਬਣਾਈਆਂ। ਅੰਤ ਵਿੱਚ ਆਸ਼ੂਤੋਸ਼ ਨੇ 60 ਦੌੜਾਂ ਬਣਾਈਆਂ ਪਰ ਇਹ ਜਿੱਤ ਲਈ ਕਾਫ਼ੀ ਨਹੀਂ ਸਨ। ਕਿਉਂਕਿ ਆਖਰੀ ਓਵਰ ਵਿੱਚ 6 ਦੌੜਾਂ ਦੀ ਲੋੜ ਸੀ, ਮੋਹਿਤ ਦੇ ਖਿਲਾਫ ਪਹਿਲੀ ਹੀ ਗੇਂਦ 'ਤੇ LBW ਅਪੀਲ ਕੀਤੀ ਗਈ ਪਰ ਇਹ ਅਸਫਲ ਰਹੀ। ਮੋਹਿਤ ਨੇ ਦੂਜੀ ਗੇਂਦ 'ਤੇ ਇੱਕ ਸਿੰਗਲ ਲਿਆ ਅਤੇ ਆਸ਼ੂਤੋਸ਼ ਨੇ ਤੀਜੀ ਗੇਂਦ 'ਤੇ ਛੱਕਾ ਲਗਾ ਕੇ ਆਪਣੀ ਟੀਮ ਨੂੰ 1 ਵਿਕਟ ਨਾਲ ਜਿੱਤ ਦਿਵਾਈ।